స్టార్ హీరోతో తమన్నా బాయ్ ఫ్రెండ్ వైల్డ్ ఫైట్

బాలీవుడ్ లో నటుడిగా సక్సెస్ అయిన హైదరాబాద్ కుర్రాడు విజయ్ వర్మ గురించి ప్రత్యేకంగా పరిచయం చేయాల్సిన అవసరం లేదు. ఈ మధ్య సౌత్ ఇండియన్ స్టార్ హీరోయిన్ తమన్నా బాయ్ ఫ్రెండ్ గా మరింత పాపులారిటీ సొంతం చేసుకున్నాడు. నటుడిగా అతను తెలుగులో నాని ఎంసిఏ సినిమాలో నటించాడు. ఈ సినిమాలో విజయ్ వర్మ నటనకి మంచి ప్రశంసలు లభించాయి.

బాలీవుడ్ లో అవకాశాలు ఎక్కువగా వస్తూ ఉండటం అక్కడే సెటిల్ అయిపోయాడు. పాత్ర నచ్చితే సినిమా, వెబ్ సిరీస్ అని సంబంధం లేకుండా చేసుకుంటూ వెళ్తున్నాడు. రీసెంట్ గా తమన్నాతో కలిసి లస్ట్ స్టోరీస్ 2లో విజయ్ వర్మ నటించాడు. అప్పటి నుంచి వీరిద్దరూ రిలేషన్ లో ఉన్నారు. ఈ విషయాన్ని మీడియాకి కూడా కన్ఫర్మ్ చేసేశారు.

డార్లింగ్స్, దహద్, పింక్, గల్లీ బాయ్, సూపర్ 30 వంటి సినిమాలలో విజయ్ వర్మ పవర్ ఫుల్ పాత్రలలో నటించి మెప్పించాడు. ఇదిలా ఉంటే ఇప్పుడు కోలీవుడ్ లోకి అడుగుపెడుతున్నారు. అది కూడా స్టార్ హీరో సూర్యకి ప్రతినాయకుడిగా డెబ్యూ చేస్తూ ఉండటం విశేషం.

ఆకాశం నీ హద్దురా సినిమా తర్వాత సుధా కొంగరా మరోసారి సూర్యతో సినిమా చేయడానికి రెడీ అవుతోంది. ప్రస్తుతం అక్షయ్ కుమార్ తో ఈ మూవీ రీమేక్ చేస్తోంది. మేగ్జిమమ్ ఈ సినిమా ముగింపు దశకి వచ్చేసింది. ఈ చిత్రం తర్వాత సూర్యతో మూవీ చేయడానికి సిద్ధం అవుతోంది. ఇప్పటికే సూర్య కథ కూడా విని ప్రాజెక్ట్ కన్ఫర్మ్ చేసారంట. 2D ఎంటర్‌టైన్‌మెంట్ ఈ చిత్రాన్ని నిర్మించనుంది.

ఈ సినిమాలో ప్రతినాయకుడిగా విజయ్ వర్మని ఖరారు చేసారంట. ప్రస్తుతం సూర్య, శివ దర్శకత్వంలో కంగువ మూవీ చేస్తున్నారు. ఈ సినిమా షూటింగ్ ప్రస్తుతం జరుగుతోంది. దీని తర్వాత వచ్చే ఏడాది సుధా కొంగరా దర్శకత్వంలో సినిమా సెట్స్ పైకి వెళ్లే అవకాశం ఉందని కోలీవుడ్ సర్కిల్ లో వినిపిస్తోంది.