అనుష్క సై అంది..మ‌నోళ్లు ఏమంటారో?

ఎట్ట‌కేల‌కు అనుష్క మ‌నసులో మాట బ‌య‌ట‌పెట్టింది. ఇంత కాలం కావాల‌ని విశ్రాంతి తీసుకున్నాను..ఇక మ‌ళ్ళీ ప‌నికి వేళాయేనే! అని క్లారిటీ ఇచ్చేసింది. మాలీవుడ్ లో కూడా ఓ సినిమాతో లాంచ్ అవుతుంది. ఇది అమ్మ‌డికి కొత్త ర‌క‌మైన ఎక్స్ పీరియన్స్. కోలీవుడ్...టాలీవుడ్ లో చాలా సినిమాలు చేసింది. కానీ సౌత్లో పెండింగ్ ఉన్న మాలీవుడ్ లోకి ఇప్పుడు వెళ్తోంది. రేపో మాపో క‌న్న‌డ‌లోనూ ఎంట్రీ ఇచ్చేస్తుంది. అవ‌న్నీ ప‌క్క‌న‌బెడితే టాలీవుడ్ లో అనుష్క కంబ్యాక్ ఎలా ఉంటుంది? అన్న‌ది ఇప్పుడు ఆసక్తిక‌రం.

మునుప‌టి లో అనుష్క మ‌ళ్లీ బిజీ హీరోయిన్ అవుతుందా? హీరోలు..ద‌ర్శ‌క‌-నిర్మాత‌లు గ‌తంలో లో అద‌రిస్తారా? అన్న‌ది ఆస‌క్తిక‌రంగా మారింది. ప‌రిశ్ర‌మ గురించి తెలిసిన వాళ్లెవ‌వ‌రూ ఎక్కువ గ్యాప్ తీసుకోవ‌డానికి ఇష్ట‌ప‌డ‌రు. ఎందుకంటే గ్యాప్ అనేది ఇమేజ్ పై ప్ర‌భావం చూపిస్తుంది. అందులోనూ హీరోయిన్ల‌పై ఆ ప్ర‌భావం చాలా బ‌లంగా ఉంటుంది. అలాంటింది అనుష్క చాలా లాంగ్ గ్యాప్ తీసుకుని రీ ఎంట్రీ ఇస్తోంది.

ఈ వ్య‌వ‌ధిలో చాలా మంది కొత్త వాళ్లు వ‌చ్చి నిల‌దొక్కుకున్నారు. అంతా కుర్ర హీరోయిన్లే. అనుష్క వ‌య‌సు 41...ఇప్పుడా యంగ్ హీరోయిన్ల వ‌యసు 25..30మ‌ధ్య‌లో ఉన్నాయి. అగ్ర హీరోలంతా శ్రీలీల లాంటి వారితో క‌లిసి న‌టించ‌డానికి ఆస‌క్తి చూపిస్తున్నారు. అలాంటి శ్రీలీలు ఇంకాచాలా మంది ఉన్నారు. కొత్త ఉత్సాహంతో...కొత్త ముఖాలతో హీరోలంతా న‌టించ‌డానికి ఎంతో ఆస‌క్తిగా ఉంటున్నారు. అనుష్క ఇప్పుడు వాళ్ల నుంచి కూడా పోటీని ఎదుర్కోవాలి. ఆ పోటీని త‌ట్టుకుని నిల‌బ‌డితేనే సెకెండ్ ఇన్నింగ్స్ స‌వ్యంగా సాగుతుంది.

లేక‌పోతే త్రిష‌..న‌య‌న‌తార‌..కాజ‌ల్ అగ‌ర్వాల్ లా కెరీర్ ముగింపు కి చేరుకున్న‌ట్లే అన్న విశ్లేష‌ణ‌లు తెర‌పైకి వ‌స్తున్నాయి. ప‌రిశ్ర‌మ అవ‌స‌రం ఉన్నంత వ‌ర‌కే గుర్తు పెట్టుకుంటుంది. అవస‌రం తీరిన త‌ర్వాత అలాగే వ‌దిలేస్తుంది. మ‌రి అనుష్క పాత ప‌రిచ‌యాల్ని..స్నేహాల్ని ఉప‌యోగించుకుని ఎంత వ‌ర‌కూ బిజీ అవుతుందో చూడాలి. ఓటీటీలో కూడా న‌టించ‌డానికి అనుష్క రెడీగా ఉన్న సంగ‌తి తెలిసిందే.