ఈషారెబ్బా అవ‌కాశాలు కావాల‌నే కాల‌ద‌న్నింది!
తెలుగ‌మ్మాయి ఈషారెబ్బా కెరీర్ జ‌ర్నీ ఎలా ఉందో తెలిసిందే. న‌టిగా చాలా సినిమాలు చేసింది.
By: Tupaki Desk | 1 Oct 2023 11:30 AM GMT
తెలుగ‌మ్మాయి ఈషారెబ్బా కెరీర్ జ‌ర్నీ ఎలా ఉందో తెలిసిందే. న‌టిగా చాలా సినిమాలు చేసింది. కానీ `అర‌వింద సమేత వీర‌రాఘ‌వ` లాంటి పెద్ద సినిమా ప‌డే స‌రికి అమ్మ‌డికి మంచి పేరొచ్చింది. హీరోయిన్ ఛాన్స్ కాక‌పోయినా కీల‌క పాత్ర ఈషారెబ్బాకి మంచి ఐడెంటిటీని తీసుకొచ్చింది. `స‌వ్య‌సాచి`..`మోస్ట్ ఎలిబిజు ల్ బ్యాచ్ ల‌ర్` లాంటి సినిమాల్లో చిన్న రోల్స్ కి ప‌రిమితమైన అర‌వింద స‌మేత‌లో రోల్ తో మాత్రం ప్ర‌త్యేకంగా ఫోక‌స్ అయింది.
అలాగే కోలీవుడ్ లోనూ రెండు..మూడు సినిమాలు చేసింది. ప్ర‌స్తుతం సుధీర్ బాబు హీరోగా న‌టిస్తోన్న `మామా మ‌శ్చింద్ర`లో న‌టిస్తోంది. ఇది గాక కొన్ని కొత్త అవ‌కాశాలు చేతిలో ఉన్న‌ట్లు తెలుస్తోంది. అయితే కెరీర్ ప్రారంభించి ప‌దేళ్లు అయినా అనుకున్నంత బిజీ కాలేదు. తాజాగా ఇలా ఖాళీగా ఉండ‌టానికి ఓ కార‌ణం కూడా వెలుగులోకి వ‌చ్చింది. ఈ విష‌యాన్ని ఆమె స్వ‌యంగా వెల్ల‌డించింది. `అర‌వింద సమేత` త‌ర్వాత అదే త‌ర‌హా పాత్ర‌లు చాలా సినిమాల్లో వ‌చ్చాయట.
కానీ తానే న‌చ్చ‌క న‌టించ‌లేదుట. ఒకే ర‌క‌మైన పాత్ర‌లు చేస్తే కొత్త‌ద‌నం ఉండ‌ద‌ని భావించి వ‌చ్చిన అవ‌కాశాలు వ‌దులుకున్న‌ట్లు తెలిపింది. మూస పాత్ర‌లు చేయ‌డం అంటే తొలి నుంచి న‌చ్చ‌ద‌ట. ఏ పాత్ర చేసినా అందులో కొత్త‌ద‌నం కోరుకుంటాన‌ని.. అలాంటి ఆఫ‌ర్లు వ‌చ్చిన‌ప్పుడు ఎలాంటి సినిమా అనేది ఆలోచించ‌కుండా సైన్ చేస్తుందిట. ప్ర‌స్తుతం విక్ర‌మ్ ప్ర‌భుతో ఓ సినిమా చేస్తుందిట.
ఇందులో త‌న పాత్ర డిఫ‌రెంట్ గా ఉంటుంది...ప్రేక్ష‌కుల‌కు న‌చ్చుతుంద‌ని ధీమా వ్య‌క్తం చేసింది. అలాగే తెలుగులో ద‌యా-2 అనే ఓ సిరీస్ లో న‌టించాల్సి ఉందిట. ఇక మామా మ‌శ్చింద్ర‌లో హీరోయిన్ గా ఎవ‌రైతే బాగుంటుంది అనుకుంటోన్న స‌మ‌యంలో ఈషా అయితే బాగుంటుంద‌ని సుదీర్ బాబు ఈ పాత్ర‌కు త‌న‌ని రిఫ‌ర్ చేసారుట. అలా ఈ సినిమాలో అమ్మ‌డు అవ‌కాశం అందుకున్న‌ట్లు తెలుస్తోంది.
