కుమారికి వెబ్ సీరీస్ లు కూడా కలిసి రావట్లేదు..!

అంతకుముందు అలా ఎలా అనే సినిమాతో తెలుగు సినిమాల్లో తెరంగేట్రం చేసిన హెబ్భా పటేల్ సుకుమార్ దృష్టిలో పడి కుమారి 21ఎఫ్ సినిమా ఛాన్స్ అందుకుంది. ఆ సినిమా యూత్ ఫుల్ హిట్ అవడంతో కుమారి హెబ్భా రేంజ్ పెరిగిపోయింది. ఆ టైం లో హెబ్భా సరైన కథలు ఎంపిక చేసుకుని ఉంటే కచ్చితంగా ఆమె కెరీర్ వేరేలా ఉండేది కానీ ఆ టైం లో తనకు వచ్చిన ప్రతి సినిమా చేస్తూ వెళ్లింది అమ్మడు. అలా చేయడం వల్ల ఆమె కెరీర్ రిస్క్ లో పడింది. కొన్ని సినిమాల్లో కేవలం ఆమెకు ఒకటి రెండు డైలాగ్స్ మాత్రమే ఉన్న సందర్భాలు ఉన్నాయి.

ఛాన్స్ లు లేని టైం లో ఎలాగైనా సినిమాల్లో కనిపించాలని స్పెషల్ సాంగ్స్ కూడా చేసింది హెబ్భా పటేల్. అయితే సిల్వర్ స్క్రీన్ పై అవకాశాలు లేని ఇలాంటి వారికి ఓటీటీ ఫ్లాట్ ఫాంస్ మంచి వేదికగా మారుతున్నాయి. ఈ క్రమంలో హెబ్భా పటేల్ కూడా డిజిటల్ ఎంట్రీ ఇచ్చింది. ఆల్రెడీ అంతకుముందు ఆహా కోసం మస్తీస్ అనే వెబ్ సీరీస్ చేసిన హెబ్భా పటేల్ లేటెస్ట్ గా జీ 5 లో వ్యవస్థ అనే సీరీస్ చేసింది. ఈ సీరీస్ పై అమ్మడు చాలా హోప్స్ పెట్టుకుంది కానీ అది కూడా అంతగా వర్క్ అవుట్ అయినట్టు లేదు.

సినిమాలు లేక వెబ్ సీరీస్ లు చేస్తున్న హెబ్భా పటేల్ ఇక్కడైనా లక్ కలిసి వస్తుందేమో అనుకుంటే అక్కడ కూడా తన బ్యాడ్ టైం కొనసాగుతుంది. అయితే తెలుగులో ఆమె చేసిన సినిమాల వల్ల అమ్మడికి తమిళ సినిమా ఛాన్స్ లు వస్తున్నాయి. ప్రస్తుతం తమిళంలో రెండు సినిమాలు చేస్తుంది హెబ్భా పటేల్. తెలుగులో కూడా తెలిసినవాళ్లు సినిమాలో నటిస్తుంది హెబ్భా పటేల్.

సోలో హీరోయిన్ గా ఛాన్స్ లు రాకపోయినా స్టార్ సినిమా అయితే స్పెషల్ సాంగ్ అయినా చేసేందుకు రెడీ అంటుంది హెబ్భా పటేల్. తెలుగు తమిళంలో తన సత్తా చాటాలని ప్రయత్నిస్తున్న హెబ్భాకి చేస్తున్న సినిమాలతో అయినా లక్ కలిసి రావాలని ఆశిద్దాం. సుకుమార్ ప్రొడక్షన్ లో ఫస్ట్ హిట్ అందుకున్న హీరోయిన్ ఇలా కెరీర్ ఫెడవుట్ అవడం అందరిని ఆశ్చర్యపరుస్తున్నా క్రేజ్ వచ్చినప్పుడే కథల మీద చేస్తున్న సినిమాల గురించి జాగ్రత్త పడాలని హెబ్భాని చూస్తేనే అర్థమవుతుంది.