టాప్ స్టోరి: ఇన్‌స్టాలో టాప్ 5 హీరోయిన్స్

సెలబ్రిటీలు తమ జీవితంలోని రసవత్తరమైన విశేషాలను ఎప్పటికప్పుడు అభిమానులతో షేర్ చేసుకోవడానికి ఇష్టపడతారు. అదే ఒక స్టార్ తో అభిమానుల మధ్య అనుబంధాన్ని మరింత బలపరుస్తుంది. వారి దినచర్య, కుటుంబంతో సరదా విహారయాత్రలు, వృత్తిగ‌త‌ జీవితం.. ఇలా ప్రతి విషయాన్ని అంద‌రితో షేర్ చేయ‌డాన్ని అభిమానులు ఆనందిస్తారు. ఇన్‌స్టాగ్రామ్‌లో ఇది భారీ ఫాలోవర్స్ ని సృష్టిస్తుంది. అలా చూస్తే ఇప్ప‌టివ‌ర‌కూ ఇన్ స్టాలో నంబ‌ర్ వ‌న్ స్టార్ గా గ్లోబ‌ల్ స్టార్ ప్రియాంక చోప్రా (పీసీ) పేరు వినిపిస్తోంది. ఇప్పుడు రెండవ స్థానంలో ఉన్న హీరోయిన్ ఎవరో తెలుసా?

సాహో బ్యూటీ శ్రద్ధా కపూర్ కి పీసీ త‌ర్వాత మ‌ళ్లీ అంత‌టి ఫాలోయింగ్ ఉంది. ట్యాలెంటెడ్ శ్ర‌ద్ధాకు ఇన్‌స్టాగ్రామ్‌లో 8 కోట్ల 36ల‌క్ష‌ల (83.6 మిలియన్ల) మంది అభిమానులు ఉన్నారు. ప్రియాంక చోప్రా జోనాస్ తర్వాత అత్యధికంగా ఫాలో అవుతున్న వారిలో ఆమె రెండో స్థానంలో ఉంది. శ్రద్ధా కూల్, హోమ్లీ, సింపుల్ నేచర్ త‌న‌ను నెటిజన్లలో బాగా పాపులర్ చేసింది. సోషల్ మీడియా ప్లాట్‌ఫారమ్‌లలో శ్ర‌ద్ధా క‌పూర్ పోస్ట్‌లకు మిలియన్ల మంది వీక్షణలు లైక్‌లు వచ్చాయి.

శ్రద్ధ జమ్నాబాయి స్కూల్‌లో విద్యాభ్యాసం సాగించింది. తర్వాత 15 ఏళ్ల వయసులో అమెరికన్ స్కూల్ ఆఫ్ బాంబేకి మారింది. త‌న స్కూల్ మేట్స్ టైగర్ ష్రాఫ్ -అథియా శెట్టి. శ్ర‌ద్ధా బోస్టన్ యూనివర్సిటీకి సైకాలజీలో ప‌ట్టా సంపాదించింది. అయితే 2010లో తన తొలి చిత్రం 'తీన్ పత్తి'లో నటించడానికి స్ట‌డీస్ ని సగంలోనే వదిలేసింది. శ్రద్ధా బాలీవుడ్ లో మోస్ట్ స‌క్సెస్ ఫుల్ హీరోయిన్ గా ఎదిగింది. ఈ భామ త‌దుప‌రి స్త్రీ 2లో కనిపించనుంది. శ్ర‌ద్ధా కపూర్ తదుపరి రణబీర్ కపూర్ సరసన లవ్ రంజన్ చిత్రంలో.. దర్శకుడు నిఖిల్ ద్వివేది తెర‌కెక్కించే ట్ర‌యాల‌జీ లోను నటించనుంది. తాజా స‌మాచారం మేర‌కు శ్ర‌ద్ధా 'స్త్రీ 2'లో న‌టించ‌నుందని తెలిసింది.

సోష‌ల్ మీడియాల‌తో భారీ ఆదాయం :

సామాజిక మాధ్య‌మాల ద్వారా భారీగా ఆదాయం ఆర్జిస్తున్న క‌థానాయిక‌ల జాబితాను ప‌రిశీలిస్తే ఇందులో ప‌లువురి పేర్లు ఉన్నాయి. ప్రియాంక చోప్రా- శ్ర‌ద్ధా క‌పూర్‌- ఆలియా భ‌ట్-క‌త్రిన‌-దీపిక ప‌దుకొనే- నేహా క‌క్క‌ర్ వంటి వారికి ఇన్ స్టాలో అసాధార‌ణ ఫాలోయింగ్ ఉంది. ప్రియాంక చోప్రా ఇన్ స్టాలో అత్యధిక ఫాలోవ‌ర్లను క‌లిగి ఉన్న‌ భారతీయ నటిగా రికార్డుల‌కెక్కింది. ఇప్ప‌టికి 89.7 మిలియన్ల మంది ఇన్ స్టాగ్రామ్ ఫాలోవర్లను పీసీ కలిగి ఉన్నారు. అలియా భట్ ప్రస్తుతం 80.2 మిలియన్ల ఇన్ స్టాగ్రామ్ ఫాలోవర్లతో టాప్ 3లో కొన‌సాగుతున్నారు. దీపికా పదుకొణెకు 76.5 మిలియన్ల మంది ఫాలోవర్లు ఉన్నారు. కత్రినా కైఫ్ కు 68.4 మిలియన్ల మంది ఫాలోవర్లు ఉన్నారు. క‌త్రిన హబ్బీ హీరో విక్కీ కౌశ‌ల్ కి ప్రస్తుతం 14.4 మిలియన్ల మంది ఫాలోవర్లు ఉన్నారు. టాలీవుడ్ అగ్ర క‌థానాయిక స‌మంత‌కు 30.3 మిలియ‌న్ల ఫాలోవ‌ర్స్ ఇన్ స్టాలో ఉన్నారు. 222 మిలియన్లకు పైగా ఇన్‌స్టాగ్రామ్ ఫాలోవర్లతో ప్రపంచంలో అత్యధికంగా ఫాలో అవుతున్న భారతీయుడిగా విరాట్ కోహ్లీ రికార్డుల‌కెక్కారు. త‌మ‌కు ఉన్న ఫాలోయింగ్ ని బ‌ట్టి ఒక్కో స్టార్ కి ఇన్ స్టా ద్వారా భారీగా క‌మ‌ర్షియ‌ల్ ప్ర‌క‌ట‌న‌ల‌తో ఆదాయం ద‌క్కుతోంది.