క్వీన్ కంగనాకి ఇది పెద్ద సవాలే..!

బాలీవుడ్ క్వీన్ కంగనా రనౌత్ టాలెంట్ గురించి అందరికీ తెలిసిందే. ఎలాంటి సినిమా నేపథ్యం నుంచి రాకపోయినా సరే బాలీవుడ్ లో క్వీన్ గా తన సత్తా చాటిన కథానాయిక కంగనా రనౌత్. ఆన్ స్క్రీన్ నటించడమే కాదు ఆఫ్ స్క్రీన్ లో కూడా తను కొన్ని విషయాల మీద ఫైట్ చేస్తుంది. ముఖ్యంగా బాలీవుడ్ లో నెపొటిజం మీద కంగనా చేసే కామెంట్స్ అప్పుడప్పుడు హాట్ టాపిక్ గా మారుతుంటాయి. ఇక కేవలం నటన మాత్రమే కాదు రైటర్, డైరెక్టర్, ప్రొడ్యూసర్ ఇలా తనలో ఉన్న టాలెంట్ అంతా కూడా సినిమాలకే ధారపోస్తుంది కంగనా.

ఆమె చేసే ప్రతి సినిమాలో ప్రతి పాత్ర కూడా చాలా ప్రత్యేకంగా ఉండాలని అనుకుంటుంది. అందుకే ఆమెతో సినిమాలు చేసే డైరెక్టర్స్ తో ఆమె ఎప్పుడు పోట్లాడుతూ ఉంటుంది. అఫ్కోర్స్ అదంతా కూడా సినిమా బాగా వచ్చేందుకే అని చెప్పొచ్చు. బాలీవుడ్ లోనే కాదు సౌత్ సినిమాల్లో కూడా కంగనా హడావిడి చేసింది. పూరీ డైరెక్షన్ లో ప్రభాస్ హీరోగా వచ్చిన ఏక్ నిరంజన్ సినిమాలో కంగనా నటించింది. ఆ సినిమా అంతగా వర్క్ అవుట్ కాలేదు కానీ కంగనా టాలెంట్ ఏంటో అందరికీ తెలిసింది.

ఆ తర్వాత తెలుగు ఆఫర్ ఏది రాలేదు. లేటెస్ట్ గా తమిళ్ లో చంద్రముఖి 2 ఛాన్స్ అందుకుంది కంగనా. పి వాసు డైరెక్షన్ లో తెరకెక్కుతున్న ఈ సూపర్ హిట్ సీక్వల్ మూవీలో కంగనా ప్రధాన ఆకర్షణగా నిలుస్తుంది. చంద్రముఖి సినిమాలో రజిని, జ్యోతికల పర్ఫార్మెన్స్ ల గురించి ఎంత చెప్పినా తక్కువే. ఇప్పుడు జ్యోతిక ప్లేస్ లో కంగనా అలా కనిపించనుంది. చంద్రముఖిలా చేయడం అనేది కంగనాకి పెద్ద సవాలే అని చెప్పొచ్చు.

చంద్రముఖి 2 లో లారెన్స్ మేల్ లీడ్ గా నటిస్తున్నాడు. ఈ సినిమాను పాన్ ఇండియా రేంజ్ లో రిలీజ్ ప్లాన్ చేస్తున్నారు. చంద్రముఖి సినిమాకు ప్రత్యేకమైన అభిమానులు ఉన్నారు. వారంతా కూడా ఈ సీక్వల్ సినిమాపై భారీ అంచనాలు ఏర్పరచుకున్నారు. మరి కంగనా రనౌత్ ఈ సినిమాలో ఎలా కనిపిస్తుంది. తన అభినయంతో ఏ రేంజ్ లో మెప్పిస్తుందో చూడాలంటే సినిమా వచ్చే దాకా వెయిట్ చేయాల్సిందే. చంద్రముఖి సీక్వెల్ గా విక్టరీ వెంకటేష్ నాగవల్లి అనే ప్రయత్నం చేశారు. మరి ఈ చంద్రముఖి 2 ఏం చేస్తుందో చూడాలి.