కంగ‌న ఇలా సినిమా ఛాన్సులు కూడా అడుగ‌తుందా?
బాలీవుడ్ బ్రాండ్ హీరోయిన్ కంగ‌న. అమ్మ‌డు సినిమాలో ఉందంటే? ఆ సినిమా హీరోతో ప‌నిలేదు.
By: Tupaki Desk | 27 Aug 2023 4:48 AM GMT
బాలీవుడ్ బ్రాండ్ హీరోయిన్ కంగ‌న. అమ్మ‌డు సినిమాలో ఉందంటే? ఆ సినిమా హీరోతో ప‌నిలేదు. కంగ‌న బ్రాండ్ తోనో బోలెడంత బిజినెస్ అయిపోతుంది. ఇది కంగ‌న ఓవ‌ర్ నైట్ లో సాధించింది కాదు. ఎంతో క‌ష్ట‌ప‌డితే వ‌చ్చిన గుర్తింపు ఇది. హిందీ ప‌రిశ్ర‌మ‌లో కంగ‌న ఎదిగిన వైనం ఎంతో మందికి స్పూర్తి. ఎలాంటి స‌పోర్ట్ లేకుండా ఇండ‌స్ట్రీకొచ్చి నటిగా త‌న‌కంటూ ప్ర‌త్యేక‌మైన గుర్తింపును ద‌క్కించుకుంది.
త‌న‌కన్నా ఎంత మంది సీనియ‌ర్ భామ‌లున్నా...త‌న త‌ర్వాత ఎంత మంది జూనియ‌ర్లు ఉన్నా బాలీవుడ్ లో కంగ‌న చెర‌గ‌ని ముద్ర వేసింది. ఇక ఆమెలోని ఫైరింగ్ యాంగిల్ గురించి చెప్పాల్సిన ప‌నిలేదు. ప్ర‌త్య‌ర్ధి ఎంత‌టి వారినైనా మ‌ట్టి క‌రిపించే నైజం అమ్మ‌డి సొంతం. డ్యాష్ అండ్ డేరింగ్ గాళ్ల్ గానూ కంగ‌ని మంచి పేరుంది. బాలీవుడ్ స్టార్ హీరోయిన్ హోదాతో పాటు నిర్మాత‌గా..ద‌ర్శ‌కురాలిగానూ జ‌ర్నీ సాగిస్తుంది.
ఈ రేంజ్ లో ఫేమ‌స్ అయిన ఏ బ్యూటీ అయినా ఫ‌లానా సినిమాలో న‌టిస్తాను? ఛాన్స్ ఇవ్వండని అడుగుతారా? చ‌స్తే అడ‌గరు. ఛాన్స్ ఎలాంటిదైనా త‌మ కాళ్ల వ‌ద్ద‌కే రావాల‌నుకుంటారు త‌ప్ప..వాళ్ల ద‌గ్గ‌ర‌కి వెళ్లి నేను సినిమా అడ‌గడం ఏంటి? అనుకుంటారు. కానీ కంగ‌న ఆ టైప్ కాదని తెలుస్తోంది. పాత్ర న‌చ్చిందంటే ఎంత‌కైనా దిగుతందని తాజా స‌న్నివేశం చెప్ప‌క‌నే చెబుతుంది. `చంద్రముఖి-2` లో ఆ పాత్ర లో తాను న‌టిస్తాన‌ని నేరుగా ద‌ర్శ‌కుడుపి.వాసుని కంగ‌న అడిగిందిట. ఈ విష‌యం కంగ‌న స్వ‌యంగా రివీల్ చేసింది
`నేను నటిగా మొద‌లు పెట్టిన ఇన్నేళ్ల‌లో ‘చంద్రముఖి 2’ లాంటి గొప్ప సినిమా చేయ‌లేదు. అందుకే నేరుగా వాసుగారికి నేనే ఛాన్స్ అడిగాను. ఇంత‌వ‌ర‌కూ నా జ‌ర్నీలో ఇలా అవ‌కాశం ఇవ్వండి అని ఎవర్నీ అడ‌గ‌లేదు. ఈ సినిమాలో వాసుగారు నా పాత్ర‌తో పాటు ప్ర‌తీ పాత్ర‌కు ఇంపార్టెన్స్ ఇస్తూ ఎంతో అద్భుతంగా తెర‌కెక్కించారు. ఈ సినిమా క్రెడిట్ అంతా ఆయ‌న‌కే ద‌క్కుతుంది. లారెన్స్ మాస్ట‌ర్ చాలా మందికి పెద్ద ఇన్‌స్పిరేష‌న్‌. ఆయ‌న జ‌ర్నీ ఎంతో ఆస‌క్తిక‌రం. ఆయ‌న అంటే నాకోంతో గౌర‌వం` అని అన్నారు
