కంగనాకు మరో తమిళ దెబ్బ

బాలీవుడ్ క్వీన్ కంగనా రనౌత్ నటిగా తనకంటూ ప్రత్యేకమైన గుర్తింపు సొంతం చేసుకున్నారు. హీరోయిన్ గా తిరుగులేని ఇమేజ్ తో బాలీవుడ్ లో స్టార్ హీరోలకి పోటీ ఇచ్చే స్థాయికి చేరింది. ఏకంగా వంద కోట్ల మార్కెట్ ని బాలీవుడ్ లో క్రియేట్ చేసుకుంది. ఫీమేల్ సెంట్రిక్ కథలకి కేరాఫ్ అడ్రెస్ గా కంగనా రనౌత్ మారిపోయింది. అయితే గత కొన్నేళ్లుగా కంగనా రనౌత్ కి ఆశించిన స్థాయిలో సక్సెస్ లు రావడం లేదు.

2019లో జడ్జిమెంటల్ డే సినిమా నుంచి ఇప్పటి వరకు కంగనా రనౌత్ కెరియర్ లో ఒక్క సక్సెస్ కూడా లేదు. వరుసగా బిగ్గెస్ట్ డిజాస్టర్స్ ని ఖాతాలో వేసుకుంటుంది. దక్కడ్ అయితే ఆమె కెరియర్ లోనే భారీ నష్టాలు మిగిల్చింది. ఇక సౌత్ ఇండస్ట్రీలో ఏక్ నిరంజన్ సినిమాతో కంగనా హీరోయిన్ గా ప్రయాణం మొదలు పెట్టింది. ప్రభాస్ కి జోడీగా ఈ చిత్రంలో కంగనా రనౌత్ నటించడం విశేషం.

కెరియర్ ఆరంభంలో ఏక్ నిరంజన్ సినిమాలోనటించిన కంగనా తరువాత 2021లో తలైవి మూవీతో కోలీవుడ్ లోకి అడుగుపెట్టింది. తమిళనాడు మాజీ ముఖ్యమంత్రి జయలలిత జీవిత కథ ఆధారంగా తెరకెక్కిన ఈ చిత్రంలో ఆమె టైటిల్ రోల్ పోషించింది. ఈ చిత్రంలో కూడా కంగనా రనౌత్ తన లుక్ కూడా మార్చుకుంది. అయితే సినిమా ఆశించిన స్థాయిలో సక్సెస్ కాలేదు.

మరల రెండేళ్ల గ్యాప్ తర్వాత తమిళంలో చంద్రముఖి 2 చిత్రంలో నటించింది. ఈ సినిమాలో చంద్రముఖి పాత్రలో కంగనా నటించడం విశేషం. పాన్ ఇండియా రేంజ్ లో రిలీజ్ అయన ఈ మూవీ ఏ భాషలో కూడా ప్రేక్షకులని మెప్పించలేదు. చంద్రముఖిలో జ్యోతిక టైటిల్ రోల్ పోషించింది. అయితే నిజమైన చంద్రముఖి అనే పేరుతో ఈ సీక్వెల్ తెరకెక్కించారు.

ఈ పాయింట్ లో కూడా ఈ మూవీ ప్రేక్షకులకి ఆసక్తి కలిగించలేదు. నటన పరంగా కూడా జ్యోతిక దరిదాపుల్లోకి కూడా కంగనా రనౌత్ రాలేకపోయిందనే విమర్శలు వినిపిస్తున్నాయి. అసలు ఈ చిత్రం కంగనా రనౌత్ ఏం చూసి ఒప్పుకుంది అనేది కూడా అర్ధం కావడం లేదనే టాక్ నడుస్తోంది. దీంతో కోలీవుడ్ లో రెండు డిజాస్టర్స్ ఆమె ఖాతాలో కంగనా రనౌత్ వేసుకుంది.