ఎన్టీఆర్ తో సినిమా.. కియరా ఏమందంటే?

బాలీవుడ్ హాట్ బ్యూటీల్లో కియారా ఒకరు. అక్కడ వరస అవకాశాలు అందుకొని ముందుకు దూసుకుపోతోంది. కియారా పేరుకు బాలీవుడ్ బ్యూటీ అయినా, టాలీవుడ్ లోనూ అంతే క్రేజ్ సంపాదించుకుంది. మహేష్ భరత్ అనే నేను మూవీలో ఆమెను చూసి ఇక్కడి వారు ఫిదా అయిపోయారు. తర్వాత రామ్ చరణ్ సరసన వినయ విధయ రామా మూవీలో మెరిసింది. ఆ తర్వాత మళ్లీ తెలుగులో కనిపించింది లేదు. త్వరలోనే మళ్లీ రామ్ చరణ్ తో కలిసి గేమ్ ఛేంజర్ మూవీలో నటిస్తోంది.

ఈ మూవీ త్వరలోనే ప్రేక్షకుల ముందుకు రానుంది. కాగా, ప్రస్తుతం కియారా బాలీవుడ్ లోనూ వార్ 2 మూవీలోనూ నటిస్తోంది. అయితే, అందులో హృతిక్ రోషన్ తో కలిసి ఎన్టీఆర్ కూడా నటిస్తున్న విషయం తెలిసిందే. దీంతో, ఎన్టీఆర్ కి పెయిర్ గా కియారా నటిస్తోందని వార్తలు వచ్చాయి. ఈ క్రమంలో ఈ విషయంపై తాజాగా ఈ హాట్ బ్యూటీ క్లారిటీ ఇచ్చింది.

తాను వార్ 2 మూవీలో నటిస్తున్నానని, కాకపోతే ఎన్టీఆర్ సరసన కాదు అని చెప్పింది. ఒకవేళ తాను హృతిక్ కి పెయిర్ గా నటిస్తూ ఉండొచ్చు. ఎన్టీఆర్ పక్కన అయితే కాదు అని క్లారిటీ ఇచ్చింది. అంతేకాకుండా, తెలుగులోనూ కొత్తగా తాను ఏ సినిమా చేయడం లేదు అని చెప్పింది. గేమ్ ఛేంజర్ తర్వాత కొత్తగా ఏ సినిమా ఒప్పుకోలేదు అని చెప్పింది.

అయితే, గేమ్ ఛేంజర్ హిట్ అయితే, కియారాకు తెలుగులో మరిన్ని ఆఫర్లు వచ్చే అవకాశం లేకపోలేదు. ఇటీవల, కియారా కార్తీక్ ఆర్యన్ తో కలిసి సత్య ప్రేమ్ కీ కథ లో నటించింది. ఈ మూవీ పాజిటివ్ టాక్ తెచ్చుకుంది.

ఇక, కియారా ఇటీవలే బాలీవుడ్ యంగ్ హీరో సిద్దార్థ్ మల్హోత్రా ని ప్రేమించి పెళ్లి చేసుకుంది. పెళ్లి తర్వాత కూడా వరసగా అవకాలు అందుకుంటూ, తన కెరీర్ ని మరింత అందంగా మలుచుకుంటోంది.