మల్లికా షెరావ‌త్ గురించి తెలియ‌ని క‌ఠోర నిజాలు

బోల్డ్ పాత్రలతో ఒక ఊపు ఊపిన‌ మల్లికా షెరావ‌త్ ఇటీవ‌ల సెకండ్ ఇన్నింగ్స్ లో వెబ్ సిరీస్ ల‌లోను న‌టిస్తోంది. అలాగే సోష‌ల్ మీడియాల్లోను నిరంత‌రం త‌న అభిమానుల‌తో ముచ్చ‌టిస్తోంది ఈ బ్యూటీ. ఆస‌క్తిక‌రంగా మ‌ల్లిక‌ నిజ జీవిత కథలో ఎవ‌రికీ తెలియని ఆశ్చర్యకరమైన సంఘటనలు అరుదైన క్షణాలు ఉన్నాయి. హాట్ గాళ్ మల్లికా షెరావత్ గురించి అంతగా బ‌య‌టి ప్ర‌పంచానికి తెలియని వాస్తవాలు ఇవి.

మల్లికా షెరావత్ అసలు పేరు రీమా లంబా అని మీకు తెలుసా? రీమా చిత్ర పరిశ్రమలోకి ప్రవేశించే ముందు తన పేరును మార్చుకోవాలని నిర్ణయించుకుంది. ``మల్లిక అనే పేరు వినడానికి చాలా బాగుంది కాబట్టి పేరు మార్చుకున్నాను. అయితే షెరావత్ నా తల్లి పేరు. మా అమ్మ ఎల్లప్పుడూ నాకు మద్దతు ఇస్తుంది కాబట్టి నేను త‌న‌ పేరును జోడించాను`` అని మ‌ల్లిక తెలిపారు.

చదువు

మల్లికాకు ఉన్న విజ్ఞాన దాహం అంతా ఇంతా కాదు. బాలీవుడ్ లో న‌టిగా ప్రయాణం ప్రారంభానికి చాలా కాలం ముందు ఢిల్లీ యూనివర్సిటీ ప‌రిధిలోని ప్రతిష్టాత్మక కళాశాల మిరాండా హౌస్ నుండి ఫిలాసఫీ పట్టా పొందింది.

ఎయిర్ హోస్టెస్ డేస్

మల్లికా షెరావత్ గతంలో ఎయిర్ హోస్టెస్‌గా కెరీర్‌ను కొనసాగించింది. బాలీవుడ్ లో వెండితెరను అలంకరించే ముందు గ‌గ‌న‌యానంలో ఉద్యోగం చేసింది. ఎయిర్ హోస్టెస్ కి కావాల్సిన అన్ని హంగులు అందం చందం మ‌ల్లిక సొంతం.

కాస్టింగ్ కౌచ్ కష్టాలు

మల్లిక `రాజీ` కుదరక పోవడంతో పలు సినిమాల నుంచి తప్పుకున్నట్లు టాక్. ఓ ఇంటర్వ్యూలో ఆమె మాట్లాడుతూ.. ``చాలా మంది నాపై ఎన్నో రకాల ఆరోపణలు చేశారు.. నాపై చాలా రకాల అంచనాలు వేశారు.. మీరు స్క్రీన్‌పై పొట్టి స్కర్టులు వేసుకుని ముద్దులు పెడితే.. మీరు దిగ‌జారిపోయిన అమ్మాయి.. మగవాళ్లు మిమ్మల్ని సద్వినియోగం చేసుకోవాలనుకుంటారు. ఇది నాకు కూడా జరిగింది. నేను హీరోతో పడుకోవడానికి నిరాకరించినందున నన్ను సినిమా నుండి తొలగించారు. ఇది మన దేశంలో మహిళలు ఎదుర్కొంటున్న ఏకైక సమస్య.. కానీ నేను రాజీపడలేను.. అని తెలిపారు.

కరణ్ సింగ్ గిల్‌తో మల్లికా వివాహం స్వల్పకాలికం. కేవలం ఒక సంవత్సరం మాత్రమే కొనసాగింది. వీరు

బ్రూనో మార్స్ వీడియోలో నటించారు. అలాగే మ‌ల్లిక బాలీవుడ్ సంచలనం గ్లోబల్ స్టార్ బ్రూనో మార్స్‌తో కలిసి పేరడీ వీడియోలో కనిపించిందనేది తెలిస్తే ఆశ్చర్యం క‌లుగుతుంది. ఈ వీడియో సాల్ట్ `ఎన్` పెపా హిట్ `వాట్టా మ్యాన్` లో ఉంది.

లాస్ ఏంజిల్స్‌ గౌరవ పౌరసత్వం

మల్లికా షెరావత్ దాతృత్వ ప్రయత్నాలకు లాస్ ఏంజిల్స్‌లో గౌరవ పౌరసత్వం లభించింది. ఆమె స్వచ్ఛంద సేవా కార్యక్రమాలతో మంచి గుర్తింపు పొందింది.

గ్లోబల్ స్టార్‌డమ్

మల్లిక భారతదేశం దాటి సాహసం చేసింది. ది మిత్ చిత్రంలో లెజెండరీ జాకీ చాన్‌తో స్క్రీన్‌ను షేర్ చేసుకుంది. ఆ త‌ర్వాత హిస్ స్ అనే హాలీవుడ్ చిత్రంలోను మ‌ల్లిక న‌టించింది. చాలా కాలం పాటు విదేశీ బోయ్ ఫ్రెండ్ తో యూర‌ప్ లో నివ‌శించిన మ‌ల్లిక అటుపై తిరిగి ముంబైకి వచ్చి న‌టిగా కొత్త ప్ర‌య‌త్నాలు ప్రారంభించారు. ఇప్పుడు న‌టిగా పూర్తి బిజీగా ఉన్నారు.