ఆ బ్యూటీని రాత్రంతా ఏడిపించిన‌ వెబ్ సిరీస్ మేక‌ర్స్!

'12 త్ ఫెయిల్' చిత్రంతో వెలుగులోకి వ‌చ్చిన హీరోయిన్ మేధా శంక‌ర్. ఈసినిమాకి అవార్డులు వ‌రించడంతో అమ్మ‌డి పేరు నెట్టింట మారుమ్రోగింది. ఎవ‌రీ మేధా శంక‌ర్ అంటూ సెర్చింగ్ పెద్ద ఎత్తునే జ‌రిగింది. దీంతో అమ్మ‌డికి సోష‌ల్ మీడియాలో ఫాలోయింగ్ కూడా పెరిగింది. ఈసినిమా కంటే ముందు మూడు సినిమాల్లో న‌టించింది. కానీ ఏ సినిమా తీసుకుని రాని గుర్తింపును 12 థ్ ఫెయిల్ తీసుకురాడంతో ఒక్క‌సారిగా లైమ్ లైట్ లోకి వ‌చ్చింది.

ఇప్పుడీ నోయిడా బ్యూటీకి ఇన్ స్టాలో బాగానే ఫాలోయింగ్ క‌నిపిస్తుంది. అయితే మేధా శంక‌ర్ కూడా కెరీర్ ఆరంభంలో చాలా ఇబ్బందులే ఎదుర్కున్న‌ట్లు తెలుస్తోంది. ఇండ‌స్ట్రీలో ఎలాంటి బ్యాక్ గ్రౌండ్ లేకపోవ డంతో అమ్మ‌డు కూడా చాలా అవ‌మానలే చూసిన‌ట్లు తెలుస్తోంది. ఓ రెండుమూడు వెబ్ సిరీస్ ల‌కోసం తొలుత మేధా శంక‌ర్ నే ఎంపిక చేసారుట‌. కానీ చివ‌రి నిమిషంలో ఎలాంటి స‌మాచారం ఇవ్వ‌కుండా మ‌రో న‌టిని ఎంపిక చేసుకుని సెట్స్ కి వెళ్లారుట‌. ఆ త‌ర్వాత మ‌రో సిరీస్ విష‌యంలో ఇంకా దారుణ‌మైన సంఘ‌ట‌న జ‌రిగిందిట‌.

తాను సెట్స్ కి వెళ్లే వ‌ర‌కూ గాని త‌న‌ని తీసేసారు అన్న సంగ‌తి తెలియ‌దంది. అప్పుడు మాత్రం ఆ రాత్ర విప‌రీతంగా ఏడ్చిందిట‌. ఆ ఏడుపుకు క‌ళ్లు వాచిపోయాయ‌ట‌. తొలుత ఈ బ్యూటీ 'విత్ యూ ఫ‌ర్ యూ ఆల్వేస్' అనే షార్ట్ ఫిల్మ్ లో న‌టించింది. ఆ త‌ర్వాత 'బీచ‌మ్ హౌస్'.. 'దిల్ బేక‌రార్' సిరీస్ ల‌తో ప్రేక్ష‌కుల‌కు ద‌గ్గ‌రైన‌ట్లు గుర్తు చేసుకుంది. అలాగే చిన్న నాటి నుంచి సంగీతమంటే ఇష్ట‌మ‌ట‌.

హిందుస్తానీ సంగీతంలో ప్ర‌త్యేక‌మైన శిక్ష‌ణ కూడా తీసుకుందిట‌. సితార‌..హ‌ర్మోనియం..కీబోర్డ్ కూడా ప్లే చేస్తుందిట‌. మొత్తానికి మేధా శంక‌ర్ ఇండ‌స్ట్రీకి రాక‌ముందే సంగీతంపై బాగానే ప‌ట్టు సాధించిన‌ట్లు తెలుస్తోంది. ఈ నేప‌థ్యంలో 12 త్ ఫెయిల్ లో స్వ‌యంగా ఓ పాట కూడా ఆల‌పించింది. ఈ సినిమా ఐపీఎస్ అధికారి మ‌నోజ్ కుమార్ శ‌ర్మ జీవిత క‌థ ఆధారంగా తెర‌కెక్కించారు. ఇందులో మేధ ఆయ‌న సతీమ‌ణి పాత్ర‌లో న‌టించి విమ‌ర్శ‌కుల ప్ర‌శంస‌లు అందుకుంది.