ఆ యుగానికి ముంతాజ్ ఒక‌ సెక్స్ సింబల్‌

హిందీ న‌టి ముంతాజ్ బాలన‌టిగా కెరీర్ ప్రారంభించింది. కానీ యుక్తవయస్సు వచ్చిన తర్వాత పెద్ద స్టార్లు ఎవ‌రూ త‌న‌కు అవ‌కాశాలిచ్చేందుకు ఆస‌క్తిని క‌న‌బ‌ర‌చ‌లేదు. అయితే అలాంటి స‌మ‌యంలో ప‌రిశ్ర‌మ అగ్ర హీరో దిలీప్ కుమార్ 'రామ్ ఔర్ శ్యామ్' (1967)లో కవలలలో ఒకరి స‌ర‌స‌న న‌టించే అవ‌కాశం క‌ల్పించారు. ఆ సినిమా తర్వాత ముంతాజ్ కెరీర్ ప‌రంగా వెనుదిరిగి చూడలేదు. ఒకప్పుడు ఆమెను బి-గ్రేడ్ నటిగా తిరస్కరించిన హీరోలు త‌న కోసం వేచి చూసారు.

చారడేసి కళ్లతో అమాయకత్వం క‌ల‌బోత‌గా మెరిసే క‌ళ్ల‌తో ముంతాజ్ ప‌రిశ్ర‌మ‌ను ఆక‌ట్టుకుంది. సింపుల్ వ్యక్తిత్వం.. భావోద్వేగాలు ప‌లికించే సామర్థ్యం.. నృత్య నైపుణ్యం .. ప్రయోగాలు చేయడానికి సంసిద్ధత ఇన్ని క్వాలిటీస్ ఉండ‌టంతో న‌టిగా ఎదిగింది.

బాలీవుడ్‌లో అత్యంత ప్రజాదరణ పొందిన నటీమణులలో ఒకరిగా ఆ యుగానికి సెక్స్ సింబల్‌గా వెలిగిపోయింది. కేవలం ఒక దశాబ్దం తర్వాత ఒక ధ‌న‌వంతుడైన‌ NRI వ్యాపారవేత్తను వివాహం చేసుకుంది. ఆమె కెరీర్‌లో గరిష్ట స్థాయికి చేరుకున్న వెంటనే చలనచిత్ర ప్రపంచానికి వీడ్కోలు పలికింది.

అయితే ముంతాజ్ వైవాహిక జీవితం ఎల్లప్పుడూ సాఫీగా సాగ‌లేదు. ఆమె క్యాన్సర్‌తో చాలా కాలం పోరాడింది. 75 పుట్టిన‌రోజులు జ‌రుపుకున్నా అటుపై ప‌ర‌లోకానికి అదృశ్యం అయింది. 31 జూలై 1947న అప్పటి బొంబాయిలో జన్మించిన ముంతాజ్ భార‌తీయ తండ్రి.. ఇరానియ‌న్ తల్లి కి జ‌న్మించింది. న‌టనలోకి వచ్చిన తన తోబుట్టువుతో కలిసి ఒక సెట్‌కు వెళ్లినప్పుడు ఆమె సెల్యులాయిడ్ ప్రపంచం గురించి తెలుసుకుంది. 11 సంవత్సరాల వయస్సులో చైల్డ్ ఆర్టిస్ట్‌గా మారింది. పెద్దయ్యాక అవ‌కాశాల‌ కోసం వెతుకుతున్నప్పుడు O.P. రల్హాన్ 'గెహ్రా దాగ్'.. సునీల్ దత్ 'ముజే జీనే దో' (1963) వంటి చిత్రాలలో బిట్ పాత్రలను పొందింది. ఒక పెద్ద పాత్ర పెర్షియన్ ఇతిహాసం 'రుస్తమ్ సోహ్రాబ్' (1963)లో రెండవ కథానాయికగా ఎంపికైంది. ఇందులో ఆమె సోహ్రాబ్ (ప్రేమ్ నాథ్) ప్రేమికుల పాత్రను పోషిస్తుంది.

న‌టుడు దారా సింగ్ మాత్రమే వీర్ భీంసేన్ -సామ్సన్-హెర్క్యులస్-బాఘీ లాంటి యాక్షన్ థ్రిల్లర్‌లలో వ‌రుస అవ‌కాశాలు క‌ల్పించారు. డాకు మంగళ్ సింగ్ (1966)లోను ఈ జంట రిపీటైంది. త‌న‌ సోదరి దారాసింగ్ తమ్ముడు రంధవాను వివాహం చేసుకున్నప్పుడు బంధువులుగా మారారు.

రామ్ ఔర్ శ్యామ్ విజయం తర్వాత ఆమెకు అన్ని దారులు తెరుచుకున్నాయి. రొమాంటిక్ పాట్‌బాయిలర్ పత్తర్ కే సనమ్ (1967)లో బలమైన ప్రదర్శనతో ఆక‌ట్టుకుంది. అటుపై రాజేష్ ఖ‌న్నా, ఫిరోజ్ ఖాన్, జీతేంద్ర, ధర్మేంద్ర ,శశి కపూర్‌లతో సినిమాలు చేసింది. వీరిలో కొందరు ఆమెను ఇంతకు ముందు కేవలం స్టంట్ నటి అని తిరస్కరించారు.