పూజా హెగ్డే మళ్ళీ లైన్ లోకి వచ్చినట్లేనా?

టాలీవుడ్ లో స్టార్ హీరోయిన్గా తనకంటూ ప్రత్యేకమైన బ్రాండ్ క్రియేట్ చేసుకున్న అందాల భామ పూజ హెగ్డే. ముకుంద సినిమాతో తెలుగు ఇండస్ట్రీలోకి అడుగుపెట్టిన ఈ చిన్నది దువ్వాడ జగన్నాథమ్ మూవీతో బ్లాక్ బాస్టర్ అందుకొని స్టార్ హీరోయిన్ రేస్ లోకి వచ్చింది. తర్వాత వరుసగా పెద్ద హీరోలతో సినిమాలు చేస్తూ కమర్షియల్ హీరోయిన్ గా తన సక్సెస్ ని కొనసాగించింది.

త్రివిక్రమ్ శ్రీనివాస్ దర్శకత్వంలో తెరకెక్కిన అరవింద సమేత, అల వైకుంఠపురంలో సినిమాలతో బ్యాక్ టు బ్యాక్ బ్లాక్ బస్టర్ హిట్స్ ని పూజా హెగ్డే తన ఖాతాలో వేసుకుంది. తమిళంలో ఇళయ దళపతి విజయ్ హీరోగా తెరకెక్కిన బీస్ట్ చిత్రంలో కూడా హీరోయిన్ గా నటించిన సక్సెస్ అందుకుంది. అయితే హిందీలో మాత్రం ఆమెకు ఆశించిన స్థాయిలో సక్సెస్ రావడం లేదని చెప్పాలి.

రణవీర్ సింగ్ కి జోడిగా నటించిన సర్కస్ మూవీ డిజాస్టర్ అయింది. సల్మాన్ ఖాన్ తో చేసిన కిసికి జాన్ కిసిక భాయ్ సినిమా కూడా ఫ్లాప్ జాబితాలో చేరిపోయింది. ఇదే సమయంలో తెలుగులో సూపర్ స్టార్ మహేష్ బాబుకి జోడిగా త్రివిక్రమ్ శ్రీనివాస్ దర్శకత్వంలో చేయాల్సిన గుంటూరు కారం సినిమా కాన్సెప్ట్ మారిపోవడంతో పూజా హెగ్డేని పక్కన పెట్టారు. ఆమె స్థానంలో శ్రీలీలని ఎంపిక చేశారు.

హరీష్ శంకర్ దర్శకత్వంలో పవర్ స్టార్ పవన్ కళ్యాణ్ కి జోడిగా చేయాల్సిన ఉస్తాద్ భగత్ సింగ్ మూవీ చాన్స్ కూడా మిస్ అయింది. ఇక్కడ కూడా పూజా హెగ్డే ప్లేస్ ని శ్రీలీల రీప్లేస్ చేసింది. ఇలా రెండు పెద్ద హీరోల సినిమాలను పూజా హెగ్డే మిస్ చేసుకోవడం వరుస ఫ్లాప్ లతో సతమతం అవుతూ ఉండడంతో కెరియర్ పరంగా డోలమానంలో పడింది. ఇప్పుడు మరలా వరుస ప్రాజెక్టులతో పూజ హెగ్డే బిజీ కావడానికి రెడీ అవుతున్నట్లు తెలుస్తుంది.

రెమ్యూనరేషన్ ఎక్కువ డిమాండ్ చేయడంతో పవన్ కళ్యాణ్, మహేష్ బాబు సినిమాలలో అవకాశాలను పూజ హెగ్డే కోల్పోయింది అనే ప్రచారం ఉంది. ప్రస్తుతం మరో మెగా హీరో సాయిధరమ్ తేజ్, సంపత్ నంది కాంబినేషన్ లో తెరకెక్కపోయే మాస్క్ కమర్షియల్ సినిమాలో హీరోయిన్ గా పూజ హెగ్డేని ఫైనల్ చేశారంట. అలాగే మాస్ మహారాజ్ రవితేజ, గోపీచంద్ కాంబినేషన్ లో రాబోయే నాలుగో చిత్రంలో పూజ హెగ్డేని హీరోయిన్ గా ఖరారు చేసినట్లు తెలుస్తుంది. వీటితోపాటు తమిళంలో కార్తీ, లింగస్వామి కాంబినేషన్ లో తెరకెక్కబోయే పయ్యన్ 2 మూవీలో కూడా హీరోయిన్ గా ఫిక్స్ అయ్యింది.