అందుబాటులో లేను... పూజా నీ అవసరం ఎవరికీ లేదు!

హాట్‌ బ్యూటీ పూజా హెగ్డే పుట్టిన రోజు నేడు. ఈ సందర్భంగా సోషల్‌ మీడియా ద్వారా ఆమె అభిమానులు పెద్ద ఎత్తున పుట్టిన రోజు శుభాకాంక్షలు తెలియజేస్తూ ఈ సంవత్సరంలో అయినా పూజా హెగ్డేకి సినిమా ఛాన్స్ లు రావాలని... చిన్న సినిమాలో పెద్ద సినిమాలో ఏవో ఒకటి చేయాలని కోరుకుంటూ బర్త్‌ డే కి విష్‌ చేస్తున్నారు.

ప్రస్తుతం చేతిలో పెద్దగా సినిమాలు లేని పూజా హెగ్డే బర్త్‌ డే ను ఎక్కడ, ఎలా చేసుకుంటుందా అంటూ కొందరు చర్చించుకుంటున్న సమయంలో ఆమె స్వయంగా సోషల్‌ మీడియా ద్వారా ఒక వీడియోను షేర్‌ చేయడం తో పాటు ఒక పోస్ట్ ని కూడా షేర్ చేసి అందరి దృష్టిని ఆకర్షించడంతో పాటు విమర్శలు కూడా ఎదుర్కోవాల్సి వచ్చింది.

ఇంతకు పూజా హెగ్డే షేర్ చేసిన విషయం ఏంటి అంటే... సముద్రంలో నెట్‌ బెడ్‌ పై పడుకుని ఉన్న వీడియోను షేర్ చేయడంతో పాటు... అందుబాటులో లేను అన్నట్లుగా ఒక కామెంట్ ను షేర్‌ చేసింది. ఇప్పుడు ఆ కామెంట్‌ కు చాలా మంది రియాక్ట్‌ అవుతూ కాస్త సీరియస్ గానే ట్రోల్స్ చేస్తున్నారు.

సినిమాలే లేని నువ్వు అందుబాటులో లేకున్నా పర్వాలేదు. పూర్తి విశ్రాంతి లో ఉన్న నీతో ఏ ఒక్కరికి అవసరం లేదు. కనుక హాయిగా మరో వారం పది రోజుల పాటు అక్కడే ఎంజాయ్ చేయి పూజా అన్నట్లుగా ట్రోల్స్ చేస్తూ సోషల్‌ మీడియా ద్వారా కామెంట్స్ చేస్తున్నారు.

మహేష్ బాబు గుంటూరు కారం సినిమాతో పాటు పవన్ కళ్యాణ్ సినిమా కూడా చేతికి వచ్చి మరీ చేజారాయి. హిందీలో కూడా ఒక సినిమా లో ఎంపిక అయ్యి మళ్లీ బయటకు వచ్చేసింది. ఇలా వచ్చిన ఆఫర్లు చేజారుతున్న నేపథ్యంలో పూజా హెగ్డే పుంజుకునేనా అనే అనుమానాలు వ్యక్తం అవుతున్నాయి. ఇటీవల మెగా హీరో సాయి ధరమ్‌ తేజ్ కి జోడీగా ఒక సినిమాలో నటించేందుకు ఓకే చెప్పిందనే వార్తలు వస్తున్నాయి. ఆ విషయమై క్లారిటీ రావాల్సి ఉంది.