సీ బ్యూటీ ముందు చిచ్చ‌ర పిడుగు!

ప్ర‌గ్యాజైశ్వాల్ కెరీర్ జ‌ర్నీ గురించి చెప్పాల్సిన ప‌నిలేదు. అమ్మ‌డు ఒక‌టి అనుకుంటే మ‌రొక‌టి జ‌రుగుతుంది. సొగ‌స‌రికి ఏద‌శ‌లోనే క‌లిసి రాలేద‌నే చెప్పాలి. అందం...అభిన‌యం..ట్యాలెంట్ అన్ని ఉన్నా స‌రైన అవ‌కాశాలు అందుకోవ‌డంలో తొలి నుంచి విఫ‌ల‌మువోన్న సంగ‌తి తెలిసిందే. గ‌తేడాది `స‌న్నాఫ్ ఇండియా`తో ప్రేక్ష‌కుల ముందుకొచ్చిన అమ్మ‌డు మ‌ళ్లీ ఇంత వ‌ర‌కూ కొత్త ప్రాజెక్ట్ షురూ చేసింది లేదు.

టాలీవుడ్ కి మెరుపులా దూసుకొచ్చినా కాల‌క్ర‌మంలో ఆ మెరుపులు కొన‌సాగించ‌డంలో మాత్రం విఫ‌ల‌వు తుంది. మ‌ధ్యలో అప్పుడ‌ప్పుడు బాల‌య్య అవ‌కాశాలు ఇవ్వ‌డంతో ఆ మాత్రం సినిమాలైనా చేయ‌గ‌లిగింది. లేదంటే సొగ‌స‌రి జాబితాలో ఆ మాత్రం సినిమాలు కూడా క‌నిపించేది కాదేమో. అవ‌కాశాల కోసం శ‌క్తి వంచ‌న లేకుండా శ్ర‌మిస్తున్నా రావ‌డం లేదు. తాను చేయ‌ని ప్ర‌య‌త్నం అంటూ లేదు.

గ‌తేడాది ఒక్క సినిమాతో కూడా తెర‌పై క‌నిపించ‌లేదు. తాజాగా ఇటీవ‌లే ఓ యువ హీరో సినిమాలో లేడీ విల‌నీ పాత్ర‌కు తీసుకుంటున్న‌ట్లు ప్ర‌చారం సాగుతోంది. అందులోనూ నిజ‌మెంతో తెలిసే వ‌ర‌కూ చెప్ప‌లేం. ఇక సోష‌ల్ మీడియాలో మాత్రం యాక్టివిటీ య‌ధావిధిగా కొన‌సాగిస్తుంది. ఎప్ప‌టిక‌ప్పుడు కొత్త ఫోటోల‌తో యువ‌త‌ని ఆక‌ర్షిస్తూనే ఉంది. న‌వ నాయిక‌ల‌కు ఏమాత్రం త‌గ్గ‌కుండా అందాల ఆరబోత‌లో త‌న‌దైన మార్క్ వేస్తోంది.

తాజాగా మ‌రో కొత్త ఫోటో తో ఇన్ స్టాలోకి వ‌చ్చేసింది. ఇదిగో ఇక్క‌డిలా బీచ్ లో బ‌ఫెట్ ని ఆస్వాదిస్తోంది. వెనుక అంద‌మైన స‌ముద్రం..కాళ్ల కింద ఇసుక‌...కొబ్బ‌రి చెట్లు ఆహ్లాద‌ర‌కర‌మైన వాతావ‌ర‌ణంలో వేసిన ఓ టేబుల్ పై కావాల్సిన ఐట‌మ్స్ అన్ని ఉన్నాయి. వాటి రుచులు చూస్తూ సీ బ్యూటీని ఆస్వాదిస్తోంది. రెడ్ క‌ల‌ర్ ఔట్ ఫిట్ లో ప్ర‌గ్యా ఎంతో అందంగానూ క‌నిపిస్తుంది. ఈ పిక్ చూడ‌టానికి ఓ అంద‌మైన సీన‌రీలా క‌నిపిస్తుంది. ప్ర‌స్తుతం ఈ ఫోటో నెట్టింట వైర‌ల్ గా మారింది.