వింక్ బ్యూటీ అందానికి గుర్తింపేది బ్రో?

వింక్ బ్యూటీగా సోషల్ మీడియాలో విపరీతమైన క్రేజ్ సొంతం చేసుకున్న అందాల భామ ప్రియా ప్రకాష్ వారియర్. ఈ అమ్మడు మొదటి చిత్రంలో ఓ సాంగ్ తో కన్నుకొట్టే వీడియో క్లిప్ తో ఒక్కసారిగా వైరల్ అయిపొయింది. రాత్రికి రాత్రి మిళియన్స్ లో ఫాలోవర్స్ వచ్చేశారు. ఆ ఇమేజ్ తో ప్రియా ప్రకాష్ వారియర్ కి విపరీతమైన బ్రాండింగ్ వచ్చేసింది. వ్యాపార సంస్థలు ఆమెతో తమ ప్రోడక్ట్ ఎండార్స్మెంట్ ల కోసం ఒప్పందాలు చేసుకున్నాయి.

అలా మొదటి సినిమా రిలీజ్ కాకుండానే ఈ బ్యూటీ యాడ్స్ ద్వారా మార్కెట్ లోకి వచ్చేసింది. విపరీతమైన ఫ్యాన్ ఫాలోయింగ్ తో స్టార్ సెలబ్రెటీగా మారిపోయింది. ఆమె మొదటి సినిమాలో నిజానికి ప్రియా ప్రకాష్ వారియర్ సెకండ్ లీడ్ చేసింది. ఈ మూవీ తర్వాత హిందీలో శ్రీదేవి బంగ్లా అనే మూవీ చేసింది. అయితే సినిమాపై బోనీ కపూర్ కేసు వేయడంతో రిలీజ్ కి నోచుకోలేదు.

అయితే తెలుగులోకి ఈ అమ్మడు ఎంట్రీ ఇచ్చి చెక్, ఇష్క్, సినిమాలలో హీరోయిన్ గా నటించింది. ఈ సినిమాలు ఆశించిన స్థాయిలో సక్సెస్ కాకపోవడంతో ఎవరూ పెద్దగా పట్టించుకోలేదు. సోషల్ మీడియాలో మాత్రం ప్రియా ప్రకాష్ వారియర్ యాక్టివ్ గా ఉంటూ నిత్యం తనకి సంబందించిన అప్డేట్స్ ఇస్తూ ఉంటుంది. అయితే చాలా గ్యాప్ తర్వాత పవన్, తేజ్ బ్రో మూవీలో ఈ బ్యూటీకి ఆఫర్ వచ్చింది.

అయితే సినిమాని ప్రియా ప్రకాష్ వారియర్ ఎలా ఒప్పుకుంది అనే ప్రశ్న ఆమె అభిమానుల నుంచి వస్తోంది. నిజానికి సినిమాలో ఆమె హీరోయిన్ గా నటించలేదు. తేజ్ చెల్లెలు పాత్రలో కనిపిస్తుంది. అది కూడా పెద్దగా గుర్తింపునిచ్చే పాత్ర కాదు. నటనకి కూడా పెద్ద స్కోప్ లేదు. అయితే స్టార్ హీరోల చిత్రంలో నటిస్తే కాస్తా హైప్ వస్తుందనే ఉద్దేశ్యంతోనే బ్రో మూవీని ప్రియా ప్రకాష్ వారియర్ ఒప్పుకున్నట్లు తెలుస్తోంది.

ఈ మూవీ కెరియర్ పరంగా ఆమెకి ఎంత ప్లస్ అవుతుందో తెలియదు కానీ మైనస్ అయ్యే అవకాశాలు ఉన్నాయనే మాట వినిపిస్తోంది. ప్రస్తుతం ప్రియా ప్రకాష్ వారియర్ చేతిలో ఏకంగా ఐదు సినిమాల వరకు ఉన్నాయి. వాటిలో నాలుగు హిందీ సినిమాలు కావడం విశేషం. ఈ మూవీస్ అయినా వింక్ బ్యూటీకి మంచి బ్రేక్ ఇచ్చి స్టార్ హీరోయిన్ ఇమేజ్ ని అందిస్తాయేమో చూడాలి.