టాలీవుడ్‌పై అలా బ‌య‌ట‌ప‌డిపోయిన‌ ర‌కుల్

రకుల్ ప్రీత్ సింగ్ ద‌శాబ్ధం పైగా సాగించిన కెరీర్ లో భార‌త‌దేశంలోని అన్ని ప్ర‌ధాన‌ చిత్ర పరిశ్రమలలో పని చేసింది. ఈ ప్ర‌యాణంలో బాలీవుడ్, టాలీవుడ్, కోలీవుడ్ స‌హా ఇతర రంగాలలోని కొంద‌రు పెద్ద హీరోల‌తో కలిసి పనిచేసింది. ఛత్రివాలి, అరె, ఐ లవ్ యు వంటి చిత్రాలలో అద్భుతమైన పాత్రలతో ఇటీవ‌ల ర‌కుల్ తిరిగి చ‌ర్చ‌ల్లోకొచ్చింది. తాజాగా ఈ బ్యూటీ తన పాన్-ఇండియా రీచ్ గురించి మీడియాతో ముచ్చ‌ట్ల‌లో చాలా విష‌యాలు తెలిపింది.

రకుల్ ప్రీత్ తాజా ఇంట‌ర్వ్యూలో మాట్లాడుతూ న‌టిగా ఇది నాకు చాలా ఉత్తేజకరమైన దశ అని వెల్ల‌డించింది. అన్ని భాషల్లో సినిమాలు చేసే అవకాశాలు రావడం చాలా సంతోషంగా ఉంద‌ని విభిన్న భాషల ప‌రిశ్ర‌మ‌ల్లో అవ‌కాశాలిచ్చినందుకు త‌న ద‌ర్శ‌క‌నిర్మాత‌ల‌కు కృతజ్ఞతలు తెలిపింది. ``భాషా సరిహద్దులు దాటి హృదయాలతో మాట్లాడగలిగేది సినిమా. కథ చెప్పే మాయాజాలం ద్వారా అన్ని వర్గాల ప్రేక్షకులతో కనెక్ట్ అవ్వడం నాకు చాలా ఆనందంగా ఉంది`` అని ర‌కుల్ వ్యాఖ్యానించింది.

రకుల్ తదుప‌రి చిత్రాల గురించి ప్ర‌స్థావిస్తూ.. ``మునుముందు హిందీ స‌హా ఇరుగు పొరుగు భాష‌ల్లో నా సినిమాలు విడుద‌ల‌కు వ‌స్తాయి. తమిళం, తెలుగు, హిందీ భాష‌ల్లో నేను న‌టించిన‌ భారతీయ 2, అయాలాన్ విడుద‌ల కానున్నాయి. ఇవే గాక మ‌రికొన్ని సినిమాల్లోను న‌టించాను. అవి త్వరలో విడుదల కానున్నాయి. ఈ స‌మ‌యంలో నేను చాలా ఉద్వేగంగా ఉన్నాను. నా అభిమానులు ఈ సినిమాల‌ను ఆస్వాధిస్తారు. ఎప్పటిలాగే నాపై ఫ్యాన్స్ ప్రేమను చూపుతూనే ఉంటారని ఆశిస్తున్నాను! మీ అంద‌రికీ కృతజ్ఞతలు!`` అని తెలిపింది. అలాగే టాలీవుడ్ లో తిరిగి త‌న కంబ్యాక్ గురించి ర‌కుల్ చాలా ఆశ‌లే పెట్టుకుంద‌ని త‌న వ్యాఖ్య‌లు స్ప‌ష్ఠం చేస్తున్నాయి.

విశ్వ‌న‌టుడు క‌మ‌ల్ హాస‌న్ క‌థానాయ‌కుడిగా శంక‌ర్ తెర‌కెక్కిస్తున్న భార‌తీయుడు 2 వ‌చ్చే ఏడాది మోస్ట్ అవైటెడ్ చిత్రంగా విడుద‌ల కానుంది. ఇందులో ర‌కుల్ ఒక క‌థానాయిక‌గా న‌టించింది. ఈ సినిమాపై ర‌కుల్ చాలా ఆశ‌లే పెట్టుకుంది. ఇది హిట్ట‌యితే తిరిగి తెలుగు-త‌మిళంలో కొన్ని పెద్ద ఆఫ‌ర్లు త‌న‌ని వ‌రిస్తాయ‌ని భావిస్తోంది. మ‌రోవైపు అయాలాన్ కూడా భారీ కాస్టింగ్ తో తెర‌కెక్కుతోంది. శివ‌కార్తికేయ‌న్ హీరోగా న‌టించిన ఈ చిత్రం అత్యంత భారీ బ‌డ్జెట్ తో తెర‌కెక్కింది. ఇందులో ర‌కుల్ పాత్ర ఎంతో కీల‌కంగా ఉంటుంద‌ని తెలిసింది. కోలీవుడ్ లో త‌న కెరీర్ వృద్ధికి ఈ సినిమా విజ‌యం ఎంతో కీల‌కం కానుంది.