వీడియో: సంపుతున్న స‌యీ

టాలీవుడ్ లో వ‌రుస చిత్రాల్లో న‌టించింది స‌యీ మంజ్రేక‌ర్. స‌ల్మాన్ 'ద‌బాంగ్ 3'లో న‌టించిన ఈ బ్యూటీ ఆ త‌ర్వాత తెలుగు హీరో అడివి శేష్ స‌ర‌స‌న 'మేజ‌ర్' లాంటి పాన్ ఇండియా చిత్రంలో న‌టించింది. మేజ‌ర్ అన్ని భాష‌ల్లో మంచి విజ‌యం సాధించింది. ఆ త‌ర్వాత స‌యీ ముఖ‌ర్జీ రామ్ స‌ర‌స‌న బోయ‌పాటి చిత్రం స్కంధ‌లో న‌టించింది. కానీ ఈ చిత్రంతో ఆశించిన విజ‌యం ద‌క్క‌లేదు.. కానీ స‌యీ అంద‌చందాలు న‌ట‌న‌కు మంచి పేరొచ్చింది.

మ‌రోవైపు సోష‌ల్ మీడియాల‌లో స‌యీ స్పీడ్ మీద ఉంది. నిరంత‌రం న‌ట‌వార‌సురాళ్ల‌తో పోటీప‌డుతూ రేస్ లో దూసుకెళుతోంది. స‌యీ తాజాగా డెనిమ్ ఫ్యాంట్, డెనిమ్ టాప్ లో దుమ్ము లేపిన ఒక వీడియో అంత‌ర్జాలంలో వేడెక్కిస్తోంది. స‌యీ సింపుల్ గా స్మైలిస్తూ వీడియో షూట్ లో పాల్గొంది. ప్ర‌స్తుతం ఈ అరుదైన విజువ‌ల్ యువ‌త‌రంలో వైర‌ల్ గా మారింది. సినిమాల్లో న‌టిస్తూనే, మ‌రోవైపు డిజిట‌ల్ గా పాపులారిటీని పెంచుకునే ప్ర‌య‌త్నంలో ఉంది ఈ బ్యూటీ.

పంజాబీ సినిమాలో గురు రంధ‌వా స‌ర‌స‌న‌:

పాపుల‌ర్ పంజాబీ గాయకుడు గురు రంధవా ఆల‌పించిన గ్రూవీ సాంగ్ లో సయి మంజ్రేకర్ క‌నిపించింది. 'కుచ్ ఖట్టా హో జాయ్' చిత్రంలోని 'బాట్లీ ఖోలో' పాట‌ను నిర్మాత‌లు ఆవిష్కరించగా ఈ పాట‌లో గురు రంధ‌వాతో క‌లిసి స‌యీ అద్బుత‌మైన నృత్యం చేసింది. ''బాటిల్ తెరిచి ఉంది.. సంగీతం ఆన్‌లో ఉంది - #KuchKhattaaHoJaay సాంగ్ అవుట్ నౌ.. మా కొత్తగా విడుదల చేసిన #BotleyKholo పాటకు డ్యాన్స్ చేయడానికి సమయం ఉంది'' అని రంధ‌వా వ్యాఖ్యానించారు. పాట విడుదలైన వెంటనే, అభిమానులు , ఫాలోవర్లు కామెంట్ల‌తో విరుచుకుప‌డ్డారు. ఈ పాట‌లో నా జీవితం మొత్తం ఉంది! అంటూ ఒక అభిమాని చిల్ అయ్యాడు. బాట్లీ ఖోలో పాట బ్లింగ్‌తో నిండిన పెప్పీ నంబర్. దీనిని మీట్ బ్రోస్ కొరియోగ్రాఫ్ చేయ‌గా గురు రంధవా పాడారు. సాహిత్యం స్టార్‌బాగ్ లాక్.

గురు ఈ ట్రాక్ గురించి మాట్లాడుతూ, ''కుచ్ ఖట్టా హో జాయ్'లో భాగం కావడం ప్రత్యేకమైనది. బాట్లీ ఖోలో మేము సెట్స్‌లో అద్భుతమైన క్షణాలను షేర్ చేసుకున్నాం. మీట్ బ్రదర్స్‌తో కలిసి పని చేస్తున్నాము. ఈ పాట అలాంటి ప్రతిభావంతులైన నటీనటులతో కలిసి ఈ ప్రయాణం నాకు చాలా ప్రత్యేకమైనది'' అని అన్నారు. కొంతకాలం క్రితం గురు రంధవా - సాయి మంజ్రేకర్ ఆగ్రాలో సినిమా షూటింగ్‌ను ముగించారు.

'కుచ్ ఖట్టా హో జాయ్' ఒక ఫ్యామిలీ ఎంటర్‌టైనర్ చిత్రం. ఇందులో గురు రంధవా, సాయి ఎమ్ మంజ్రేకర్, అనుపమ్ ఖేర్, ఇలా అరుణ్, అతుల్ శ్రీవాస్తవ, పరితోష్ త్రిపాఠి, పరేష్ గంత్రా నటించారు. అమిత్ భాటియా అండ్ మాచ్ ఫిల్మ్స్ నిర్మాణంలో తెరకెక్కిన ఈ చిత్రానికి జి. అశోక్ దర్శకత్వం వహించారు. కుచ్ ఖట్టా హో జాయ్ చిత్రం పంజాబీ గాయకుడు గురు రంధవాకు న‌టుడిగా తొలి సినిమా. ఈ చిత్రం అధికారిక విడుదల తేదీ ప్ర‌క‌టించాల్సి ఉంది.