సాయి పల్లవి.. మళ్ళీ రిజెక్ట్

సౌత్ ఇండియాలో మోస్ట్ టాలెంటెడ్ యాక్టర్ గా తనకంటూ ప్రత్యేకమైన ఫ్యాన్ బేస్ క్రియేట్ చేసుకున్న అందాల భామ సాయి పల్లవి. ఈ అమ్మడు మొదటి సినిమా ప్రేమమ్ తో అందరి మనసులు దోచేసింది. తెలుగులో ఫిదా సినిమాతో టాలీవుడ్ ఆడియన్స్ మనసులు కొల్లగొట్టింది. తమిళంలో మారి 2లో రౌడీ బేబీ అంటూ టాప్ ట్రెండింగ్ లోకి దూసుకుపోయింది.

ముఖ్యంగా సాయి పల్లవి డాన్స్ కిఎక్కువ మంది ఫ్యాన్స్ ఉంటారని చెప్పొచ్చు. బన్నీ, మెగాస్టార్ చిరంజీవి లాంటి స్టార్స్ సైతం సాయిపల్లవి డాన్స్ పెర్ఫార్మెన్స్ కి ఫిదా అయిపోయారంటే ఆమె క్రేజ్ ఏంటో అర్ధం చేసుకోవచ్చు. అయితే ఈ బ్యూటీకి నటిగా కూడా విపరీతమైన ఇమేజ్ ఉంది. స్టార్ హీరోలతో మూవీస్ చేసే ఛాన్స్ లు వెతుక్కుంటూ వస్తున్నాయి. కానీ ఆమె మాత్రం సినిమాల ఎంపిక విషయంలో చాలా క్లారిటీగా ఉంది.

కథ విని తన పాత్ర నచ్చితేనే చేయడానికి ఒకే చెబుతుంది. లేదంటే ఎంత పెద్ద స్టార్ హీరో అయిన చేయలేనని డైరెక్ట్ గా చెప్పేస్తుంది. అలాగే సాయి పల్లవి చాలా అవకాశాలు పోగొట్టుకుందని చెప్పొచ్చు.సరిలేరునీకెవ్వరు సినిమా కోసం అనిల్ రావిపూడి ముందుగా సాయి పల్లవిని సంప్రదించాడంట. అయితే ఆమె పెద్ద సుముఖత చూపించకపోవడంతో రష్మికని ఎంపికచేశారు.

చివరిగా ఈ బ్యూటీ తమిళంలో గార్గి అనే మూవీతో ప్రేక్షకుల ముందుకి వచ్చింది. తెలుగులో విరాటపర్వం సినిమాలో కనిపించింది. తరువాత ఇప్పటి వరకు ఒక్క ప్రాజెక్ట్ కూడా ఒకే చేయలేదు. భోళా శంకర్ సినిమాలో చిరంజీవి సిస్టర్ పాత్ర కోసం సాయి పల్లవిని అడిగారంట. అయితే ఆ పాత్రని ఆమె రిజక్ట్ చేసింది. ఈ విషయాన్నీ స్వయంగా చిరంజీవి ఒక వేదికపై సాయి పల్లవి ముందే చెప్పారు.

అలాగే లారెన్స్ హీరోగా తెరకెక్కుతోన్న చంద్రముఖి 2లో ఫస్ట్ ఛాయస్ గా సాయి పల్లవిని అనుకోని కథ కూడా నేరేట్ చేసారంట. అయితే ఎందుకనో ఆ పాత్ర చేయడానికి సాయి పల్లవి ఇష్టపడలేదు. దీంతో ఏకంగా కంగనా రనౌత్ ని ఆ రోల్ కి ఎంపిక చేసి పాన్ ఇండియా లెవల్ లో రిలీజ్ మూవీ రిలీజ్ చేయబోతున్నారు. ఈ క్యారెక్టర్ చూసుంటే మంచి ప్రాధాన్యత ఉన్నట్లే కనిపిస్తుంది. కానీ సాయి పల్లవి ఎందుకు రిజక్ట్ చేసిందనేది అర్ధం కానీ విషయంగా ఉంది.