టాప్-10 పై శిల్పాశెట్టి ఏమంటుందంటే?
బాలీవుడ్ న‌టి శిల్పా శెట్టి జ‌ర్నీ గురించి చెప్పాల్పిన ప‌న‌లేదు. ప‌రిశ్ర‌మ‌లో అమ్మ‌డిది ఎంతో సుదీర్ఘ‌మైన ప్ర‌స్తానం.
By: Tupaki Desk | 3 Sep 2023 11:30 PM GMT
బాలీవుడ్ న‌టి శిల్పా శెట్టి జ‌ర్నీ గురించి చెప్పాల్పిన ప‌న‌లేదు. ప‌రిశ్ర‌మ‌లో అమ్మ‌డిది ఎంతో సుదీర్ఘ‌మైన ప్ర‌స్తానం. 1993 లో `బాజీగ‌ర్` సినిమాతో బాలీవుడ్ కి ఎంట్రీ ఇచ్చి శిల్ప ఎన్నో సినిమాల్లో న‌టించింది. న‌టిగా త‌న‌కంటూ ప్ర‌త్యేక‌మైన గుర్తింపును ద‌క్కించుకుంది. తెలుగులో వెంక‌టేష్ హీరోగా న‌టించిన `సాహ‌స వీరుడు సాగ‌ర‌క‌న్య`లోనూ న‌టించింది. ఈ సినిమా అమ్మ‌డికి ఇక్క‌డ మంచి పేరు తీసుకొచ్చింది.
అయితే తెలుగులో ఎక్కువ సినిమాలు చేయ‌లేదు. బాలీవుడ్ నే కెరీర్ గా నిర్దేశించుకునీ జ‌ర్నీ అంతా అక్క‌డే సాగింది. తాజాగా ఈ న‌వంబ‌ర్ తో అమ్మ‌డు ప‌రిశ్ర‌మ‌కి వ‌చ్చి మూడు ద‌శాబ్ధాల పూర్త‌వుతుంది. ఈ సంద‌ర్భంగా ఓ ఇంట‌ర్వ్యూలో కెరీర్ పై ఆస‌క్తిక‌ర వ్యాఖ్య‌లు చేసింది. ఆవేంటో ఆమె మాట‌ల్లోనే.. `ప్ర‌తీ ఒక్క‌రి జీవితంలో న్యాయం అనేది ఒక‌టుంటుంది. అభిమానుల నుంచి ప్రేమ‌ని.. సినిమాల నుంచి ప్ర‌శంస‌లు గెలుచుకున్నా.
కానీ టాప్ 10 న‌టీమ‌ణుల స‌ర‌స‌న మాత్రం స్థానం ద‌క్క‌లేదు. ఇక నాకు ఆ అవ‌కాశం రాక‌పోవ‌చ్చు. కానీ ఇప్పుడో పెద్ద సిరీస్ చేస్తున్నాను. అలాగే ఓ మంచి సినిమా షూటింగ్ కూడా పూర్తి చేసాను. బ‌హ భాషా చిత్రాల్లోనూ న‌టిస్తున్నాను. ఎవ‌రి జీవిత ప్ర‌యాణం వారికి ఉంటుంది. ఇప్పుడొక మంచి స్థానంలో ఉన్నాను. న‌టిగా సంతోషంగానూ ఉన్నాను. అది చేయాలి..ఇది చేయాలి అన‌వ‌స‌రంగా ఆరాట ప‌డ‌ను.
అలా ప‌డినంత మాత్రాన అనుకున్న‌ది వెంట‌నే జ‌రిగిపోదు. దేనికైనా స‌మ‌యం రావాలి. కంగారు ప‌డితే జీవితం మ‌రింత గంద‌ర‌గోళంలో ప‌డుతుంది. ఇప్ప‌టివ‌ర‌కూ నా ప్ర‌తిభ‌కి త‌గ్గ స్థానాన్ని ఏర్ప‌రుచుకు న్నందుకు సంతోంషంగా ఉంది. సినిమా..వ్య‌క్తి గ‌త జీవితాలు ఎన్నో పాఠాలు నేర్పించాయి. వాటిని త‌ప్ప‌కుండా ఆచ‌రిస్తాను` అని అంది. ఇటీవ‌లే అమ్మ‌డు `సుఖీ` సినిమా షూటింగ్ పూర్తి చేసుకుంది. క‌న్న‌డ‌లో `కేడీ ది డెవిల్` అనే సినిమాలోనూ న‌టిస్తోంది. `ఇండియ‌న్ పోలీస్ ఫోర్స్` అనే వెబ్ సిరీస్ లోనూ న‌టిస్తోంది. ఇదే శిల్పాశెట్టి తొలి వెబ్ సిరీస్. అభిమానులంతా అక్క‌డా రాణించాల‌ని ఆశిస్తున్నారు.
