రష్మిక ప్లేస్ ని హైజాక్ చేసిన శ్రీలీల

టాలీవుడ్ లో ప్రస్తుతం జెట్ స్పీడ్ తో దూసుకుపోతున్న అందాల భామ శ్రీలీల. ఈ అమ్మడు ఓ వైపు స్టార్ హీరోలు, మరో వైపు యంగ్ హీరోలతో జతకడుతూ బ్యాక్ టూ బ్యాక్ సినిమాలు చేసుకుంటూ వెళ్తోంది. ఆమె నటించిన ఆదికేశవ మూవీ రిలీజ్ కి రెడీ అవుతోంది. మరో రామ్ పోతినేని పాన్ ఇండియా మూవీ స్కంద కూడా రిలీజ్ కి రెడీ అవుతోంది. ఈ సినిమాలో సాంగ్స్ ఇప్పటికే సూపర్ హిట్ అయ్యాయి.

నితిన్ కి జోడీగా ఎక్స్ ట్రార్డినరీ అనే వక్కంతం వంశీ దర్శకత్వంలో చేస్తోంది. ఈ మూవీ షూటింగ్ దశలో ఉంది. అలాగే గుంటూరు కారం, ఉస్తాద్ భగత్ సింగ్ మూవీస్ కూడా ఈమె ఖాతాలో ఉన్నాయి. ఇలా శ్రీలీల చేతిలో ఏకంగా పది సినిమాల వరకు ఉన్నాయని చెప్పాలి. పూజా హెగ్డే చేయాల్సిన రెండు సినిమాలని ఇప్పటికే శ్రీలీల తన ఖాతాలో వేసుకుంది.

ఇప్పుడు రష్మిక ప్లేస్ ని ఆక్యుపై చేసే పనిలో ఉందని చెప్పాలి. నితిన్ కి జోడీగా వెంకీ కుడుములు దర్శకత్వంలో రష్మిక ఒక సినిమాకి కమిట్ అయ్యింది. ఇప్పటికే ఈ సినిమాలో రష్మికతో కొన్ని సన్నివేశాలు షూట్ చేశారు. అయితే ఆమె డేట్స్ అడ్జస్ట్ చేయలేక మూవీ నుంచి తప్పుకోవడంతో ఆ స్థానంలోకి శ్రీలీల వచ్చింది. గత కొద్దిరోజులుగా దీనిపై ప్రచారం నడుస్తోంది.

అయితే చిత్ర యూనిట్ నుంచి కూడా అధికారికంగాహీరోయిన్ రీప్లేస్ చేయడంపై క్లారిటీ వచ్చినట్లు తెలుస్తోంది. నితిన్, వెంకీ కాంబినేషన్ లో వచ్చిన భీష్మ సూపర్ హిట్ అయ్యింది. మళ్ళీ అదే స్టైల్ లో ఎంటర్టైన్మెంట్ తో వెంకీ, నితిన్ సెకండ్ మూవీ కూడా తెరకెక్కుతోన్నట్లు తెలుస్తోంది. రష్మికపై చిత్రీకరించిన సన్నివేశాలు అన్ని తొలగించి మరల శ్రీలీలతో రీషూట్ చేయబోతున్నట్లు తెలుస్తోంది.

నిజానికి రష్మిక చేతిలో అయితే చెప్పుకోదగ్గ సినిమాలు అయితే లేవు. కానీ డేట్స్ అడ్జస్ట్ చేయలేకపోవడంతో తప్పుకుందని ప్రచారం ఎంత వరకు వాస్తవం అనేది తెలియాల్సి ఉంది. రష్మిక పుష్ప యానిమల్ షూటింగ్ ఇప్పటికే కంప్లీట్ చేసింది. పుష్ప 2లో కూడా ఆమె పాత్ర నిడివి చాలా తక్కువ అని తెలుస్తోంది. అలాగే మరో ఫీమేల్ సెంట్రిక్ మూవీ రెయిన్ బో మాత్రమే రష్మిక చేస్తోంది. మరో ఇందులో డేట్స్ అడ్జస్ట్ కాకపోవడానికి ఏముందనే ప్రశ్న వస్తోంది.