పిక్ టాక్ : వదిన గారు ఇంకా హీరోయిన్‌ రేంజ్ అందాలు

తెలుగు మాజీ క్రికెటర్ అయిన భరత్ రెడ్డి కుమార్తె శ్రియా రెడ్డి. 2002 సంవత్సరంలో సమురాయ్ అనే తమిళ సినిమా ద్వారా సినీ ఇండస్ట్రీలో అడుగు పెట్టింది. తెలుగు అమ్మాయి అయినా కూడా ఎక్కువగా తమిళ ఇండస్ట్రీలో గుర్తింపు దక్కించుకుంది. కోలీవుడ్‌ లో హీరోయిన్ గా మంచి పేరు సొంతం చేసుకున్న తర్వాత తెలుగులో కూడా ఈమె సినిమాలు చేసింది.

హీరోయిన్ గానే కాకుండా లేడీ విలన్ పాత్రలో నటించి అందరినీ సర్ ప్రైజ్ చేసింది. సినిమా ఇండస్ట్రీలో పరిచయం అయిన విశాల్ సోదరుడు విక్రమ్‌ కృష్ణ తో ఈమె వివాహం జరిగింది. వీరి ప్రేమ వ్యవహారం సుదీర్ఘ కాలం కొనసాగకుండా తక్కువ సమయంలోనే ప్రేమించుకుని పెళ్లి కూడా చేసుకున్నారు.

విశాల్ కు వదిన అయిన శ్రియా రెడ్డి ఆ మధ్య కాస్త గ్యాప్ తీసుకున్నా ఇప్పుడు మళ్లీ వరుస సినిమాల్లో నటిస్తోంది. ప్రస్తుతం పవన్‌ కళ్యాణ్ హీరోగా సాహో సుజీత్‌ దర్శకత్వం లో రూపొందుతున్న సినిమా ఓజీ సినిమా లో ఈమె కీలక పాత్రలో కనిపించబోతుంది. తన పాత్ర గురించి ఆ మధ్య మాట్లాడుతూ తనకు తెలుగు లో ఒక మంచి కమ్‌ బ్యాక్ అన్నట్లుగా సినిమా ఉంటుందని నమ్మకం వ్యక్తం చేసింది.

ఒక వైపు క్యారెక్టర్ ఆర్టిస్ట్‌ గా సినిమాలు చేస్తున్న ఈ అమ్మడు మరో వైపు ఇలాంటి హాట్ ఫోటో షూట్స్ తో కుర్రకారు మతి పోగొడుతోంది. తాజా ఫోటోల్లో థైస్ అందాలను చూపించడంతో నెటిజన్స్ ఫిదా అవుతున్నారు. ఈ రేంజ్ లో అందంగా కనిపిస్తూ ఇంకా హీరోయిన్‌ గా సినిమాలు చేయకుండా ఎందుకు క్యారెక్టర్‌ ఆర్టిస్టుగా, విలన్ గా కనిపిస్తున్నారు అంటూ చాలా మంది ఆమెను ప్రశ్నిస్తున్నారు. నాలుగు పదుల వయసుకు చేరువైనా కూడా శ్రియా రెడ్డి షేర్ చేసిన అందానికి ఎంతటి వారైన ఫిదా అవ్వాల్సిందే.