కొండ చిలువ‌ను పెంచ‌కుంటోన్న హీరోయిన్!

పెంపుడు జంతువులంటే ఎవ‌రైనా కుక్క‌ల్ని..పిల్లుల్ని పెంచుకోవ‌డం చూసి ఉంటాం. ఎక్కువ‌గా సెల‌బ్రిటీలు కుక్క‌ల్ని..వాటి పిల్ల‌ల్ని ఎంతో అపురూపంగా పెంచుకుంటారు. వాళ్లు ఎక్క‌డికి వెళ్లినా వాళ్ల‌తో పాటు పెంపుడు జంతువులు క‌నిపిస్తాయి. రామ్ చ‌ర‌ణ్‌-ఉపాస‌న‌లు ఏదేశం వెళ్లినా వెంట రైమ్ త‌ప్ప‌నిస‌రిగా ఉంటుంది. రైమ్ ని చూడ‌నిది వాళ్ల‌కి డే గ‌డ‌వ‌దు. అంత‌గా రైమ్ కి ఆ దంప‌తులు బాండ్ అయిపోయారు.

ఇంకా పిల్లుల్ని....విదేశీ బ్రీడ్ ల్ని పెంచుకునే జీవాలు ఇంకొన్ని ఉన్నాయి. కానీ ఎవ‌రైనా పాముని పెంచు కుంటారా? అంటే బ‌హుశా ఇలాంటిది ఎక్క‌డి క‌నీసం విని కూడా ఉండం. కానీ ఓ హీరోయిన్ ఏకంగా ఓపెద్ద పామునే పెంచుకుంటుంది. రోజు ఆ పాముకి పెద్ద ఎత్తున ఆహారం కూడా వేస్తుంది. సంపాద‌న‌లో చాలా వ‌ర‌కూ ఆ పాముకే ఖ‌ర్చు చేస్తుందిట‌. ఇంత‌కీ ఎవ‌రా హీరోయిన్ ? ఏ పాము అంత‌టి అదృష్ట‌వం తురాలు? అంటే వివ‌రాల్లోకి వెళ్లాల్సిందే.

ఆమె ఎవ‌రో కాదు. బాలీవుడ్ హీరోయిన్ సుస్మితాసేన్. ఈ సీనియ‌ర్ న‌టికి మూగ‌జీవాల్లో పాములంటే మ‌హా ఇష్ట‌మ‌ట‌. అందుకే ఇంటికి ఏకంగా ఓ కొండ‌చిలువ‌ను తెచ్చుకుని పెంచుతుందిట‌. అది చిన్న చిలువ కాదుట‌. అది బాగా ముదిరిపోయి ఉన్న చిలువ‌ట‌. చిన్న పిల్ల‌గా ఉన్న‌ప్పుడే దాన్ని తీసుకొచ్చిందిట‌. ఇప్ప‌టికీ త‌న వ‌ద్ద‌నే ఆ కొండ‌వ‌ చిలువ ఉందిట‌. దాని పోష‌ణ కోసం అమ్మ‌డు భారీగానే ఖ‌ర్చు చేస్తుందిట‌.

ఇంట్లో టైంపాస్ ఆ పాముతోనే అంట‌. పాము ని చూస్తే ప‌రుగు అందుకుంటారంతా. అలాంటిది ఏకంగా కొండ చిలువ‌నే పెంచుతుంది అంటే సుస్మితా సేన్ ఎంత ధైర్య‌వంతురాలు. నిజంగా ఆమె ధైర్యానికి మెచ్చుకోవాల్సిందే. ఇలా పామును పోషించే హీరోయిన్ ఈమె ఒక్క‌ర్తే. పాములు జీవ‌నాధ‌రంగా భావించే వారు త‌ప్ప కొండ చిలువ‌ల్ని పోషించ‌రు. చికోటి ప్ర‌వీణ్ కూడా కొండ చిలువ‌ల్ని పెంచుతున్న సంగ‌తి తెలిసిందే. ఆయ‌న ఏకంగా ఓ ప్ర‌యివేట్ యాన‌మిల్ పార్క్ నే ర‌న్ చేస్తున్నాడు. ఆయ‌న వ‌ద్ద ర‌క‌ర‌కాల పాములు..ప‌క్షులు...బర్రెలు ఉంటాయి.