ప‌విట కొంగు స‌వ‌రించి.. ఫోన్‌లో త‌ల దూర్చి..

అదా శ‌ర్మ ప‌రిచ‌యం అవ‌స‌రం లేదు. కెరీర్ ఆరంభ‌మే పూరి జ‌గ‌న్నాథ్ లాంటి స్టార్ డైరెక్ట‌ర్ సినిమాలో అవ‌కాశం అందుకుంది. హార్ట్ ఎటాక్ లో నితిన్ స‌ర‌స‌న క‌థానాయిక‌గా ఆడిపాడింది. కానీ ఇది ఈ భామ‌కు ఆశించిన మైలేజ్ ని ఇవ్వ‌లేదు. ఆ త‌ర్వాత బ‌న్ని సినిమాలో అతిథి త‌ర‌హా పాత్ర‌లో క‌నిపించింది. చివ‌రిగా రాజ‌శేఖ‌ర్ `క‌ల్కి` చిత్రంలో న‌టించిన ఈ బ్యూటీ ఆ త‌ర్వాత బాలీవుడ్ లో `ప‌తి పత్ని ఔర్ పంగ` అనే చిత్రంలో న‌టించింది. `క్వ‌శ్చ‌న్ మార్క్‌` అనే చిత్రంలో న‌టిస్తోంద‌ని ప్ర‌చార‌మైనా దానిపై స్ప‌ష్ఠ‌త లేదు. సోల్ స‌తి అనే చిత్రంలోనూ అదా న‌టించింది. క‌రోనా క్రైసిస్ వ‌ల్ల ఈ మూవీ చిత్రీక‌ర‌ణ నిలిచిపోయింది. ఆ త‌ర్వాత అదా శ‌ర్మ గురించిన స‌రైన అప్ డేట్ లేదు.

అయితే సినిమాల‌తో సంబంధం లేకుండా సోష‌ల్ మీడియాలో వ‌రుస ఫొటోషూట్ల‌తో అదాశ‌ర్మ ట్రీటిస్తున్న సంగ‌తి తెలిసిందే. ఈ ఫోటోలు వీడియోల‌తోనే ఇన్ స్టా.. ట్విట్ట‌ర్ వేదిక‌గా ఈ భామ‌కు అసాధార‌ణ ఫాలోయింగ్ పెంచుకుంది. తాజాగా అదా స‌రికొత్త గెట‌ప్ తో అంత‌ర్జాలంలో సునామీ సృష్టిస్తోంది. ఎంతో సాంప్ర‌దాయ బ‌ద్ధంగా చీరను ధ‌రించిన అదా స్లీవ్ లెస్ బ్లౌజ్ లో మ‌తులు చెడ‌గొడుతోంది. అదా ఈ చీర‌లో ఎంతో హా* గా క‌నిపిస్తోంది అంటూ అభిమానులు కితాబిచ్చేస్తున్నారు. ఆద‌మ‌రిచి ప‌విట కొంగు జార‌విడుస్తుందేమో! అంటూ సందేహం వ్య‌క్తం చేసారు. ప్ర‌స్తుతం ఈ ఫోటోషూట్ అంత‌ర్జాలంలో వైర‌ల్ గా మారింది.

అదా శ‌ర్మ ఇటీవ‌లే ఎవ‌రూ సాహ‌సించ‌ని హాంటెడ్ హౌస్ లో త‌న కుటుంబంతో అడుగుపెట్టింద‌ని ప్ర‌చార‌మైంది. సుశాంత్ సింగ్ రాజ్ పుత్ మ‌ర‌ణించాక ఎవ‌రూ ఆ ఇంట్లో అద్దెకు కానీ, కొనుగోళ్ల‌కు కానీ రాలేదు. కానీ ఇప్పుడు ఆ ఇంటిని అదాశ‌ర్మ కొనుక్కోవ‌డ‌మే గాక‌, అందులో లాంచింగ్ కూడా చేసింది. కెరీర్ మ్యాట‌ర్ కి వస్తే.. అదాశ‌ర్మ న‌టించిన త‌దుప‌రి సినిమాల వివ‌రాలు వెల్ల‌డి కావాల్సి ఉంది.