పిక్‌టాక్‌ : పవన్‌ లవ్లీ.. పాతికేళ్ల తర్వాత ఇలా!

పవన్‌ కళ్యాణ్‌ హీరోగా వచ్చిన 'తమ్ముడు' సినిమాలో ఒక హీరోయిన్‌గా నటించిన అదితి గోవిత్రికర్ గుర్తుందా... వయ్యారి బామ్మ నీ హంస నడక అంటూ ఈ అమ్మడి వెనుక పవన్‌ కళ్యాణ్ పడుతూ టీజ్ చేసిన సాంగ్‌ ఇప్పటికీ బాగా పాపులర్‌ అనే విషయం తెల్సిందే. ఆ సినిమా తర్వాత లవ్లీ అంటూ అంతా ముద్దుగా పిలుచుకునే అదితి గోవిత్రికర్‌ ఆ తర్వాత ఒక సినిమాలో ప్రత్యేక పాటలో కనిపించింది. కానీ ఆ తర్వాత నుంచి తెలుగు సినిమాలు చేయలేదు. బాలీవుడ్‌లో ఎక్కువగా సినిమాలు చేస్తూ వచ్చింది. రెండు మూడు సంవత్సరాలుగా ఈమె సినిమాలకు పూర్తిగా దూరంగా ఉంటున్నారు.

నటిగా మొదటి సినిమాతోనే మంచి పేరును సొంతం చేసుకున్న ఈమె టాలీవుడ్‌ నుంచి పెద్ద ఆఫర్లు వచ్చినా ఆ సమయంలో లైట్‌ తీసుకుని బాలీవుడ్‌ లోనే సినిమాలు చేయాలని ఆశ పడింది. బాలీవుడ్‌లో ఈమెకు ఒక మోస్తరు ఆఫర్లు మాత్రమే వచ్చాయి. తెలుగులో ఈమె కంటిన్యూ అయ్యి ఉంటే కచ్చితంగా స్టార్‌ హీరోయిన్‌గా పేరు దక్కేది. టాలీవుడ్‌లో కొన్ని సినిమాలు చేసిన తర్వాత బాలీవుడ్‌ కి వెళ్లి ఉంటే అక్కడ కూడా భారీ చిత్రాల్లో నటించే అవకాశాలు దక్కడంతో స్టార్ హీరోయిన్‌గా పేరు దక్కించుకునేది. ఆమె తన కెరీర్‌ విషయంలో తప్పుడు అడుగులు వేసింది అనే అభిప్రాయం వ్యక్తం అవుతోంది.

ఆమె సినిమాల విషయం పక్కన పెడితే తమ్ముడు సినిమా విడుదల అయిన దాదాపు పాతిక సంవత్సరాల తర్వాత అదితి గోవిత్రికర్‌ తెలుగు ప్రేక్షకుల ముందుకు వచ్చింది. తిరుమల శ్రీవారిని దర్శించుకునేందుకు వచ్చిన ఈమెను మీడియా వారు గుర్తించి ఫోటోలు తీసేందుకు, వీడియోలు తీసేందుకు ఎగబడ్డారు. పాతిక సంవత్సరాలు అయినా తనను గుర్తు పట్టడం ఆశ్చర్యంగా ఉందని అదితి అన్నట్లుగా తెలుస్తోంది. పాతిక సంవత్సరాల తర్వాత ఆమె లుక్‌ చాలా మారింది. ఈ మధ్య కాలంలో ఆమె సినిమాల్లో నటించక పోవడంతో రీ ఎంట్రీ కోసం ఎదురు చూస్తున్నారు.

ఈ మధ్య కాలంలో హీరోయిన్స్ బ్రేక్ తీసుకుని సెకండ్‌ ఇన్నింగ్స్ లో హీరోలకు అక్కగా, అత్తగా నటించడం మనం చూస్తూ ఉన్నాం. కనుక అదితి గోవిత్రికర్‌ సైతం అలా రీ ఎంట్రీ ఇస్తుందేమో చూడాలి. ఇప్పటికీ ఈమె చాలా అందంగా ఉన్నారని, సినిమాల్లో రీ ఎంట్రీ ఇచ్చేందుకు చాలా అవకాశాలు ఉన్నాయి అంటూ కొందరు అభిప్రాయం వ్యక్తం చేస్తున్నారు. ఈమెతో పాటు ఎంట్రీ ఇచ్చిన చాలా మంది హీరోయిన్స్ కనీసం కనిపించకుండా పోయారు, ఒకరు ఇద్దరు మాత్రం ఇంకా బాలీవుడ్‌లో సౌత్‌ సినిమాల్లో నటిస్తూ ఉన్నారు. కనుక ఈమె సైతం రీ ఎంట్రీ ఇస్తే తప్పేముంది అని కొందరు అభిప్రాయం వ్యక్తం చేస్తున్నారు.