డైరెక్ట‌ర్ శంక‌ర్ కూతురిని 'మీమ్స్‌'తో ఆడుకున్నారు!

విశ్వ‌న‌టుడు కమల్ హాసన్ న‌టించిన భార‌తీయుడు 2 (ఇండియన్ 2) ఎట్టకేలకు పెద్ద తెరపైకి వస్తోంది. ఈ చిత్రం జూలై 12న థియేటర్లలో విడుదల కానుంది. సినిమా ఆడియో ఆవిష్కరణ జూన్ 1న చెన్నైలో జరిగింది. శంకర్ దర్శకత్వం వహించిన ఈ చిత్రం 1996 కల్ట్ క్లాసిక్ బ్లాక్ బ‌స్ట‌ర్ కి సీక్వెల్. రెండవ భాగంలో కమల్ హాసన్ సేనాధిపతిగా తన పాత్రను రిపీట్ చేస్తున్నారు.

ఇటీవ‌ల చెన్నైలో జ‌రిగిన‌ ఆడియో లాంచ్‌లో ప‌లువురు అతిథులు పాల్గొన్నారు. మౌని రాయ్, ఊర్వశి రౌతేలా ఈ లాంచింగ్ కార్య‌క్ర‌మంలో ప్ర‌ద‌ర్శ‌న‌లు ఇచ్చారు. ఈ చిత్రం నుండి పాటలకు శృతి హాసన్, అదితి శంకర్, అర్జిత్ శంకర్ వంటి వారు ప్ర‌ద‌ర్శ‌న‌లు ఇచ్చారు. అయితే శంక‌ర్ కుమార్తె న‌టి అదితి శంకర్ ఆడియో లాంచ్‌లో డ్యాన్స్ చేస్తూ పాడుతూ తన బిట్‌ను ప్రదర్శించిన వీడియో సోషల్ మీడియాలో షేర్ అయింది. కానీ దీనిని చాలామంది ట్రోల్ చేసారు. అతిథీ తన తండ్రి శంకర్‌కి అత‌డు తెర‌కెక్కించిన‌ చిత్రాలలోని పాటలకు డ్యాన్సులు చేయ‌డం ద్వారా నివాళులర్పించింది. కానీ అతిథి డ్యాన్సుల‌పై సెటైర్లు వేసారు. చాలా మంది సోషల్ మీడియాలో మీమ్స్ షేర్ చేసారు.

ఇండియన్ 2లో కమల్ హాసన్, సిద్ధార్థ్, బాబీ సింహా, రకుల్ ప్రీత్ సింగ్, జగన్, రిషి, నేదురుమూడి వేణు, వివేక్ , గురు సోమసుందరం తదితరులు న‌టించారు. దీనికి అనిరుధ్ రవిచందర్ స్వరాలు సమకుర్చారు. భార‌తీయుడు 2 పార్ట్ 2, 3ల‌ను క‌లిపి శంక‌ర్ ఒకేసారి తెర‌కెక్కించారు. రెండవ భాగం తరువాత మూడవ భాగం 6 నెలల్లో విడుదల కానుంది. భార‌తీయుడు 2లో కాజల్ అగర్వాల్, ర‌కుల్ ప్రీత్ సింగ్ ఇత‌ర కీల‌క పాత్ర‌ల్ని పోషించారు.