అదితిరావ్.. బార్బీ డాల్ గ్లామర్ డోస్

టాలీవుడ్ టాలెంటెడ్ నటీమణుల్లో అదితీరావ్ హైదరీ ఒకరు. చూడగానే ఆకర్షించే అందం ఆమె సొంతం. టాలీవుడ్, బాలీవుడ్ అనే తేడా లేకుండా ప్రతి ఒక్క భాషల్లో హీరోయిన్ గా నటించే అవకాశం దక్కించుకున్న నటి అదితి. దక్షిణాదిన సైతం అన్ని భాషల్లోనూ ఆమె నటించారు. ఇక తెలుగులో అయితే, సమ్మోహనం మూవీతో పరిచయం అయ్యింది.

సుధీర్ బాబు హీరో కాగా, ఇంద్రగంటి మోహన్ కృష్ణ దర్శకత్వం వహించారు. ఈ మూవీలోనూ ఆమె హీరోయిన్ గా నటించడం విశేషం. ఈ మూవీతో ఆమె అందరినీ ఆకర్షించేంది. అప్పటి నుంచి కేవలం ఒక్క భాషకే పరిమితం కాకుండా, తనకు నప్పే కథలను ఎంచుకుంటూ ముందుకు దూసుకుపోతుంది. ఇక, సోషల్ మీడియాలోనూ చాలా చురుకుగా ఉంటుంది.

ఎప్పటికప్పుడు ఫోటోలు షేర్ చేస్తూ ఉంటుంది. తాజాగా పింక్ డ్రెస్ లో మెరిసింది. ఈ డ్రెస్ లో ఆమె బార్బీ గర్ల్ ని తలపించడం విశేషం. పింక్ బాటమ్, స్లీవ్ లెస్ పింక్ టాప్ ధరించింది. దానికి తగినట్లు మేకప్, సింపుల్ జ్యువెలరీ ఆమెకు ఎలిగెంట్ లుక్ తెచ్చింది. ప్రస్తుతం ఈ ఫోటోలు ఫ్యాన్స్ ని విపరీతంగా ఆకట్టుకుంటున్నాయి.

ఇదిలా ఉండగా, అదితి గత కొంత కాలంగా హీరో సిద్ధార్థ్ తో ప్రేమలో పడింది అంటూ వార్తలు వస్తున్నాయి. వీరిద్దరూ కలిసి షికార్లు చేస్తూ, ట్రిప్ లకు వెళ్తున్న ఫోటోలు వైరల్ అవ్వడంతో,వీరు ప్రేమలో ఉన్నారని అర్థమైంది. అయితే, ఇప్పటి వరకు వీరిద్దరూ అయితే, దీనిపై క్లారిటీ ఇవ్వలేదు. ప్రస్తుతానికి అయితే, వీరు లివ్ ఇన్ రిలేషన్ లో ఉన్నట్లు ప్రచారం జరుగుతోంది. ఇక, సిద్ధార్థ్, అదితి లు మహాసముద్రం సినిమాలో కలిసి నటించారు. అప్పుడు ఏర్పడిన పరిచయమే ప్రేమగా మారినట్లు సమాచారం. ఆ మూవీలో సిద్ధార్థ తో పాటు, శర్వానంద్ కూడా నటించారు.

ఇటీవల అదితీరావ్ హైదరి బాలీవుడ్ లో ఢిల్లీ 6 అనే సినిమాలో నటించింది. ఈ సినిమా కూడా బాగానే క్లిక్ అయ్యింది. దీంతో, ఆమెకు వరసగా బాలీవుడ్ లో ఆఫర్లు క్యూ కడుతున్నాయి. తన కెరీర్ ని మాత్రం మళయాళంలో మొదలుపెట్టింది. ఆ తర్వాత అక్కడి నుంచి తమిళంలోకి, ఆ తర్వాత తెలుగులోకి అడుగుపెట్టి, హీరోయిన్ గా మంచి గుర్తింపు సంపాదించుకుంది.