ఏడాది బ్రేక్‌ తర్వాత యంగ్ హీరో డబుల్ ధమాకా..!

యంగ్‌ హీరో అడివి శేష్‌ హిట్ 2 తర్వాత కాస్త గ్యాప్ తీసుకున్నాడు. వరుస సినిమాలతో బాగా అలసి పోయిన అడివి శేష్‌ ఏకంగా ఏడాది సమయం పాటు బ్రేక్ తీసుకున్నాడు. కావాలని తీసుకున్నాడా.. లేదంటే ఇతర కారణాల వల్ల బ్రేక్‌ వచ్చిందా అనేది తెలియదు కానీ ఏడాది పాటు అడవి శేష్‌ సినిమా షూటింగ్‌ లకు దూరంగా ఉంటున్నాడు. అప్పుడప్పుడు ఏదో ఒక కార్యక్రమంలో కనిపించినా కూడా షూటింగ్‌ లు చేయక పోవడంతో ఈ ఏడాది ఆయన సినిమాలు ఏవీ కూడా ప్రేక్షకుల ముందుకు వచ్చే పరిస్థితి లేదు.

ఎట్టకేలకు ఈ విలక్షణ హీరో రెండు ప్రాజెక్ట్‌ లకు సంబంధించిన షూటింగ్‌ కార్యక్రమాలకు సిద్ధం అవుతున్నాడు. ఇప్పటికే ప్రకటించిన గూఢచారి 2 సినిమా ఒకటి కాగా.. మరోటి లవ్‌ స్టోరీ సినిమా. ఈ రెండు సినిమాలు కూడా సమాంతరంగా షూటింగ్ జరుగబోతున్నాయి. రెండు కూడా వచ్చే ఏడాది లో కొద్దిపాటి గ్యాప్‌ లో రాబోతున్నాయట.

మొత్తానికి అడివి శేష్ అభిమానులకు కచ్చితంగా ఇది శుభవార్త. ప్రస్తుతం ఈ రెండు సినిమాలకు సంబంధించిన ప్రీ ప్రొడక్షన్ వర్క్ జరుపుతున్నట్లుగా సమాచారం అందుతోంది. భారీ అంచనాల నడుమ రూపొందబోతున్న ఈ రెండు సినిమాలు కూడా కచ్చితంగా అడివి శేష్ అభిమానులతో పాటు సినీ ప్రేమికులకు వినోదాన్ని పంచడం ఖాయంగా కనిపిస్తోంది.

అడివి శేష్‌ గూఢచారి 2 సినిమా ఆసక్తికర స్పై థ్రిల్లర్‌ గా ఉంటుందని సినీ వర్గాల వారు అంటున్నారు. ఇక మరో సినిమా విషయానికి వస్తే ఒక ఇంట్రెస్టింగ్ అండ్ ఎంటర్‌ టైనింగ్‌ లవ్‌ స్టోరీ తో రూపొందబోతుంది. ఒకే సారి రెండు విభిన్నమైన జోనర్స్ లో సినిమాలు చేస్తున్న అడివి శేష్‌ వచ్చే ఏడాది తన అభిమానులకు డబుల్ ధమాకా ఇవ్వబోతున్నట్లుగా టాక్ వినిపిస్తోంది.