50 వ‌య‌సు ఐశ్వ‌ర్యారాయ్‌పై ఆ కామెంట్లు ఏంటి?
అయితే, కొంతమంది ఐశ్వర్య లుక్‌ని విమ‌ర్శిచారు. ''నా కళ్ళు న‌మ్మడం లేదు. ఐష్ ముఖానికి ఏమైంది?అని ఒక నెటిజన్ వ్యాఖ్యానించాడు.
By: Tupaki Desk | 2 Oct 2023 4:44 PM GMT
వ‌య‌సు 50కి చేరువ‌వుతున్నా ఐష్ లో జోష్ ఏమాత్రం త‌గ్గ‌లేదు. దాదాపు 20ఏళ్ల క్రితం మోడ‌లింగ్ రోజుల్ని ఇప్ప‌టికీ గుర్తు చేస్తోంది. బాలీవుడ్ సూపర్ స్టార్ ఐశ్వర్య రాయ్ బచ్చన్ పారిస్ ఫ్యాషన్ వీక్‌లో త‌ళుక్కున మెరిసారు. లోరియల్ ప్యారిస్ కోసం ర్యాంప్ వాక్ చేస్తున్నప్పుడు అంద‌రి క‌ళ్లు ఐష్ సొగ‌సు పైనే. గోల్డెన్ కేప్ గౌనులో రన్‌వేపైకి దూసుకెళ్లిన ఐష్ ఎంతో అద్భుతంగా కనిపించింది. వాక్ యువర్ వర్త్ పేరుతో బ్రాండ్ షో కోసం ర్యాంప్‌పై నడిచిన కెండల్ జెన్నర్, ఎవా లాంగోరియా, హెలెన్ మిర్రెన్, వియోలా డేవిస్ ల‌తో పాటు ఐశ్వర్య కూడా ఉన్నారు.
ఐశ్వర్య లుక్‌కి ఇంటర్నెట్‌లో మిశ్రమ స్పందన వస్తోంది. ఐశ్వర్య అభిమానులు తన నడక తీరు కాన్ఫిడెన్స్ గురించి ముచ్చ‌ట‌ప‌డుతుండ‌గా, వారిలో కొంద‌రు ఐష్ ఎంచుకున్న అందమైన దుస్తులను ఇష్టపడుతున్నారు. ఇంటర్నెట్‌లోని ఒక విభాగం ఆమె ముఖం చాలా నిండుగా కనిపించింది అని వ్యాఖ్యానించారు. ''ఆమె తన జుట్టును ఇలాగే స్టైలింగ్ చేయాలి. ఆమె చాలా బాగుంది'' అని ఐష్ కురుల గురించి వ‌ర్ణించారు. మరొకరు ఇలా అన్నారు, ''ఐష్ సైడ్ పార్ట్ అందమైన పెదవులు ఎంత మెరుగ్గా ఉన్నాయో.. నేను దానిని ఎందుకు గ్రహించలేదో తెలియదు. కొంతకాలంగా ఐష్ ప్ర‌ద‌ర్శ‌న‌ల్లో ఇదే ఉత్తమమైనది. స్టైలింగ్ పాయింట్‌లో ఉంది. ఆమె క్వీన్ అని పొగిడేశాడు.
అయితే, కొంతమంది ఐశ్వర్య లుక్‌ని విమ‌ర్శిచారు. ''నా కళ్ళు న‌మ్మడం లేదు. ఐష్ ముఖానికి ఏమైంది?అని ఒక నెటిజన్ వ్యాఖ్యానించాడు. తన ముఖం నిండుగా కనిపిస్తోంది. ఆమె శరీర ఆకృతికి ఈ దుస్తులు ఎంపిక చేయ‌డం పూర్తిగా తప్పు. త‌న‌కు ఇలా చేసిన మొత్తం టీమ్‌ను తొలగించాలి'' అని మరొకరు అన్నారు.
ఐశ్వర్య రాయ్ తన కుమార్తె ఆరాధ్య బచ్చన్ తో క‌లిసి శనివారం పారిస్ ఫ్యాషన్ వీక్ కోసం బయలుదేరారు. ఫోటోగ్రాఫ‌ర్లు షేర్ చేసిన వీడియోలో.. ఆరాధ్య ఇప్పుడు తన తల్లిలా పొడవుగా ఉందని ఐష్ స్వ‌యంగా ఉత్సాహం క‌న‌బ‌రిచింది. 'ఆరాధ్య ఇప్పుడు నా ఎత్తు' అని ఉద్వేగభరితంగా ఐశ్వర్య చెప్పడం వీడియోలో కనిపించింది.
ఆరాధ్య ఎంతో ఎగ్జ‌యిట్ అవుతూ కనిపించింది. ఆ స‌న్నివేశానికి సంబంధించిన వీడియో వైరల్‌గా మారింది. మ‌ణిర‌త్నం పొన్నియ‌న్ సెల్వ‌న్1,2 భాగాల్లో న‌టించిన ఐశ్వ‌ర్యారాయ్ త‌దుప‌రి ప్రాజెక్టును ఇంకా ప్ర‌క‌టించ‌లేదు. అలాగే తన అంత ఎదిగేసిన ఆరాధ్య‌బ‌చ్చ‌న్ న‌ట‌న‌లోకి ప్ర‌వేశిస్తుందా లేదా? అన్న‌దానిపైనా ఐష్ ఇంకా క్లారిటీనివ్వ‌లేదు.
