డైరెక్టర్ కి ఇండైరెక్ట్ డోస్ ఇచ్చిన హీరోయిన్..!

కోలీవుడ్ భామ ఐశ్వర్య రాజేష్ ఇండైరెక్ట్ గా డైరెక్టర్ వీర పాండియన్ కి డోస్ ఇచ్చింది. ఐశ్వర్య రాజేష్ కి మొదట ఛాన్స్ నేనే ఇచ్చా ఆ టైం లో ఆమె ఆటోలకు చార్జి డబ్బులు కూడా నేనే ఇచ్చానని షాకింగ్ కామెంట్స్ చేశాడు డైరెక్టర్ వీర పాండియన్. అతను కామెంట్స్ పై ఐశ్వర్య సైలెంట్ గా తన సోషల్ మీడియా ద్వారా వార్నింగ్ ఇచ్చింది. తమిళ్ లో సహజ నటిగా తన మార్క్ చాటుతున్న ఐశ్వర్య రాజేష్ ఎలాంటి పాత్రలో అయినా ఇట్టే ఒదిగిపోతుందని ఆడియన్స్ అంటుంటారు.

స్టార్ రేంజ్ కి వెళ్లలేదు కానీ ఐశ్వర్య రాజేష్ చేస్తున్న సినిమాలు.. చేసిన పాత్రలన్నీ ఆమెకు మంచి గుర్తింపు తెచ్చాయి. రీసెంట్ గా డైరెక్టర్ వీర పాండియన్ ఆమెకు నేను మొదటి అవకాశం ఇచ్చా.. కెరీర్ స్టార్టింగ్ లో ఆటోలకు డబ్బులు లేకపోతే నేనే ఇచ్చా.. ఇప్పుడు స్టార్ హీరోయిన్ అయ్యాక ఫోజులు కొడుతుంది. తన సినిమాలో నటించాలని కోరినా కాదని అంటుందని కామెంట్స్ చేశాడు.

అయితే అతని కామెంట్స్ కి ఇండైరెక్ట్ గా డోస్ ఇచ్చింది ఐశ్వర్య. పేరు ప్రస్తావించకుండానే కొందరు ఒకవైపే విని మాట్లాడుంటారు.. అసలు విషయాలు తెలుసుకోకుండా ఒక నిర్ణయానికి వస్తారు. అలాంటి వారు జీవితంలో బంధాలు చెడగొట్టే ప్రయత్నం చేస్తున్నారు. ఎవరైనా సరే పూర్తిగా తెలుసుకుని మాట్లాడితే బాగుంటుందని తన ట్విట్టర్ లో ఒక నోట్ పెట్టింది ఐశ్వర్య. థాట్ ఆఫ్ ది డే అంటూ ఐశ్వర్య పెట్టిన ఈ కామెంట్ ఆమె డైరెక్టర్ వీర పాండియన్ ని ఉద్దేశించి పెట్టిందని అంటున్నారు.

ఐశ్వర్య రాజేష్ తెలుగులో కూడా ప్రేక్షకులను మెప్పించే ప్రయత్నాలు చేసింది. 2018 లో కౌసల్యా కృష్ణమూరి సినిమా చేసిన ఐశ్వర్య. విజయ్ దేవరకొండతో వరల్డ్ ఫేమస్ లవర్ లో నటించింది. నానితో టక్ జగదీష్, సాయి ధరం తేజ్ రిపబ్లిక్ సినిమాల్లో కూడా నటించింది ఐశ్వర్య. రీసెంట్ గా పుష్ప సినిమాలో శ్రీవల్లి పాత్ర అయితే తను బాగా చేసి ఉండేదాన్నంటూ ఐశ్వర్య చేసిన కామెంట్స్ రష్మిక ఫ్యాన్స్ ని హర్ట్ చేశాయి. అయితే దీనిపై రష్మిక కూడా ఆమె చెప్పిన యాంగిల్ ని అర్ధం చేసుకుని ఆమెకు సపోర్ట్ చేసింది. తెలుగులో తన టాలెంట్ కి తగిన ఆఫర్లు రావడం లేదని ఫీల్ అవుతున్న ఐశ్వర్య రాజేష్ రాబోయే సినిమాల్లో అయినా మంచి అవకాశాలను అందుకుంటుందేమో చూడాలి.