ఐశ్వర్య తో సీనియ‌ర్ హీరో రొమాంటిక్ సాంగ్!

విక్ట‌రీ వెంక‌టేష్ క‌థానాయ‌కుడిగా అనీల్ రావిపూడి ద‌ర్శ‌క‌త్వంలో ఓ చిత్రం తెర‌కెక్కుతోన్న సంగ‌తి తెలిసిందే. `ఎఫ్-2`, `ఎఫ్-3` త‌ర్వాత ఇద్ద‌రి కాంబినేష‌న్ లో రూపొందుతున్న చిత్రం కావ‌డంతో అంచ‌నాలు భారీగా ఉన్నాయి. ఇందులో వెంక‌టేష్ కి భార్య పాత్ర‌లో ఐశ్వ‌ర్యా రాజేష్ , ప్రియురాలి పాత్ర‌లో మీనాక్షి చౌద‌రి న‌టిస్తున్నారు. దీంతో ఇద్ద‌రి భామ‌ల మ‌ధ్య ముద్దుల ప్రియుడిగా మ‌రోసారి వెంకీ హైలైట్ కాబోతున్నారు.

ఫ్యామిలీ స్టోరీల‌కు హాస్యాన్ని జోడించి తీయ‌డంలో అనీల్ టేకింగ్ తిరుగుండ‌దు. ఆ ర‌కంగా ఇప్ప‌టి వ‌ర‌కూ అత‌డికి వైఫ‌ల్య‌మే లేదు. ఒకే జాన‌ర్ చిత్రాల‌తో బాక్సాఫీస్ వ‌ద్ద కోట్లు కొల్ల‌గొడుతున్నాడు. ఈసారి వెంకీ ఫ్యామిలీ ఇమేజ్ ని తెలివిగా ఎన్ క్యాష్ చేస్తున్నాడు. తాజాగా ఈ సినిమా అప్ డేట్ అందింది. ప్ర‌స్తుతం పోల్లాచ్చిలో షూటింగ్ జ‌రుగుతుంది. అక్క‌డ అంద‌మైన లొకేష‌న్ల‌లో వెంకటేష్‌-ఐశ్వ‌ర్య‌ల‌పై భార్య‌భ‌ర్త‌ల మ‌ధ్య ప్రేమ‌ను తెలిపే ఓ పాట‌ని చిత్రీక‌రిస్తున్నారు.

ఈ పాట‌ని భాస్క‌ర భ‌ట్ల రచించ‌గా, భీమ్స్ సంగీతం అందిస్తున్నాడు. భాను మాస్ట‌ర్ కొరియోగ్ర‌ఫీ చేస్తు న్నాడు. సినిమాలో ఈ పాట ప్ర‌త్యేక ఆక‌ర్ష‌ణ‌గా నిలుస్తుంద‌ని అంటున్నారు. పాట‌తో పాటు అక్క‌డ కొంత టాకీ పార్టు కూడా పూర్తి చేయ‌నున్న‌ట్లుతెలుస్తోంది. అటుపై యూనిట్ హైద‌రాబాద్ కి తిరుగొస్తుంది. అనం త‌రం కొన్ని రోజులు విరామం ఇచ్చి మ‌ళ్లీ కొత్త షెడ్యూల్ ప్రారంభిస్తారు. న‌వంబ‌ర్ క‌ల్లా షూటింగ్ పూర్తి చేయాల‌న్న‌ది అనీల్ ప్లాన్.

చిత్రీక‌ర‌ణ విష‌యంలో అనీల్ ప్లానింగ్ ప్ర‌కారం పూర్తి చేస్తాడు. ఎలాంటి డిలే లు ఉండ‌వు. అలాగే బ‌డ్జెట్ కూడా అనుకున్న దాంట్లోనూ ముగిస్తాడు. నిర్మాత‌ల‌పై అద‌న‌పు భారం మోప‌కుండా చూస్తాడు. ఆ ర‌కంగా నిర్మాత దిల్ రాజు- అనీల్ మ‌ధ్య మంచి అండ‌ర్ స్టాండింగ్ ఉంది. రాజుగారు ఇష్ట‌ప‌డే ద‌ర్శ‌కుల్లో అనీల్ కూడా ఒక‌రు.