మంగళవారం.. ఇంకా కథ అయిపోలేదట

అజయ్ భూపతి దర్శకత్వంలో పాయల్ రాజ్ పుత్ లీడ్ రోల్ లో వస్తోన్న ఇంటరెస్టింగ్ థ్రిల్లర్ మూవీ మంగళవారం. ఈ సినిమా పాన్ ఇండియా రేంజ్ లో నవంబర్ 17న థియేటర్స్ లోకి రాబోతోంది. హైఎక్స్ పెక్టేషన్స్ తో ప్రేక్షకుల ముందుకి వస్తోన్న ఈ సినిమా ట్రైలర్ తోనే పూనకాలు తెప్పించేసింది. కచ్చితంగా వచ్చే వారం మంచి ఓపెనింగ్స్ అందుకునే సినిమాలలో మంగళవారం టాప్ లో ఉంటుందనే మాట ట్రేడ్ పండితుల నుంచి వినిపిస్తోంది.

ఎలాంటి స్టార్ క్యాస్టింగ్ లేకుండా 20 కోట్ల భారీ బడ్జెట్ తో ఈ సినిమాని అజయ్ భూపతి తెరకెక్కించడం విశేషం. కాంతార ఫేం అజనీష్ లోకనాథ్ మూవీ మంగళవారం సినిమాకి మరింత బూస్టింగ్ ఇచ్చే విధంగా ఉండటం విశేషం. ఇప్పటికే సినిమాకి సంబందించిన బిజినెస్ డీల్స్ అన్ని క్లోజ్ అయ్యాయి. ప్రస్తుతం ఈ సినిమా ప్రమోషన్ యాక్టివిటీస్ జోరుగా నడుస్తున్నాయి.

అజయ్ భూపతి అన్ని తానై వరుసగా ఇంటర్వ్యూలు ఇస్తూ సినిమాకి హైప్ తీసుకొచ్చే ప్రయత్నం చేస్తున్నారు. ఒక్క పాయల్ రాజ్ పుత్ తప్ప చెప్పుకోదగ్గ స్టార్ క్యాస్టింగ్ లేకపోవడంతో సినిమాని మార్కెట్ చేసే బాద్యత తీసుకున్నారు. ఇదిలా ఉంటే ఈ మధ్యకాలంలో సీక్వెల్స్ ట్రెండ్ జోరుగా నడుస్తోన్న సంగతి తెలిసిందే. ప్రతి సినిమాకి క్లైమాక్స్ లో ఎండ్ కార్డ్ వేయకుండా సీక్వెల్ కోసం లీడ్ ఇచ్చి వదిలేస్తున్నారు.

అలా ఇస్తోన్న లీడ్ ఎలిమెంట్ కూడా ఒక్కోసారి మూవీస్ కి ప్లస్ అవుతోంది. సెకండ్ పార్ట్ మీద ఎక్స్ పెక్టేషన్స్ పెరగడానికి కారణం అవుతోంది. సినిమా సక్సెస్ బట్టి సీక్వెల్స్ తీసుకొచ్చే ప్రయత్నం ప్లాన్ చేస్తున్నారు. అలాగే మంగళవారం సినిమాకి కూడా సీక్వెల్ ఉంటుందని అజయ్ భూపతి తాజా ఇంటర్వ్యూలో క్లారిటీ ఇచ్చేశారు. ఫ్రాంచైజ్, సిరీస్, సీక్వెల్, ప్రీక్వేల్ ఏపేరు పెట్టుకున్న మంగళవారం సినిమాకి పార్ట్ 2 ప్లానింగ్ అయితే ఉందని చెప్పేశారు.

సినిమా పోస్టర్స్ లో పాయల్ రాజ్ పుత్ లుక్ కాస్తా బోల్డ్ గా అనిపించినా జీరో ఎక్స్ పోజింగ్ ఉన్న తో ఎలాంటి అసభ్యతకి తావు లేకుండా చేసిన సినిమా మంగళవారం. ఆమె పాత్ర కచ్చితంగా థ్రిల్ చేస్తుంది. కేవలం నాపై నమ్మకంతోనే ఆమె ఈ క్యారెక్టర్ చేయడానికి ఒకే చెప్పింది. కచ్చితంగా చివర్ 45 నిమిషాలు మూవీలో నెక్స్ట్ లెవల్ లో ఎలిమెంట్స్ ఉంటాయని అజయ్ భూపతి చెప్పుకొచ్చారు.