కుల‌మ‌తాల‌తోనే ద్వేషం.. ఎక్కువ‌ ప్ర‌యాణించు జ‌యించు!-అజిత్

త‌ళా అజిత్ కుమార్ రేసింగ్ హ్యాబిట్ గురించి తెలిసిందే. అత‌డు ప‌క్కా స్పోర్ట్స్ మ‌న్. క్రీడ‌ల్లో అత‌డికి ప‌త‌కాలు కూడా ఉన్నాయి. వృత్తిగ‌తంగా స్టార్ అయినా కానీ, త‌న వ్య‌క్తిగ‌త‌ ప్యాష‌న్ ని అత‌డు ఏనాడూ వ‌దులుకోలేదు. బైక్ రేసింగ్.. కార్ రేసింగులంటే ప‌డి చ‌స్తాడు. అలాగే బైక్ పై ప్ర‌పంచాన్ని చుట్టి రావాల‌నే పంతం అత‌డికి ఉంది.

ఇటీవల ప్రయాణాలపై త‌న‌ ప్రేమ గురించి కొన్ని అంత‌ర్గ‌త విష‌యాల‌ను షేర్ చేసాడు అజిత్. అత‌డు సినిమాల షూటింగ్‌ల మధ్య సమయాన్ని బైక్‌పై ప్రపంచవ్యాప్తంగా ప్రయాణించడానికి కేటాయిస్తున్నాడు. త‌ళా మేనేజర్ సురేష్ చంద్ర X (గతంలో ట్విట్టర్)లో షేర్ చేసిన వీడియోలో.. ప్రయాణం ఎలా మంచి వ్యక్తిగా మారుస్తుంది? అనే దాని గురించి అజిత్‌ మాట్లాడాడు.

అజిత్ తన బ్యాక్‌డ్రాప్‌లో సుందరమైన పర్వతాల న‌డుమ త‌న‌ బైక్ దగ్గర నిలబడి ఉన్న వీడియోను మేనేజ‌ర్ పోస్ట్ చేశాడు. ఈ వీడియోలో అజిత్ ఇలా వ్యాఖ్యానించారు. ``ప్రజలను ప్రయాణించేలా చేయాలనే ఆలోచన ఉంది. నేను వ్యక్తిగతంగా ప్రయాణం అనేది ధ్యానానికి ఉత్తమ రూపం. ఒక కోట్ ఉంది - మతం మీరు ఇంతకు ముందెన్నడూ కలవని వ్యక్తులను ద్వేషించేలా చేస్తుంది… అది మతం లేదా కులం లేదా ఏదైనా కావచ్చు. ఇది చాలా నిజం, మ‌నం కలవకముందే వ్యక్తులను అంచనా వేస్తాము`` అని అన్నారు. ప్రయాణం ఆ అడ్డంకులను అధిగమించడంలో మీకు సహాయపడుతుందని అన్నారు. మీరు ప్రయాణించినప్పుడు, వివిధ జాతులు, మతాల ప్రజలను కలుస్తారు. వారి సంస్కృతిని అనుభవిస్తారు. మీ చుట్టూ ఉన్న వ్యక్తులపై మీరు మరింత సానుభూతితో ఉంటారు. మిమ్మల్ని మంచి వ్యక్తిగా చేస్తుంది`` అని అద్భుత‌మైన కోట్‌ని వివ‌రించారు. అజిత్ ఇటీవల వీనస్ మోటార్‌సైకిల్ టూర్స్‌ను కూడా ఏర్పాటు చేసి ప్రయాణాలపై తన ప్రేమను చాటుకున్నాడు. దేశవ్యాప్తంగా ప్రయాణించే బైకింగ్ క్లబ్‌లను అజిత్ ఏర్పాటు చేశాడు.

త‌ళా అజిత్ ఇటీవల మోటార్‌స్పోర్ట్స్ లోకి తిరిగి వచ్చాడు. అత‌డు రేసింగ్‌ను ప్రారంభించాడు. ఫ‌బియ‌న్ డ‌ఫీక్ష్ వారి అధికారిక డ్రైవర్‌గా నియమితుడ‌య్యారు. అజిత్ వచ్చే ఏడాది జీటీ4లో తెరంగేట్రం చేయనున్నారు. గతంలో, అజిత్ ఆసియా ఫార్ములా BMW ఛాంపియన్‌షిప్, బ్రిటిష్ ఫార్ములా 3 ఛాంపియన్‌షిప్ .. FIA ఫార్ములా 2 ఛాంపియన్‌షిప్‌లో కూడా పోటీ పడ్డాడు. అతడు మోటార్ సైకిల్ రేసింగ్‌తో తన రేసింగ్ కెరీర్‌ను ప్రారంభించాడు.

అజిత్ త్వరలో విడాముయార్చి తో అభిమానుల ముందుకు వ‌స్తారు. దీనికి మగిజ్ తిరుమేని దర్శకత్వం వహిస్తున్నారు. ఇందులో త్రిష కృష్ణన్, అర్జున్ సర్జా, ఆరవ్, రెజీనా కసాండ్రా త‌దిత‌రులు న‌టించారు. అతడు త్రిష, ప్రసన్న, సునీల్‌లతో కలిసి అధిక్ రవిచంద్రన్ `గుడ్ బ్యాడ్ అగ్లీ`లో నటించనున్నాడు.