అజిత్ 'విదాముయార్చి'.. ఈ సౌండ్ సరిపోదేమో..

కోలీవుడ్ స్టార్ హీరో అజిత్ కుమార్ కాంపౌండ్ నుంచి వస్తున్న మోస్ట్ అవైటెడ్ మూవీస్ లో ఒకటి విదాముయార్చి అన్న విషయం తెలిసిందే. మాగిజ్‌ తిరుమేని దర్శకత్వంలో తెరకెక్కుతున్న ఆ సినిమాలో సీనియర్ బ్యూటీ త్రిష ఫిమేల్ లీడ్ రోల్ లో నటిస్తున్నారు. అర్జున్, రెజీనాతోపాటు మరికొందరు నటీనటులు కీలక పాత్రలు పోషిస్తున్నారు.

ప్రముఖ నిర్మాణ సంస్థ లైకా ప్రొడక్షన్స్ బ్యానర్ పై సుభాస్కరన్ గ్రాండ్ గా నిర్మిస్తున్న ఆ సినిమాకు స్టార్ మ్యూజిక్ డైరెక్టర్ అనిరుధ్ రవిచందర్ సంగీతం సమకూరుస్తున్నారు. అయితే మూవీ షూటింగ్ ఇప్పటికే కంప్లీట్ అయింది. సంక్రాంతికే విడుదల కావాల్సి ఉన్నా.. కానీ పలు కారణాల వల్ల సినిమా వాయిదా పడింది.

ఇప్పుడు అన్ని పనులు పూర్తి చేసుకున్న మూవీ.. ఫిబ్రవరి 6వ తేదీన ప్రపంచవ్యాప్తంగా తెలుగు, తమిళ భాషల్లో విడుదల అవ్వనుంది. తెలుగు టైటిల్ ను పట్టుదలగా మేకర్స్ ఫిక్స్ చేశారు. ఇప్పటికే ఆ విషయాన్ని అనౌన్స్ కూడా చేశారు. అయితే మేకర్స్ రీసెంట్ గా రిలీజ్ చేసిన ట్రైలర్ తో ఆడియన్స్ లో సినిమాపై మోస్తరు బజ్ నెలకొంది.

ఫుల్ యాక్షన్ ప్యాక్డ్ గా ఉన్న ట్రైలర్ ఆకట్టుకుంది. ఫారిన్ బ్యాక్ డ్రాప్ లో యాక్షన్ సీక్వెన్స్ లు అద్భుతంగా ఉన్నాయని కొనియాడారు. అదే సమయంలో రిలీజ్ కు టైమ్ ఇంకా వారమే ఉన్నా.. పెద్దగా ఆఫ్ లైన్ ప్రమోషన్స్ జరగడం లేదని చెప్పాలి. ఆన్ లైన్ లో మేకర్స్ సందడి చేస్తున్నప్పటికీ.. ఆఫ్ లైన్ లో మాత్రం ఎలాంటి సౌండ్ లేదు. దీంతో భారీ హైప్ క్రియేట్ అవ్వలేదు.

నిజానికి కోలీవుడ్ లో అజిత్ కు సూపర్ ఫ్యాన్ బేస్ ఉంది. కాబట్టి అక్కడ మూవీ భారీగా రిలీజ్ అవుతుంది. కానీ తెలుగు ఆడియన్స్ దృష్టిని ఆకర్షించడం కష్టం. ఈవెంట్స్, ఇంటర్వ్యూలు వగైరా నిర్వహిస్తే సినిమాపై మంచి బజ్ నెలకొనే అవకాశం ఉంది. అజిత్ కుమార్ ప్రమోట్ చేస్తే.. మూవీపై కచ్చితంగా భారీ హైప్ క్రియేట్ అవుతుంది.

కానీ ఆయన కొంతకాలంగా సినిమా ప్రమోషన్స్ కు దూరంగా ఉన్న విషయం తెలిసిందే. ఇప్పుడు విదామూయార్చి విషయంలో అదే పంథా ఫాలో అవుతున్నారు. కాబట్టి మేకర్స్.. మిగతా టీమ్ తో కచ్చితంగా ప్లాన్ చేయాలి. అయితే ఇంకా కొన్ని రోజుల సమయం ఉంది కాబట్టి.. తెలుగులో బజ్ క్రియేట్ చేసే ఛాన్స్ ఉంది. మరి మేకర్స్ ఏం చేస్తారో వేచి చూడాలి.