ఆకాష్ జ‌గ‌న్నాధ్ ప‌దునైన త‌ల్వార్!

ఆకాష్ పూరి సినిమా చేసి రెండేళ్లు అవుతుంది. `చోర్ బ‌జార్` ప్లాప్ త‌ర్వాత ఆకాష్ టాపిక్ ఇండ‌స్ట్రీ లే వినిపించ‌లేదు. ఇటీవ‌ల రిలీజ్ అయిన డాడ్ సినిమా `డ‌బుల్ ఇస్మార్ట్` సైతం ఆశించిన ఫ‌లితాలు సాధించ‌డం లేదు. దీంతో పూరి అండ్ కో అంతా ప్లాప్ ల మ‌యం అన్న‌ట్లు హైలైట్ అవుతుంది. పూరి త‌దుప‌రి ఏ హీరోతో సినిమా చేస్తారు? అన్న‌ది క్లారిటీ లేదు.

ఓ సినిమా సెట్స్ లో ఉండ‌గానే మ‌రో సినిమా లాక్ చేసే పూరి ఇప్పుడు ఆ ప‌రిస్థితుల్లో క‌నిపించ‌లేదు. దీంతో కొన్ని గంట‌ల క్రిత‌మే అభిమానుల్ని స‌ర్ ప్రైజ్ చేస్తానంటూ ఆకాష్ ఓ వీడియో రిలీజ్ చేసిన సంగ‌తి తెలిసిందే. ఓ మంచి సినిమాకి సైన్ చేసిన‌ట్లు రివీల్ చేసాడు. తాజాగా నేడు ఆకాష్ పుట్టిన రోజు సంద‌ర్భంగా ఆ ప్రాజెక్ట్ వివ‌రాలు అధికారికంగా వెల్ల‌డించారు. అలాగే ఫ‌స్ట్ లుక్ పోస్ట‌ర్ కూడా పంచుకున్నారు. పోస్ట‌ర్ లో ఆకాష్ లుక్ అదిరిపోయింది.

డ్యాషింగ్ డైరెక్ట‌ర్ స‌న్ అనిపించాడు. త‌ల్వార్ లానే ప‌దునుగా క‌నిపిస్తున్నాడు. ఆకాష్ ష‌ర్ట్ పై ర‌క్తం , ప‌వ‌ర్ పుల్ ఐస్ ఆకాష్ పాత్ర‌ని హైలైట్ చేస్తుంది. ఈ సినిమాకి `త‌ల్వార్` అనే టైటిల్నిర్ణ‌యించారు. గెట్ రెడీ ఫ‌ర్ `బ్ల‌డ్ బాత్` అంటూ ప‌వ‌ర్ పుల్ కొటేష‌న్ జ‌నాల్లోకి వ‌దిలారు. టైటిల్స్ కార్డ్స్ లో ఆకాష్ పేరు కూడా మారేలా క‌నిపిస్తోంది. పోస్ట‌ర్ లో ఆకాష్ జ‌గ‌న్నాధ్ ఇన్ అని వేసారు. జ‌గ‌న్నాధ్ తండ్రి పేరు. ఇప్పుడు కుమారుడు ఇంటి పేరుకి బ‌ధులు తండ్రి పేరు యాడ్ చేసుకున్న‌ట్లు తెలుస్తోంది.

ఈ సినిమాతో కాశీ ప‌ర‌శురాం అనే కొత్త కుర్రాడు ద‌ర్శ‌కుడిగా ప‌రిచ‌యం అవుతున్నాడు. ఈఎల్ వీ భాస్క‌ర్ స‌మ‌ర్పిస్తున్నారు. స్టూడియోస్ వార్నిక్ సంస్థ నిర్మిస్తుంది. కేశవ్ కిర‌ణ్ సంగీతం అందిస్తున్నాడు. త్రిలోక్ సిద్దు డివోపీగా ప‌ని చేస్తున్నాడు. సినిమా ప్రారంభోత్స‌వం ఎప్పుడు ఉంటుంది? రెగ్యుల‌ర్ షూటింగ్ ...రిలీజ్ తేదీలు వంటి వివ‌రాలు త్వ‌ర‌లో తెలియ‌నున్నాయి.