అఖండ 2.. మ్యూజిక్ డైరెక్టర్ విషయంలో న్యూ ట్విస్ట్..

బోయపాటి శ్రీను, నందమూరి బాలకృష్ణ కాంబినేషన్ లో తెరకెక్కి బ్లాక్ బస్టర్ హిట్ అయిన మూవీ అఖండ. డివోషనల్ యాక్షన్ థ్రిల్లర్ మూవీగా ఈ చిత్రాన్ని బోయపాటి శ్రీను తెరకెక్కించారు. ఈ మూవీకి సీక్వెల్ గా అఖండ 2 ఉంటుందని అప్పుడే బోయపాటి ఎనౌన్స్ చేశారు. ఇదిలా ఉంటే తాజాగా ఈ సీక్వెల్ కి సంబందించిన అఫీషియల్ ప్రకటన వచ్చింది. పోస్టర్ తో అఖండ 2 సినిమాని కన్ఫర్మ్ చేశారు. ఇప్పటికే మూవీ స్క్రిప్ట్ వర్క్ ని బోయపాటి స్టార్ట్ చేసాడంట.

ఇదిలా ఉంటే అఖండ కంటే హైవోల్టేజ్ కథాంశంతో ఈ సీక్వెల్ ని బోయపాటి రెడీ చేయబోతున్నట్లు టాక్ వినిపిస్తోంది. అలాగే ఈ సీక్వెల్ మూవీని పాన్ ఇండియా ప్రాజెక్ట్ గా బాలయ్య కెరియర్ లోనే హైయెస్ట్ బడ్జెట్ తో తెరకెక్కించబోతున్నారు. బాలయ్య చిన్న కూతురు ఈ సినిమాతో ప్రొడ్యూసర్ గా అడుగుపెడుతోంది. అఖండ సీక్వెల్ లో కూడా బాలయ్య డ్యూయల్ రోల్ లోనే కనిపించబోతున్నారంట.

అలాగే ప్రగ్యా జైశ్వాల్ క్యారెక్టర్ కొనసాగింపు ఉంటుందంట. ఈ స్టోరీ అఘోర క్యారెక్టర్ లో ఉన్న బాలయ్య మీదనే నడుస్తుందంట. ఆధ్యాత్మిక కోణంలో కథని డైరెక్టర్ బోయపాటి రి ప్రజెంట్ చేయడానికి రెడీ అవుతున్నాడు. అయితే అఖండ మూవీకి థమన్ మ్యూజిక్ అందించారు. ఆ సినిమా సక్సెస్ లో బ్యాగ్రౌండ్ మ్యూజిక్ కూడా చాలా కీలకంగా మారిందని చెప్పొచ్చు. తన మ్యూజిక్ తో థమన్ గూస్ బాంబ్స్ క్రియేట్ చేసాడు.

అలాగే బోయపాటి స్కంద సినిమాకి కూడా థమన్ మ్యూజిక్ అందించారు. అయితే ఆ మూవీ అంతగా క్లిక్ కాలేదు. ఇదిలా ఉంటే అఖండ 2 కోసం ఇప్పుడు బోయపాటి థమన్ ని పక్కన పెట్టారని తెలుస్తోంది. టాలెంటెడ్ మ్యూజిక్ డైరెక్టర్ గా దూసుకుపోతున్న హర్షవర్ధన్ రామేశ్వర్ ని అఖండ 2 కోసం బోయపాటి కన్ఫర్మ్ చేశారట. ఇప్పటికే హర్షవర్ధన్ రామేశ్వర్ యానిమల్ సినిమాతో పాన్ ఇండియా లెవల్ లో మ్యూజిక్ డైరెక్టర్ గా సక్సెస్ అందుకున్నారు. ఆ సినిమాకు కొన్ని సాంగ్స్ అలాగే బ్యాక్ గ్రౌండ్ స్కోర్ మొత్తం తనే చూసుకున్నాడు.

ఇప్పుడు అఖండ 2తో మరో ఛాన్స్ అందుకున్నట్లు తెలుస్తోంది. ప్రభాస్ స్పిరిట్ సినిమాకి కూడా హర్షవర్ధన్ మ్యూజిక్ డైరెక్టర్ గా వర్క్ చేయనున్నారంట. అఖండ 2 లాంటి హైవోల్టేజ్ యాక్షన్ మూవీకి హర్షవర్ధన్ మ్యూజిక్ అందించి సక్సెస్ అందుకుంటే ఆయన క్రేజ్ అమాంతం పెరిగిపోతుందని చెప్పొచ్చు. ఇక ఈ సినిమాలో ఇతర క్యాస్టింగ్ ని త్వరలో బోయపాటి ఎనౌన్స్ చేయబోతున్నట్లు తెలుస్తోంది. మరో రెండు నెలల తర్వాత ఈ మూవీ షూటింగ్ స్టార్ట్ అవ్వొచ్చనే మాట వినిపిస్తోంది.