'ఓజీ' తో మెగా వార‌సుడు ఎంట్రీ..సినిమాకే హైలైట్!

'ఓజీ'తో ప‌వ‌ర్ స్టార్ ప‌వ‌న్ క‌ళ్యాణ్ వార‌సుడు ఎంట్రీ ఇస్తున్నాడా? ఇదే స‌రైన స‌మ‌యంగా ప‌వ‌న్ త‌న‌యుడిని లాంచ్ చేస్తున్నాడా? అంటే అవున‌నే సంకేతాలు అందుతున్నాయి. ప్ర‌స్తుతం ప‌వ‌న్ క‌ళ్యాణ్ క‌థానాయ‌కుడిగా సుజిత్ ద‌ర్శ‌క‌త్వంలో ముంబై గ్యాంగ్ స్ట‌ర్ బ్యాక్ డ్రాప్ లో 'ఓజీ' తెర‌కెక్కుతోన్న సంగ‌తి తెలిసిందే. ఇప్ప‌టికే చిత్రీక‌ర‌ణ ముగింపు ద‌శ‌కు చేరుకుంది. తాజాగా ఇటీవ‌లే హైద‌రాబాద్ లో బ్యాలెన్స్ షూటింగ్ మొద‌లైంది.

ప్ర‌స్తుతం ప‌వ‌న్ క‌ళ్యాణ్ లేని స‌న్నివేశాలు తెర‌కెక్కిస్తున్నారు. హ‌రిహ‌ర‌వీర‌మ‌ల్లు ముగించిన త‌ర్వాత ప‌వ‌న్ ఓజీకి సెట్స్ కి వెళ్తారు. వ‌చ్చే నెల నుంచి ప‌వ‌న్ జాయిన్ అయ్యే అవ‌కాశం ఉంది. ఈ నేప‌థ్యంలోనే అకీరా నంద‌న్ ఎంట్రీకి సంబంధించి ఏర్పాట్లు జ‌రుగుతున్న‌ట్లు స‌న్నిహిత వ‌ర్గాల నుంచి తెలిసింది. ఇప్ప‌టికే అకీరా పార్ట్ కి సంబంధించిన షూటింగ్ కూడా ముగించారుట‌. అందుకు గాను అకీరా నంద‌ర్ రెండు రోజుల పాటు షూటింగ్ సెట్స్ కి వెళ్లిన‌ట్లు తెలిసింది.

సినిమా క్లైమాక్స్ లో అకీరా స‌న్నివేశాలు వ‌స్తాయ‌ని స‌మాచారం. ఈ సీన్స్ అకీరా లాంచింగ్ కి ప‌ర్పెక్ట్ గా వ‌చ్చాయ‌ని అంటున్నారు. అయితే ప‌వ‌న్-అకీరా ఒకే ప్రేమ్ లో ఎక్క‌డైనా క‌నిపిస్తారా? అన్న దానిపై స‌రైన క్లారిటీ లేదు. ప‌వ‌న్ సినిమా అంటే అభిమానుల్లో ఓ పూన‌కం. అలాంటింది ఇద్ద‌రు ఒకే ప్రేమ్ లోక‌నిపిస్తే థియేట‌ర్లు బ్లాస్ట్ అవ్వాల్సిందే. మ‌రి అందుకు ద‌ర్శ‌కుడు సుజిత్ ఛాన్స్ ఇచ్చాడా? లేదా? అన్న‌ది చూడాలి.

ఇప్ప‌టికే అకీరా నంద‌న్ మంచి మ్యూజిక్ ప్రియుడిగా అంద‌రికీ సుప‌రిచితం. న‌టుడు అవ్వ‌డం కంటే మ్యూజిక్ డైరెక్ట‌ర్ అవ్వ‌డం అన్న‌ది అకీరా డ్రీమ్. కానీ అభిమానులు న‌టుడు అవ్వాల‌ని, ప‌వ‌న్ వార‌స‌త్వాన్ని కొన‌సాగించాల‌ని ఆశ‌ప‌డుతున్నారు. ప‌వ‌న్ రాజ‌కీయాల్లో బిజీ అవుతోన్న నేప‌థ్యంలో అకీరాలో ప‌వ‌న్ ని చూసుకోవాల‌న్న‌ది అభిమానులు కోరిక‌.