రీప్లెస్ చేస్తున్నారా? అంటే ఒప్పుకోని హీరో!

బాలీవుడ్ లో `హేరాఫేరి` ప్రాంచైజీ ఎంత పెద్ద స‌క్సెస్ సాధించిందో చెప్పాల్సిన ప‌నిలేదు. అక్ష‌య్ కుమార్..సునీల్ శెట్టి..ప‌రేష్ రావ‌ల్..సంజ‌య్ ద‌త్ ప్ర‌ధాన పాత్ర‌ల్లో తెర‌కెక్కిన ఈ చిత్రాలు బాలీవుడ్ లోనే బ్రాండ్ గా మారాయి. అయితే ఇప్పుడీ ప్రాంచైజీ నుంచి `హేరాఫేరి-4` కి కూడా రంగం సిద్ద‌మ‌వుతోంది. అయితే ఇందులో అక్ష‌య్ కుమార్ ని త‌ప్పించి అత‌డి స్థానంలో యువ హీరో కార్తీక్ ఆర్య‌న్ ని తీసుకుంటున్న‌ట్లు ప్ర‌చారం సాగుతుంది. కార్తీక్ స‌క్సెస్ స‌హా అక్ష‌య్ పాత్ర‌ని ప‌ర్పెక్ట్ గా రీప్లేస్ చేయ‌గ‌ల న‌టుడు అని బాలీవుడ్ లో పెద్ద ఎత్తున ప్ర‌చారం సాగుతుంది.

ఈ నేప‌థ్యంలో కావాల‌నే ప్రాజెక్ట్ నుంచి అక్ష‌య్ కుమార్ ని త‌ప్పిస్తున్న‌ట్లు తెర‌పైకి వ‌చ్చింది. అక్ష‌య్ సినిమాల‌కు మార్కెట్ లో డిమాండ్ త‌గ్గ‌డం... వ‌రుస‌గా రిలీజ్ అయిన సినిమాల‌న్నీ ప్లాప్ అవ్వ‌డంతో ఈప్రాంచైజీలో అత‌డి ని తొల‌గించాల‌ని మేకర్స్ భావిస్తున్న‌ట్లు ప్రచారంలోకి వ‌చ్చింది. అయితే తాజాగా ఈ ప్ర‌చారాన్ని అక్ష‌య్ కుమార్ ఖండించాడు. త‌న పాత్ర‌లో యాధ‌విధిగా కొన‌సాగుతున్నాని...ఆస్థానంలో మ‌రో న‌టుడు ఎవ‌రూ రాలేద‌ని...తాను మాత్ర‌మే ఆ పాత్ర‌కు న్యాయం చేసే న‌టుడ‌ని వివ‌ర‌ణ ఇచ్చుకున్నారు.

బాలీవుడ్ లో కామెడీ సినిమాలు త‌గ్గిపోతున్నాయి. ఆ క‌రువు తీర్చేలా ఈ ఏడాది..వ‌చ్చే ఏడాది చాలా సినిమాలు రాబోతున్నాయి. అందులో కొన్ని నా చిత్రాలు మూడు ఉన్నాయి. ` వెల్ క‌మ్`..`హౌస్ ఫుల్` చిత్రాల‌తో పాటు హేరాఫేరి -4 లో కూడా నేనే న‌టిస్త` అని అన్నారు. దీంతో కార్తీక్ ఎంట్రీ హేరా ఫేరి లో లేన‌ట్లేన‌ని తెలుస్తోంది. ఇక అక్ష‌య్ కుమార్ ఏడాదిలో క‌నీసం ఆరు సినిమాలైనా రిలీజ్ చేయ‌డం టార్గెట్ గా పెట్టుకుని ప‌నిచేస్తుంటార‌న్న‌ది తెలిసిందే.

బాలీవుడ్ లో వేగంగా సినిమాలు చేయ‌డం..వాటిని రిలీజ్ చేయ‌డం అన్న‌ది అతినికే చెల్లింది. ఆ ర‌కంగా ఖిలాడీ పేరిట ఎన్నో రికార్డులున్నాయి. అయితే దుర‌దృష్టం కొద్ది చాలా సినిమాలు స‌క్సెస్ అవ్వ‌డం లేదు. లేదంటే మార్కెట్ లో అక్ష‌య్ డిమాండ్ మాములుగా ఉండేది కాదు. 2024 లోనూ ఖిలాడీ చాలా సినిమాల‌తో ప్రేక్ష‌కుల ముందుకు రాబోతున్నాడు. ప్ర‌స్తుతం అవ‌న్నీ షూటింగ్ ద‌శ‌లో ఉన్నాయి.