ఆ హీరోయిన్ పెద్ద త‌ప్పే చేస్తుందా?

బాలీవుడ్ హీరోయిన్ అలియాభ‌ట్ `ఆర్ ఆర్ ఆర్` చిత్రంతో టాలీవుడ్ లో ఎంత గొప్ప‌గా లాంచ్ అయిందో తెలిసిందే. ఆర్ ఆర్ ఆర్ విజ‌యంతో గ్లోబ‌ల్ స్థాయిలో వెలిగిపోయింది. అప్పటికే హాలీవుడ్ అవ‌కాశాలు వ‌స్తోన్న స‌మ‌యంలో ఆర్ ఆర్ ఆర్ రిలీజ్ అమ్మ‌డి కెరీర్ కి మ‌రింత ప్ల‌స్ గా మారింది. సీత‌మ్మ పాత్ర‌ల‌తో తెలుగు ప్రేక్ష‌కుల హృద‌యాలకు ద‌గ్గ‌రైంది. కానీ ఆ సినిమా త‌ర్వాత మ‌ళ్లి తెలుగు సినిమా చేయ‌లేదు. 'ఆర్ ఆర్ ఆర్' రిలీజ్ అయిన త‌ర్వాత టాలీవుడ్ లో అమ్మ‌డికి మంచి అవ‌కాశాలే వ‌చ్చాయి.

ఎన్టీఆర్ న‌టించిన 'దేవ‌ర' సినిమాలో అలియాభ‌ట్ అయితే బాగుంటుంద‌ని కొర‌టాల శివ ముందుగా ఆమెనే అప్రోచ్ అయ్యారు. కానీ ఆ ఛాన్స్ ని సున్నితంగా తిర‌స్క‌రించింది. అటుటు ఆర్సీ 16లో సైతం అలియాభ‌ట్ అయితే బాగుంటుంద‌నే ప్ర‌పోజ‌ల్ తెర‌పైకి వ‌చ్చింది. బుచ్చి బాబు కూడా ఆమె డేట్లు కోసం ట్రై చేస్తున్న‌ట్లు ప్ర‌చారం జ‌రిగింది. కానీ అది సాధ్య ప‌డ‌లేదు. ఆ త‌ర్వాతే బుచ్చిబాబు జాన్వీక‌పూర్ ని తీసుకున్నారు.

అక్క‌డితో అలియాభ‌ట్ పై టాలీవుడ్లో ప్ర‌చారం ఆగిపోయింది. అయినా అలియాభ‌ట్ కోసం మ‌రింత మంది మేక‌ర్స్ ప్ర‌యత్నించారు. కానీ అమ్మ‌డు ఆస‌క్తి చూపించ‌లేదు. మాతృభాష హిందీకిచ్చిన ప్రాధాన్య‌త తెలుగు సినిమాల‌కు ఇవ్వ‌లేదు. తెలుగు సినిమాలో ఛాన్సుల కోసం బాలీవుడ్ భామ‌లంతా క్యూ క‌ట్టి ఉంటే? అలియాభ‌ట్ మాత్రం వ‌చ్చిన పాన్ ఇండియా అవ‌కాశాలన్నీ చేజార్చుకుంది. ఇప్ప‌టికీ అదే విధానంలో కొన‌సాగుతుంది.

అలియాభ‌ట్ తెలుగు సినిమా చేస్తానంటే? కోట్ల రూపాయ‌లు పారితోషికం ఇచ్చి లాక్ చేయాల‌ని ద‌ర్శ‌క‌, నిర్మాత‌లు రెడీగా ఉన్నారు. కానీ ఆ ఛాన్స్ ఇవ్వ‌డం లేదు. ఆ ర‌కంగా అలియాభ‌ట్ పాన్ ఇండియా రేసులో వెనుక‌బ‌డుతుంద‌నే విమ‌ర్శ సైతం వ్య‌క్త‌మ‌వుతుంది. కోట్ల పారితోషికం..పాన్ ఇండియా క్రేజ్ వదిలేసుకుని హిందీకే ప‌రిమిత‌మ‌వ్వ‌డం త‌గునా? అంటూ అలియా తెలుగు అభిమానులు పోస్టులు పెడుతున్నారు.