ఈ స్టార్ డాట‌ర్ కూతురు చిచ్చుబుడ్డి
ఇప్పుడు స్టార్ క‌పుల్ ఆలియా భట్- రణబీర్ కపూర్ త‌మ గారాల కుమార్తె రాహాతో కలిసి దీపావ‌ళిని జ‌రుపుకుంటున్న ఫోటోల‌ను ఇన్‌స్టాగ్రామ్‌లో షేర్ చేసారు.
By: Tupaki Desk | 2 Nov 2024 4:36 AM GMT
దీపావళి పండుగ స్ఫూర్తిని నింపుతోంది. సెలబ్రిటీలు ఆన్‌లైన్‌లో త‌మ ఇంట దీపాల పండుగ‌కు సంబంధించిన ప్ర‌తి అప్ డేట్ ని షేర్ చేస్తుంటే అభిమానులు ఎగ్జ‌యిట్ అవుతున్నారు. ముఖ్యంగా బాలీవుడ్ లో దీపావళి పార్టీలు పీక్స్ లో సాగాయి. ఇప్పుడు స్టార్ క‌పుల్ ఆలియా భట్- రణబీర్ కపూర్ త‌మ గారాల కుమార్తె రాహాతో కలిసి దీపావ‌ళిని జ‌రుపుకుంటున్న ఫోటోల‌ను ఇన్‌స్టాగ్రామ్‌లో షేర్ చేసారు.
లవ్ అండ్ లైట్స్ స‌మ‌క్షంలో కుటుంబ వేడుక ఆక‌ట్టుకుంది. ``లైట్లు, ప్రేమ .. విలువైన క్షణాలు. దీపావళి శుభాకాంక్షలు`` అని ఈ పోస్ట్ కి క్యాప్ష‌న్ ఇచ్చారు. గారాల రాహా కపూర్ తన తల్లిదండ్రుల సహాయంతో ఆరతిని పట్టుకుని ఈ ఫోటోగ్రాఫ్స్ లో క‌నిపించింది. రాహా త‌ల్లిదండ్రుల‌తోనే కాదు, తన పిన్నిగారైన షాహీన్‌తో కలిసి ఉన్న మరో ఫోటో కూడా హైలైట్ అయింది. మూడవది అలియా, తన తల్లి సోనీ రజ్దాన్‌ల మధ్య ఆప్యాయ ఆలింగ‌నం. రాహాను అమ్మ‌మ్మ అల్లారు ముద్దుగా పెంచుతోంద‌ని దీనిని బ‌ట్టి అర్థం చేసుకోవ‌చ్చు.
నాల్గవ ఫోటోలో అలియా-రణబీర్‌లు రాహా - రణబీర్ తల్లి నీతూ కపూర్‌తో కలిసి ప్రేమ ఆశీర్వాదాల న‌డుమ త‌ర‌త‌రాలకు చెందిన కుటుంబ ఉద్వేగాన్ని అనుభూతి చెందారు. దీపావళి లైట్ల క్రింద బంగారు చీరలో అలియా సాంప్ర‌దాయ బ‌ద్ధంగా క‌నిపించింది. ప్రత్యేక దీపావళి సంద‌ర్భంగా ఆలియా - రణబీర్ చిన్న రాహాతో కలిసి వేడుకను జ‌రుపుకోవ‌డాన్ని చూసేందుకు రెండు క‌ళ్లు చాల‌డం లేదు. ఆలియా తన కూతురిని దగ్గరగా పట్టుకుని, కుటుంబం వారి కారు వద్దకు వెళుతుండగా రాహా క్యూట్ ఎక్స్ ప్రెష‌న్స్ అంద‌రి దృష్టిని ఆకర్షించాయి. ఈ స్టార్ డాట‌ర్ క్యూట్ డాట‌ర్ చిచ్చుబుడ్డి, మ‌తాబు అంటూ అభిమానులు మురిసిపోతున్నారు.
కెరీర్ మ్యాట‌ర్ కి వ‌స్తే.... అలియా ఇటీవలే వాసన్ బాలా దర్శకత్వం వహించిన `జిగ్రా`లో వేదంగ్ రైనాతో కలిసి నటించింది. YRF గూఢచారి విశ్వంలో నాయికా ప్ర‌ధాన చిత్రం `ఆల్ఫా`లో ఆలియా కనిపించనుంది. అదే సమయంలో సంజయ్ లీలా భ‌న్సాలీ దర్శకత్వం వహిస్తున్న `లవ్ అండ్ వార్` కోసం ఆలియా-రణబీర్ సిద్ధ‌మ‌వుతున్నారు. ఇందులో విక్కీ కౌశల్ కీల‌క పాత్ర‌ధారి. రణబీర్, విక్కీ ఇద్దరూ ముంబైలో దీపావళి సంబరాల కోసం బికనీర్ లో షూటింగ్ నుండి తిరిగి వచ్చారు.
