మహేష్‌ - రాజమౌళి మూవీ... నమ్మలేని నిజం

టాలీవుడ్‌ జక్కన్న రాజమౌళి దర్శకత్వంలో మహేష్ బాబు హీరోగా ఒక సినిమా రూపొందబోతుంది. అందుకు సంబంధించిన ప్రీ ప్రొడక్షన్‌ వర్క్ జరుగుతున్నట్లుగా ఇటీవలే రాజమౌళి ఒక కార్యక్రమంలో అధికారికంగా ప్రకటించాడు. ఇప్పటి వరకు హీరో తప్ప మరే నటుడిని ఎంపిక చేయలేదని కూడా జక్కన్న చెప్పుకొచ్చాడు.

సోషల్ మీడియా మరియు మెయిన్ స్ట్రీమ్ మీడియాలో మాత్రం రకరకాలుగా ప్రచారం జరుగుతూనే ఉంది. హాలీవుడ్‌ నటుడు ఈ సినిమాలో నటించబోతున్నట్లు గతంలో వార్తలు వచ్చాయి. ఇప్పుడు బాలీవుడ్‌ హీరోయిన్ ఆలియా భట్‌ ఈ సినిమాలో నటించబోతుందనే వార్తలు వస్తున్నాయి.

రాజమౌళి గత చిత్రం ఆర్ఆర్ఆర్‌ లో హీరోయిన్ గా ఆలియా భట్ నటించిన విషయం తెల్సిందే. ఆ సినిమా లో ఆలియా పాత్ర గురించి అంత ఇంత అంటూ ప్రచారం చేశారు. కానీ అందులో ఆలియా పాత్ర మరీ నిరాశాజనకంగా ఉంది. రాజమౌళి పై ఆలియా చాలా కోపంగా ఉందనే వార్తలు కూడా వచ్చాయి.

ఆర్ఆర్‌ఆర్‌ సినిమాలో తనకు ఏమాత్రం ప్రాముఖ్యత ఉన్న పాత్రను ఇవ్వని రాజమౌళి సినిమాలో ఆలియా నటించేందుకు ఒప్పుకుంటుందా అంటే కచ్చితంగా లేదు అనే సమాధానం వస్తుంది. కానీ కొందరు బాలీవుడ్‌ వర్గాల వారు మాత్రం ఈసారి ఆలియా ను తీసుకుని ప్రాముఖ్యత ఉన్న పాత్రను ఇవ్వాలని జక్కన్న భావిస్తున్నాడనే వార్తలు వస్తున్నాయి.

ఇప్పటి వరకు రాజమౌళి నుంచి ఈ విషయమై ఎలాంటి స్పష్టత రాలేదు. ఒక వేళ ఆలియా భట్‌ కనుక మహేష్‌ బాబు సినిమాలో నటిస్తే తప్పకుండా పాన్ ఇండియా రేంజ్ లో మంచి క్రేజ్‌ సినిమాకు క్రియేట్‌ అయ్యే అవకాశాలు ఉన్నాయి అనేది సినీ విశ్లేషకుల అభిప్రాయం.