ఆలియా పెళ్లిరోజు కానుక టూమ‌చ్ కాస్ట్‌లీ గురూ

ఆర్.ఆర్.ఆర్ చిత్రంతో సౌత్ కి ప‌రిచ‌య‌మైంది ఆలియా భ‌ట్. ఉత్త‌రాది ద‌క్షిణాది రెండు చోట్లా త‌న‌కు ఇప్పుడు భారీ ఫాలోవ‌ర్స్ ఉన్నారు. అందుకే ఆలియా ఏం చేసినా.. ప్ర‌తిదీ ఇటు సౌత్ లోను సంచ‌ల‌న‌మే. ఇప్పుడు ఏకంగా 8 కోట్ల విలువైన‌ పెళ్లిరోజు కానుక‌ను అందుకుంది. అంత ఖ‌రీదైన కానుక ఏమై ఉంటుంది.. గెస్ చేయ‌గ‌ల‌రా?

ఇదిగో ఇక్క‌డ క‌నిపిస్తున్న బెంట్లీ కార్. త‌న భ‌ర్త రణబీర్ కపూర్ ఆలియాకు రూ. 8 కోట్ల విలువైన కొత్త బెంట్లీ కాంటినెంటల్‌ను బహుమతిగా ఇచ్చాడు. బ్లాక్ బ్యూటీ అనేది ఈ కార్ పేరు. ప్రస్తుతం మార్కెట్లో ఉన్న‌ హై-ఎండ్ విలాసవంతమైన కార్లు తమ గ్యారేజీలో ఉన్నా ఈ ఖ‌రీదైన కార్ ని భార్య‌కు అత‌డు బ‌హుమతిగా ఇచ్చి ప్రేమ‌ను చాటుకున్నాడు. గ‌త ఏడాది.. తన కార్ కలెక్షన్‌కు బెల్‌గ్రేవియా గ్రీన్ ఎక్స్‌టీరియర్స్‌తో కూడిన రేంజ్ రోవర్‌ను ర‌ణ‌బీర్ జోడించాడు.

ఇప్పుడు త‌న భార్య ఆలియా కోసం బెంట్లీ కార్ కొన్నాడు. ఈ కొత్త‌ కార్ రైడ్‌లో కెమెరాల‌కు చిక్కాడు. ముంబైలోని నూతన వధూవరులు రకుల్ ప్రీత్ సింగ్ - జాకీ భగ్నాని ఇచ్చిన పార్టీకి ఈ కొత్త కార్ లో అటెండ‌య్యారు. అలియా భట్ ఎరుపు రంగు దుస్తులలో అందంగా కనిపించగా, రణబీర్ కపూర్ క్లాసీ బ్లాక్ షర్ట్‌లో ఎప్పటిలాగే అందంగా కనిపించాడు. ఈ జంట కెమెరాలకు ఫోజులిచ్చారు. కొత్త కార్ ని కొన‌డ‌మే కాదు.. ముంబైలో ఈ జంట రూ.200 కోట్ల విలువైన కొత్త ఇంటిని నిర్మిస్తూ నిరంత‌రం హెడ్ లైన్స్ లో నిలుస్తున్నారు. ఇటీవ‌లే ఈ ఇంటిని రాహా క‌పూర్ కి కానుక‌గా రాసిచ్చారు.

కెరీర్ మ్యాట‌ర్ కి వ‌స్తే... రణబీర్ కపూర్ తదుపరి `రామాయణం`లో న‌టించాల్సి ఉంది. అలాగే సందీప్ వంగాతో `యానిమల్ పార్క్` 2025లో సెట్స్ కెళ్లే వీలుంది. అలియా భట్ తదుపరి చిత్రం జిగ్రాతో అభిమానుల ముందుకు రానుంది. ఆలియా-ర‌ణ‌బీర్ న‌టించాల్సిన `బ్ర‌హ్మాస్త్ర 2` పై ఎలాంటి స‌మాచారం లేదు.