బచ్చలి మల్లితో అల్లరోడి తొలి అడుగు..!

ప్రేక్షకులను మెప్పించడం కోసం స్టార్స్ అంతా కొత్త కొత్త ప్రయత్నాలు చేస్తున్నారు. పాన్ ఇండియా స్టార్స్ కోట్ల కొద్దీ బడ్జెట్ తో భారీ రేంజ్ లో సినిమాలు చేస్తుంటే మీడియం రేంజ్ హీరోలు కూడా కొత్త కథలతో ఆడియన్స్ ని సర్ ప్రైజ్ చేయాలని చూస్తున్నారు. రెగ్యులర్ రొటీన్ కథలతో వస్తే ప్రేక్షకులు యాక్సెప్ట్ చేయట్లేదనే క్లారిటీకి వచ్చిన హీరోలు కొత్త ప్రయత్నాలతోనే వస్తున్నారు. అలాంటి వారిలో అల్లరి నరేష్ కూడా ఒకరు.

ఒకప్పుడు కామెడీ సినిమాలు చేస్తూ వచ్చిన అల్లరి నరేష్ కాస్త నాంది సినిమాతో తను కూడా సీరియస్ సినిమాలు తీసి మెప్పించగలనని ప్రూవ్ చేశాడు. ఐతే నాంది తర్వాత వరుసగా అలాంటి సినిమాలే చేసిన నరేష్ ని ఒక్కసారి కామెడీ యాంగిల్ లో చూడాలని ఆడియన్స్ కోరగా ఆ ఒక్కటి అడక్కు సినిమాతో వచ్చాడు. ఆ సినిమా సక్సెస్ అయితే మళ్లీ నరేష్ అదే పంథాలో వెళ్లేవాడేమో కానీ నరేష్ కు ఆ సినిమా చేదు అనుభవం ఇవ్వడంతో మళ్లీ తిరిగి సీరియస్ కథల మీద గురి పెట్టాడు.

ప్రస్తుతం సుబ్బు డైరెక్షన్ లో బచ్చల మల్లి సినిమా చేస్తున్నాడు అల్లరోడు. ఈ సినిమాలో నరేష్ లుక్ చూస్తే ఊర మాస్ అన్నట్టుగా ఉంది. ఈమధ్య స్టార్స్ అంతా ఆడియన్స్ ని తమ ఊర మాస్ యాటిట్యూడ్ తో మెప్పిస్తున్నారు. పాన్ ఇండియా రేంజ్ లో బ్లాక్ బస్టర్ అయిన పుష్ప సినిమాలో కథ కథనాల కన్నా పుష్ప రాజ్ యాటిట్యూడ్ కే ఎక్కువ ఫ్యాన్స్ ఉన్నారు. అదే తరహాలో బచ్చల మల్లిలో అల్లరి నరేష్ పాత్ర కూడా ఫుల్ మాస్ గా ఉంటుందట. ఇలాంటి పాత్రలో అల్లరి నరేష్ ని ఊహించడం కూడా కష్టం అనేలా ఆ రోల్ ని డిజైన్ చేశారట.

నాందితో మాస్ టర్న్ తీసుకున్న అల్లరి నరేష్ మళ్లీ కాస్త ఆలోచన మార్చుకున్నాడు కానీ బచ్చల మల్లితో ఇక మీదట సీరియస్ కథలనే చేయాలని ఫిక్స్ అయ్యాడు. అలా కమిటై చేసిన మొదటి సినిమాగా బచ్చల మల్లి రాబోతుంది. ఈ సినిమాలో అమృత అయ్యర్ హీరోయిన్ గా నటిస్తుంది. డిసెంబర్ 20న రిలీజ్ ప్లాన్ చేస్తున్న ఈ సినిమాకు పోటీ బాగానే ఉండేలా ఉంది. అల్లరి నరేష్ సీరియస్ యాక్షన్ తో వస్తున్న బచ్చల మల్లి ప్రేక్షకులను మెప్పిస్తుందా లేదా అన్నది చూడాలి.