అల్లరోడి 'ఆ' టైటిల్... గందరగోళం

అల్లరి నరేష్ నా సామి రంగ సినిమా తో సంక్రాంతి సందర్భంగా నాగార్జునతో కలిసి ప్రేక్షకుల ముందుకు వచ్చిన విషయం తెల్సిందే. ఆ సినిమా కమర్షియల్ గా విజయాన్ని సొంతం చేసుకుంది. ఒక వైపు ఇతర హీరోలతో కలిసి మల్టీస్టారర్ సినిమాల్లో నటిస్తూనే మరోవైపు సోలో హీరోగా సినిమాలు చేసేందుకు కథలు వింటున్నాడు.

ఈ మధ్య కాలంలో అల్లరి నరేష్‌ నుంచి ఎక్కువగా సీరియస్ కథలు, సీరియస్ పాత్రలు వచ్చాయి. చాలా రోజుల తర్వాత కామెడీ సోలో హీరో సినిమాను చేసేందుకు రెడీ అవుతున్నాడు. ఆ సినిమాకు గాను తన తండ్రి ఈవీవీ సత్యనారాయణ సూపర్‌ హిట్ మూవీ ఆ ఒక్కటి అడక్కు టైటిల్ ను పరిశీలిస్తున్నారనే వార్తలు వస్తున్నాయి.

ఆ మధ్య 'ఆ ఒక్కటి అడక్కు' టైటిల్ తో ఒక సినిమా ప్రారంభం అయ్యింది. రామ్‌ అంకం దర్శకత్వంలో సినిమా రూపొందింది. షూటింగ్‌ పూర్తి అయ్యిందనే వార్తలు వచ్చాయి. కానీ ఇప్పుడు మళ్లీ అల్లరోడి సినిమా, దానికి ఆ ఒక్కటి అడక్కు అంటూ టైటిల్ ను పెట్టే ఆలోచనలో ఉన్నారు అంటూ వార్తలు రావడం గందరగోళంను క్రియేట్‌ చేస్తోంది.

ఈ మధ్య కాలంలో సోలో హీరోగా అల్లరి నరేష్‌ కి ఆశించిన స్థాయిలో సక్సెస్ లు దక్కడం లేదు. దాంతో ఈ టైటిల్ తో కచ్చితంగా ప్రయత్నిస్తే విజయం సాధించడం ఖాయం అన్నట్టు కొందరు అభిప్రాయం వ్యక్తం చేస్తున్నారు. ఆ టైటిల్‌ కి కచ్చితంగా నరేష్‌ పూర్తి న్యాయం చేస్తాడు అనే అభిప్రాయం కూడా వ్యక్తం అవుతోంది. ఈ గందరగోళం కు క్లారిటీ వచ్చేది ఎప్పుడో చూడాలి.