పుష్ప 2 చూసిన అల్లు అరవింద్… టాక్ ఏంటంటే?

ఐకాన్ స్టార్ అల్లు అర్జున్ మోస్ట్ అవైటెడ్ మూవీ ‘పుష్ప 2’పైన దేశ వ్యాప్తంగా క్రేజ్ నెలకొని ఉంది. ముఖ్యంగా నార్త్ ఇండియాలో అయితే భారీ అంచనాల మధ్య ఈ చిత్రం రిలీజ్ అవుతోంది. కచ్చితంగా మొదటి రోజే ఈ సినిమా రికార్డ్ స్థాయి వసూళ్లు అందుకోవడం గ్యారెంటీ అనుకుంటున్నారు. ఈ మూవీ డిసెంబర్ 5న వరల్డ్ వైడ్ గా రిలీజ్ కాబోతోంది. ఒక రోజు ముందుగానే డిసెంబర్ 4న యూఎస్ లో పుష్ప 2 ప్రీమియర్స్ పడబోతున్నాయి.

అలాగే తెలుగు రాష్ట్రాలలో కూడా ఈ మూవీ స్పెషల్ బెన్ ఫిట్ షోలు వేయడానికి మేకర్స్ సిద్ధం అవుతున్నారు. పర్మిషన్స్ కూడా లభించే అవకాశం ఉందని అనుకుంటున్నారు. రెండు రాష్ట్రాల ప్రభుత్వాలు ఇండస్ట్రీకి సానుకూలంగానే ఉన్నాయి. అందుకే ప్రొడ్యూసర్స్ కూడా పెద్దగా టెన్షన్ లేకుండా ఉన్నారనే మాట వినిపిస్తోంది. ఈ మూవీ ప్రమోషన్స్ చాలా అగ్రెసివ్ గా చేస్తున్నారు. ఇప్పటికే పాట్నా, చెన్నైలో ఈవెంట్స్ జరిగాయి. త్వరలో హైదరాబాద్ లో ప్రీరిలీజ్ ఈవెంట్ జరగబోతోంది.

ఇదిలా ఉంటే ఈ సినిమాపైన ఇప్పటి వరకు పాజిటివ్ బజ్ ఉంది. మూవీ నుంచి వచ్చిన ట్రైలర్, సాంగ్స్ కి మంచి రెస్పాన్స్ వచ్చింది. తాజాగా రిలీజ్ అయిన ఐటెం సాంగ్ కి ఊ అంటావాతో పోలిస్తే కొంత హైప్ తక్కువగా ఉన్నా కూడా రికార్డ్ స్థాయిలో వ్యూవ్స్ సొంతం చేసుకుంది. ప్రీరిలీజ్ ఈవెంట్ తర్వాత మూవీపైన మరింత హైప్ పెరగడం ఖాయం అనుకుంటున్నారు. ఓవర్సీస్ లో ఇప్పటికే ప్రీమియర్ షోలకి అడ్వాన్స్ బుకింగ్స్ జరుగుతున్నాయి.

పబ్లిక్ నుంచి ఈ అడ్వాన్స్ బుకింగ్స్ కి మంచి రెస్పాన్స్ వస్తోంది. ఇండియాలో ఎప్పుడు అడ్వాన్స్ బుకింగ్స్ ఓపెన్ చేస్తారా అని ఫ్యాన్స్ వెయిట్ చేస్తున్నారు. ఇదిలా ఉంటే తాజాగా ఈ సినిమాని నిర్మాత అల్లు అరవింద్ వీక్షించారంట. సినిమా చూసిన తర్వాత ఆయన చాలా హ్యాపీగా ఫీల్ అయినట్లు టాక్ వినిపిస్తోంది. విశ్వసనీయ వర్గాల సమాచారం మేరకు ఈ మూవీ తొలిసగం ఎమోషనల్ డ్రామాతో ఉంటుందంట. సెకండ్ హాఫ్ కంప్లీట్ యాక్షన్ ప్యాక్డ్ ఎలిమెంట్స్ తో పవర్ ఫుల్ గా ఉండబోతోందని టాక్.

సినిమాలో సుకుమార్ మంచి ఎమోషనల్ డ్రామాని నడిపించాడని, ప్రతి ఒక్కరికి ఇది కనెక్ట్ అవుతుందని అనుకుంటున్నారు. ఇంటర్వెల్ బ్యాగ్ నుంచి యాక్షన్ ఎలిమెంట్స్ స్టార్ట్ అవుతాయంట. అక్కడి నుంచి సెకండ్ హాఫ్ అంతా చాలా రేసీగా అదిరిపోయే యాక్షన్ ఘట్టాలతో కథని నడిపించినట్లు ప్రచారం జరుగుతోంది. ఓవరాల్ గా ఆడియన్స్ కి విజువల్ ఫీస్ట్ గా ‘పుష్ప 2’ ఉండబోతోందని అనుకుంటున్నారు.