AA.. ఇది హార్డ్ వర్క్ కు సింబల్!
మరో బ్లాక్ బస్టర్ హిట్ కొట్టేందుకు రెడీ అవుతున్నారు. మరికొద్ది రోజుల్లో ప్రపంచవ్యాప్తంగా ప్రేక్షకుల ముందుకు రానుంది.
By: Tupaki Desk | 27 Nov 2024 5:11 PM GMT
అల్లు అర్జున్.. ఒకే ఒక్క మూవీ పుష్పతో పాన్ ఇండియా లెవెల్ లో అనేక రికార్డ్స్ ను బద్దలుకొట్టేశారు. అప్పటికే పలు సూపర్ హిట్ చిత్రాల్లో నటించిన బన్నీ.. పుష్పతో నేషనల్ వైడ్ గా అందరి దృష్టిని ఆకర్షించారు. వేరే లెవెల్ లో ఫ్యాన్ బేస్ క్రియేట్ చేసుకున్నారు. ఎర్రచందనం స్మగ్లింగ్ నేపథ్యంలో డైరెక్టర్ సుకుమార్ తెరకెక్కించిన ఆ సినిమాతో వరల్డ్ వైడ్ గా బ్లాక్ బస్టర్ హిట్ అందుకున్నారు.
మూవీలో పుష్ప రాజ్ పాత్రకు గాను ఉత్తమ నటుడిగా జాతీయ అవార్డు అందుకున్నారు అల్లు అర్జున్. పుష్ప సినిమాకు కూడా అనేక అవార్డులు వచ్చాయి. అవార్డుల పంట అనే చెప్పాలి. అదే సమయంలో ప్రస్తుతం పుష్ప -2తో అల్లు అర్జున్ సందడి చేసేందుకు సిద్ధమవుతున్నారు. మరో బ్లాక్ బస్టర్ హిట్ కొట్టేందుకు రెడీ అవుతున్నారు. మరికొద్ది రోజుల్లో ప్రపంచవ్యాప్తంగా ప్రేక్షకుల ముందుకు రానుంది.
అదే సమయంలో పుష్ప రిలీజ్ కు ముందు ఇప్పుడు అల్లు అర్జున్ కు సన్నిహితుడైన బన్నీ వాసు ఇంట్రెస్టింగ్ పోస్ట్ పెట్టారు. ఒక ఫింగర్ కు AA అని రాసి ఉన్న రింగ్ పెట్టుకున్న పిక్ ను షేర్ చేశారు. హార్డ్ వర్క్ కు.. దృష్టికి.. అంకితభావానికి చిహ్నం అంటూ కాప్షన్ ఇచ్చారు. ఇప్పుడు ఆ పోస్ట్ సోషల్ మీడియాలో వైరల్ గా మారగా.. అది నిజమేనని అంటున్నారు ఫ్యాన్స్. బన్నీ వాసు చెప్పింది కరెక్ట్ నేనని కామెంట్స్ పెడుతున్నారు.
అయితే రీసెంట్ గా మూవీ షూటింగ్ కంప్లీట్ అయింది. చివరి రోజు చివరి షాట్ తో పుష్ప ఐదేళ్ల జర్నీ ముగిసిందంటూ అల్లు అర్జున్ ట్వీట్ చేశారు. పుష్ప ఐదేళ్ల జర్నీ ముగిసిందని రాసుకొచ్ఛారు. ఎంతో అద్బుతమైన ప్రయాణమంటూ పోస్ట్ చేశారు. పెళ్లి మండపంలా కనిపిస్తున్న సెట్ లో మూవీ చివరి షాట్ షూట్ చేసినట్లు క్లియర్ గా తెలుస్తోంది.
ఇక అల్లు అర్జున్ ట్వీట్ తర్వాత సోషల్ మీడియాలో ఆయన హార్డ్ వర్క్ గురించి జోరుగా చర్చ సాగుతోంది. మూవీ కోసం ఆయన చాలా కష్టపడినట్లు అర్థమవుతుంది. కొన్నేళ్లుగా బన్నీ పుష్ప -2కే డేట్స్ ఇచ్చారు. మరో ప్రాజెక్టు వైపు కన్నెత్తి కూడా చూడలేదు. మధ్యలో ఫ్యామిలీతో ఫారిన్ టూర్స్ మాత్రమే వెళ్ళారు. అలా మూవీ కోసం మనసా వాచా కర్మణా అన్నట్లు కోపరేట్ చేశారు.
పుష్ప ఫస్ట్ పార్ట్ భారీ హిట్ అవ్వడంతో సీక్వెల్ విషయంలో మేకర్స్ చాలా జాగ్రత్తలు తీసుకుంటున్నారు. పర్ఫెక్ట్ అవుట్ పుట్ ను ఆడియెన్స్ కు అందించేందుకు కొన్ని సీన్స్ ను రీషూట్ చేసినట్లు ఇప్పటికే డైరెక్టర్ సుకుమార్ తెలిపారు. అలా అల్లు అర్జున్.. బాగా కోపరేట్ చేశారని ఇండస్ట్రీలో ఎప్పటి నుంచో జోరుగా ప్రచారం సాగుతోంది.
