తండేల్ కోసం రానున్న ఐకాన్ స్టార్?

నాగ చైత‌న్య హీరోగా సాయి ప‌ల్ల‌వి హీరోయిన్ గా తెర‌కెక్కిన సినిమా తండేల్. ఫిబ్ర‌వ‌రి 7న ఈ సినిమా ప్ర‌పంచ వ్యాప్తంగా ప్రేక్ష‌కుల ముందుకు రానుంది. చందూ మొండేటి ద‌ర్శ‌క‌త్వంలో రూపొందిన ఈ సినిమాను గీతా ఆర్ట్స్2 సంస్థ భారీ బ‌డ్జెట్ తో నిర్మించింది. చైత‌న్య కెరీర్లోనే హ‌య్యెస్ట్ బ‌డ్జెట్ తో తెర‌కెక్కిన ఈ సినిమాపై భారీ అంచ‌నాలున్నాయి.

రిలీజ్ ద‌గ్గర ప‌డుతున్న నేప‌థ్యంలో చిత్ర యూనిట్ ప్ర‌మోష‌న్స్ స్పీడును పెంచేసింది. ఇప్ప‌టికే ప‌లు న‌గ‌రాల్లో ఈవెంట్స్ ను నిర్వ‌హిస్తూ, మీడియాకు ఇంట‌ర్వ్యూలిస్తూ తండేల్ టీమ్ బిజీబిజీగా ఉంది. తండేల్ ప్ర‌మోష‌నల్ ఈవెంట్స్ ను తెలుగు, త‌మిళ‌, హిందీ మూడు భాష‌ల్లో గ్రాండ్ గా నిర్వ‌హించాల‌ని చిత్ర యూనిట్ ప్లాన్ చేసింది.

ఇవాళ చెన్నైలో త‌మిళ ట్రైల‌ర్ లాంచ్ ఈవెంట్ జ‌ర‌గ‌నుండ‌గా, ఆ ఈవెంట్ కు కోలీవుడ్ స్టార్ హీరో కార్తీ గెస్టు గా వ‌చ్చి త‌మిళ ట్రైల‌ర్ ను లాంచ్ చేయ‌నున్నాడు. రేపు ముంబై లో ఓ గ్రాండ్ ఈవెంట్ ను ప్లాన్ చేయ‌గా ఆ ఈవెంట్ కు ఆమీర్ ఖాన్ చీఫ్ గెస్టు గా వ‌చ్చి తండేల్ హిందీ ట్రైల‌ర్ ను లాంచ్ చేయ‌నున్న‌ట్లు ప్ర‌చారం జ‌రుగుతుంది.

ఇక తెలుగులో జ‌రిగే తండేల్ ప్రీ రిలీజ్ ఈవెంట్ కు చీఫ్ గెస్టు గా ఐకాన్ స్టార్ అల్లు అర్జున్ రానున్న‌ట్లు స‌మాచారం. ఫిబ్ర‌వ‌రి 2న ఈ ప్రీ రిలీజ్ ఈవెంట్ జ‌రిగే అవ‌కాశ‌మున్న‌ట్లు తెలుస్తోంది. సంధ్య థియేట‌ర్ ఘ‌ట‌న త‌ర్వాత అల్లు అర్జున్ అటెండ్ కాబోతున్న మొద‌టి సినిమా ఈవెంట్ ఇదే అవ‌డంతో ఈ విష‌యం ఆస‌క్తిక‌రంగా మారింది.

దీనికి సంబంధించిన అధికారిక ప్ర‌క‌ట‌న రావాల్సి ఉంది. గీతా ఆర్ట్స్2 బ్యాన‌ర్ లో రూపొందిన సినిమా కావ‌డం, తండేల్ కు నిర్మాత బ‌న్నీ వాసు త‌న‌కు అత్యంత స‌న్నిహితుడు కావ‌డంతోనే బ‌న్నీ ఈ ప్రీ రిలీజ్ ఈవెంట్ కు హాజ‌ర‌వ‌డానికి ముఖ్య కార‌ణాలుగా తెలుస్తోంది. ఈ సినిమాను ప్రేమ క‌థ‌కు దేశ భ‌క్తిని జోడిస్తూ డైరెక్ట‌ర్ చందూ మొండేటి చాలా గొప్ప‌గా తెర‌కెక్కించిన‌ట్టు ట్రైల‌ర్ చూస్తుంటేనే అర్థ‌మ‌వుతుంది. ఇప్ప‌టికే తండేల్ నుంచి రిలీజైన మూడు పాట‌లు, ట్రైల‌ర్ సినిమాపై ఉన్న హైప్ ను నెక్ట్స్ లెవెల్ కు తీసుకెళ్లాయి. వ‌రుస ఫ్లాపుల‌తో ఇబ్బంది ప‌డుతున్న నాగ చైత‌న్య తండేల్ స‌క్సెస్ పై చాలా న‌మ్మ‌కంగా ఉన్నాడు.