అల్లు అయాన్ ఫేవరెట్ హీరో ఎవరంటే?

ఐకాన్ స్టార్ అల్లు అర్జున్ తనయుడు అల్లు అయాన్. అల్లు అర్జున్ రెగ్యులర్ గా తన పిల్లలతో స్పెండ్ చేసిన ఫోటోలను సోషల్ మీడియాలో షేర్ చేస్తూ ఉంటారు. ఈ కారణంగా అల్లు అయాన్ కూడా అప్పుడప్పుడు సోషల్ మీడియాలో ట్రెండ్ అవ్వడం మనకు కనిపిస్తూ ఉంటుంది. అయితే ఇప్పటివరకు అల్లు అర్జున్ తన కొడుకు అయాన్ ను సినిమా ఈవెంట్స్ కు తీసుకొచ్చిన సందర్భాలు చాలాతక్కువని చెప్పొచ్చు. పర్టిక్యులర్ గా ఇంటర్వ్యూలకు ఎప్పుడు తీసుకురాలేదు.

అయితే మొదటిసారి అల్లు అర్జున్ తన పిల్లలతో కలిసి బాలకృష్ణ ‘అన్ స్టాపబుల్ సీజన్ 4’ షోలో పార్టిసిపేట్ చేసినట్లు తెలుస్తోంది. ఆహ ఓటీటీలో ప్రసారమయ్యే ‘అన్ స్టాపబుల్’ ఇప్పటి వరకు మూడు సీజన్స్ సక్సెస్ ఫుల్ గా కంప్లీట్ చేసుకుంది. వీటికి అద్భుతమైన ప్రజాదరణ లభించింది. బాలయ్య తనదైన శైలిలో హోస్టింగ్ చేస్తూ ఫన్ క్రియేట్ చేయడంతో ఈ షోకి విపరీతమైన ఆదరణ లభిస్తోంది. ఈ నేపథ్యంలోనే రీసెంట్ గా అన్ స్టాపబుల్ సీజన్ 4 కూడా స్టార్ట్ అయింది.

ఇందులో మొదటి ఎపిసోడ్ నారా చంద్రబాబు నాయుడుతో చేయడం విశేషం. దానికి మంచి ఆదరణ లభించింది. 2వ ఎపిసోడ్ లక్కీ భాస్కర్ మూవీ టీంతో జరిగింది. దుల్కర్ సల్మాన్, వెంకీ అట్లూరి, మీనాక్షి చౌదరి, నిర్మాత నాగ వంశీ ఈ ఇంటర్వ్యూలో పాల్గొన్నారు. ఇదిలా ఉంటే ‘ఆన్ స్టాపబుల్ సీజన్ 4’ లో మూడో ఎపిసోడ్ కి గెస్ట్ గా అల్లు అర్జున్ వచ్చినట్లు తెలుస్తోంది. ఇప్పటికే ఆయనకు సంబంధించిన ఎపిసోడ్ షూటింగ్ కంప్లీట్ చేశారంట.

త్వరలో ప్రోమో రిలీజ్ చేస్తారని తెలుస్తోంది. ఈ ఎపిసోడ్ లో అల్లు అర్జున్ తో పాటు ఆయన పిల్లలు కూడా పాల్గొన్నారని టాక్. ఈ సందర్భంగా బాలకృష్ణ అల్లు అర్జున్ తనయుడు అయాన్ ను ఫేవరెట్ హీరో ఎవరు అని అడిగారంట. దానికి వెంటనే ప్రభాస్ అని అల్లు అయాన్ చెప్పినట్లు సమాచారం. అల్లు అర్జున్ అందరికి అభిమాన హీరో అయితే ఆయన కొడుకుకి మాత్రం ప్రభాస్ అంటే ఇష్టమని చెప్పడం ఆసక్తికరంగా మారింది. ప్రభాస్ అభిమానులు కూడా ఈ విషయాన్ని సోషల్ మీడియాలో షేర్ చేసుకుంటున్నారు.

పవన్ కళ్యాణ్ తనయుడు అకిరా నందన్ కి కూడా ఫేవరెట్ హీరో ప్రభాస్ అని తెలుస్తోంది. ఇలా స్టార్ కిడ్స్ లలో ఎక్కువ మంది ప్రభాస్ ని ఇష్టపడతారని ఇండస్ట్రీ వర్గాలలో అనుకుంటున్నారు. ఇది ఇలా ఉంటే ఈ ‘అన్ స్టాపబుల్ షో’ లో అల్లు అర్జున్ మరిన్ని ఆసక్తికర విషయాలు కూడా బాలయ్య తో షేర్ చేసుకున్నట్లు టాక్ వినిపిస్తోంది. ముఖ్యంగా సోషల్ మీడియాలో జరిగే ఫ్యాన్స్ వార్ గురించి రియాక్ట్ అయ్యారని అనుకుంటున్నారు. అలాగే ఎన్నికల సమయంలో వైసీపీ ఎమ్మెల్యే అభ్యర్థి తరపున నంద్యాలలో ప్రచారం చేయడంపై కూడా క్లారిటీ ఇచ్చాడని సమాచారం.