పుష్ప రాజ్ దృష్టిలో పడ్డ KA..!
పుష్ప 2 ట్రైలర్ రిలీజ్ అయినప్పటి నుంచి సోషల్ మీడియా అంతా మారుమోగిపోయేలా ఆ ఇంపాక్ట్ కనిపిస్తుంది.
By: Tupaki Desk | 18 Nov 2024 12:26 PM GMT
పుష్ప 2 ట్రైలర్ రిలీజ్ అయినప్పటి నుంచి సోషల్ మీడియా అంతా మారుమోగిపోయేలా ఆ ఇంపాక్ట్ కనిపిస్తుంది. పాట్నాలో పుష్ప 2 ట్రైలర్ రిలీజ్ చేయగా దేశమంత ఈ టాపిక్ గురించి చర్చించుకుంటుంది. ముఖ్యంగా సుకుమార్ అల్లు అర్జున్ పుష్ప 2 పై 3 ఏళ్లుగా పనిచేస్తుండగా ఆ అవుట్ పుట్ మీద ఆడియన్స్ సూపర్ సాటిస్ఫైడ్ గా ఉన్నారు. ట్రైలర్ శాంపిలే ఇలా ఉంటే ఇక సినిమా నెక్స్ట్ లెవెల్ లో ఉంటుందని అనుకుంటున్నారు.
ఐతే ఈ సినిమా ట్రైలర్ ని అల్లు అర్జున్ అంటే అభిమానం ఉన్న ప్రతి సెలబ్రిటీ షేర్ చేస్తూ పుష్ప 2 ట్రైలర్ పై రెస్పాండ్ అవుతున్నారు. అదే క్రమంలో ఈమధ్యనే క తో హిట్ అందుకున్న కిరణ్ అబ్బవరం కూడా పుష్ప 2 ట్రైలర్ గురించి స్పందించాడు. తన సోషల్ మీడియాలో వైల్డ్ ఫైర్.. డిసెంబర్ 5 కోసం వెయిటింగ్ అంటూ పుష్ప 2 గురించి కిరణ్ అబ్బవరం స్పందించాడు. ఐతే దానికి అల్లు అర్జున్ రెస్పాండ్ అయ్యాడు. కిరణ్ అబ్బవరం పెట్టిన కామెంట్ కు అల్లు అర్జున్ థాంక్యూ బ్రదర్ అని పెట్టడమే కాదు.. బిజీ వల్ల మీ సినిమా చూడలేకపోయా.. క్షమించండి.. క చూసి మీకు కాల్ చేస్తానని రెస్పాండ్ అయ్యాడు.
దానికి కిరణ్ రిప్లై ఇస్తూ థాంక్యూ అన్నా అని కామెంట్ పెట్టాడు. ఆల్రెడీ క సినిమా షూటింగ్ టైం లో అల్లు అర్జున్ రెండు సార్లు ఆ సెట్స్ కు వెళ్లాడని ఇంతకుముందు కిరణ్ చెప్పాడు. ఐతే పుష్ప 2 ని డిసెంబర్ 5కి రిలీజ్ చేయడం కోసం టీం అంతా ఆ పనుల్లో బిజీగా ఉంది. అందుకే క సినిమా చూడలేకపోయానని చూసి కాల్ చేస్తానని చెప్పాడు అల్లు అర్జున్.
టాలీవుడ్ లో ఏదైనా సినిమా సక్సెస్ అయితే అల్లు అర్జున్ సోషల్ మీడియాలో ఆ సినిమా గురించి ప్రస్తావిస్తారు. క టైం లో ఆయన బిజీ అవ్వడం వల్ల రెస్పాండ్ అవ్వలేదు. కిరణ్ పుష్ప 2 ట్రైలర్ చూసి కామెంట్ పెట్టడంతో పుష్ప 2 తో పాటు క సినిమా గురించి కూడా ప్రస్తావించాడు అల్లు అర్జున్. మొత్తానికి ఐకాన్ స్టార్ అల్లు అర్జున్ దృష్టిలో పడ్డాడు కాబట్టి కిరణ్ అబ్బవరం కి ఇది మంచి ఫలితాన్ని ఇస్తుందని చెప్పొచ్చు.
