బన్నీ వారసుడికి ఇష్టమైన హీరో ఎవరంటే..

ఐకాన్ స్టార్ అల్లు అర్జున్ ‘అన్ స్టాపబుల్’ సీజన్ 4లో పాల్గొని ఇంటరెస్టింగ్ విషయాలు ఎన్నో బాలయ్యతో పంచుకున్నారు. బాలకృష్ణ కూడా బన్నీని సినిమా రిలేటెడ్ కాకుండా వ్యక్తిగతంగా చాలా ప్రశ్నలు అడిగారు. వాటికి అల్లు అర్జున్ సమాధానం ఇచ్చారు. ఈ ఎపిసోడ్ పార్ట్ 1లో నేషనల్ అవార్డు గురించి ఎవ్వరికి తెలియని విషయాలు రివీల్ చేసిన బన్నీ పవన్ కళ్యాణ్ పై తనకున్న అభిప్రాయాన్ని కూడా పంచుకున్నారు.

తాజాగా ఈ ఎపిసోడ్ పార్ట్ 2 ఆహాలోకి వచ్చింది. ఇందులో మరిన్ని ఆసక్తికర అంశాలు అల్లు అర్జున్ పంచుకున్నారు. ముఖ్యంగా వ్యక్తిగత విషయాలని షేర్ చేశారు. తన కొడుకు అల్లు అయాన్ ‘యానిమల్’ సినిమాలోని రణబీర్ కపూర్ లాంటి వాడంటూ చెప్పుకొచ్చాడు. నేనంటే వాడికి విపరీతమైన ఇష్టం. అందరికంటే ఎక్కువగా వాడు నన్ను ప్రేమిస్తాడని బన్నీ చెప్పారు. అల్లు అయాన్ కూడా ఫాదర్ పై తనకున్న ప్రేమని ఈ షోలో బయటపెట్టాడు.

అయితే అయాన్ కి ఇష్టమైన హీరో మాత్రం అల్లు అర్జున్ కాదంట. ఈ విషయాన్ని షోలోనే చెప్పాడు. నీకు ఇష్టమైన హీరో ఎవరని బాలయ్య అయాన్ ని అడిగారు. తనకి ప్రభాస్ అంటే ఇష్టమని అయాన్ చెప్పుకొచ్చాడు. ప్రభాస్ బాహుబలి సినిమా అంటే ఇష్టం అని ఈ సందర్భంగా అయాన్ బాలయ్యతో చెప్పాడు. డాన్స్ లో చిరంజీవి తాత అంటే ఇష్టమని అయాన్ ఈ సందర్భంగా క్లారిటీ ఇచ్చాడు.

ఓవరాల్ గా నాకు ప్రభాస్ అంటే ఇష్టమని అన్నాడు. మీ నాన్న బెస్ట్ ఫ్రెండ్ కాబట్టి ప్రభాస్ ఇష్టమా అని బాలయ్య అయాన్ ని అడిగారు. బాహుబలి సినిమా నాకు చాలా ఇష్టం అందుకే ప్రభాస్ బాగా ఇష్టమైన హీరో అని అయాన్ చెప్పాడు. ఈ వీడియో ప్రస్తుతం సోషల్ మీడియాలో వైరల్ అవుతోంది. అతని మాట తీరు, ఓపెన్ మైండెడ్ చూస్తుంటే కచ్చితంగా అయాన్ అల్లు అర్జున్ కి సరైన వారసుడని, ఇండస్ట్రీని రూల్ చేయడం గ్యారెంటీ అని ఫ్యాన్స్ ఆ వీడియోకి కామెంట్స్ చేస్తున్నారు.

ప్రభాస్ ఫ్యాన్స్ ఈ వీడియోని సోషల్ మీడియాలో షేర్ చేస్తున్నారు. ఇదిలా ఉంటే అల్లు అర్జున్ మోస్ట్ అవైటెడ్ మూవీ ‘పుష్ప 2’ డిసెంబర్ 5న వరల్డ్ వైడ్ గా రిలీజ్ కాబోతోంది. ఈ సినిమా ప్రమోషన్స్ ప్రస్తుతం అగ్రెసివ్ గా జరుగుతున్నాయి. అందులో భాగంగానే ‘అన్ స్టాపబుల్’ సీజన్ 4లో కూడా పాల్గొన్నట్లు తెలుస్తోంది.